ഡാന്‍സ് സായ് പല്ലവിയാണോ? പിന്നെയൊന്നും നോക്കണ്ട വ്യൂസും ലൈക്കും ഷെയറും പറന്നു വന്നോളും..!

മലയാളികളുടെ പല സൗന്ദര്യ സങ്കല്‍പ്പത്തെയും വെല്ലുവിളിക്കുന്ന കടന്നുവരവ് ആയിരുന്നു സായ് പല്ലവി എന്ന നടിയുടേത്. തന്റെ കഴിവ് കൊണ്ട് ഒരു സ്ഥാനം സിനിമയില്‍ ഉണ്ടാക്കിയ നടിയാണ് സായ്.നൃത്ത രംഗത്ത് സായ് പല്ലവിയാണോ, പിന്നെയൊന്നും നോക്കണ്ട. വ്യൂസും, ലൈക്കും ഷെയറും എവിടെ നിന്നാണെങ്കിലും പറന്നു വന്നോളും. എന്ന് തമാശക്ക് പറഞ്ഞെങ്കിലും എന്നാലിപ്പോ സംഭവിച്ചത് മറ്റൊന്നാണ്.  ധനുഷ് പാടി പരത്തിയ കൊലവെറിയെ മലര്‍ത്തിയടിച്ചു കൊണ്ട് സായിയുടെ ഗാനം മുന്നേറുകയാണ്. 17.29 കോടി പേര് കണ്ട വൈ ദിസ് കൊലവെറി ഗാനത്തെ കടത്തിവെട്ടുന്നത് സായിയുടെ വച്ചിണ്ടയാണ്. 17.44 പേരാണ് യൂട്യൂബില്‍ വച്ചിണ്ട കണ്ടിരിക്കുന്നത്. ഫിദ എന്ന ചിത്രത്തിലെത്താന് ഗാനം.

2017ല്‍ പുറത്തിറങ്ങിയ ഫിദ, തെലുങ്ക് ചിത്രമാണ്. ഇതിനു മുന്‍പ് ബാഹുബലിയിലെ ഗാനത്തെക്കാളും വച്ചിണ്ട മുന്നിലെത്തിയിട്ടുണ്ടായിരുന്നു. വിവാഹാഘോഷ വേളയുടെ പശ്ചാത്തലത്തില്‍ ചിത്രീകരിച്ചിരിക്കുന്ന വചിണ്ട സായിയുടെ നൃത്തരംഗം കൊണ്ട് ശ്രദ്ധേയമാണ്. ഒപ്പം അഭിനയിച്ചിരിക്കുന്നത് വരുണ്‍ തേജയാണ്.

2015 ല്‍ പുറത്തിറങ്ങിയ പ്രേമം ചിത്രത്തിലൂടെയാണ് സായി മലയാളികള്‍ക്ക് സുപരിചിതയാകുന്നത്. പിന്നെയും ഒരു പിടി നല്ല വേഷങ്ങള്‍ അവരെ തേടി മലയാളത്തില്‍ നിന്നുമെത്തി. ഫിദ അത്രയ്ക്ക് പരിചിതം അല്ലെങ്കിലും ഗാനം സായിയുടെതായതു കൊണ്ട് നമ്മുടെ സ്വന്തം എന്നോണം മലയാളികളും ഈ ഗാനം ആഘോഷിക്കുകയാണ്. മൂന്നു കോടി വ്യൂസും കടന്ന് മാരി 2ലെ സായ്-ധനുഷ് ഗാനം റൗഡി ബേബിയും തേരോട്ടം തുടരുന്നുണ്ട്