സായി പല്ലവിയുടെ വ്യാജ വിവാഹ വാര്‍ത്തയാണിപ്പോള്‍ സോഷ്യല്‍ മീഡിയയില്‍ തരംഗമാകുന്നത്. സായി പല്ലവി, തമിഴ് സംവിധായകന്‍ രാജ്കുമാര്‍ പെരിയസാമിയെ വിവാഹം കഴിച്ചുവെന്നാണ് സോഷ്യല്‍ മീഡിയ പോസ്റ്റുകള്‍.കഴുത്തില്‍ പൂമാല അണിഞ്ഞ സായി പല്ലവിയുടെയും സംവിധായകന്‍ രാജ്കുമാറിന്റെയും ചിത്രങ്ങളാണ് വാര്‍ത്തകള്‍ക്കൊപ്പം പ്രചരിക്കുന്നത്.ചിത്രമെത്തിയതോടെ നിരവധി പേര്‍ താരത്തിന് ആശംസകളറിയിച്ച് രംഗത്തെത്തുകയും ചെയ്തു.
സായി പല്ലവി ഫാന്‍ഡം എന്ന ഫേസ്ബുക്ക് പേജിലാണ് നടിയുടെ വിവാഹം കഴിഞ്ഞുവെന്ന വാര്‍ത്ത പ്രചരിച്ചത്. ഒടുവില്‍ സായി പല്ലവി വിവാഹിതയായി. പ്രണയത്തിന് നിറമില്ല എന്നത് സായി പല്ലവി തെളിയിക്കുകയും ചെയ്തു. സായി പല്ലവിക്ക് ആശംസകള്‍. -ഇപ്രകാരമായിരുന്നു പൂജ ചടങ്ങില്‍ നിന്നുള്ള സായി പല്ലവിയുടെയും സംവിധായകന്റെയും ചിത്രത്തിന് സായി പല്ലവി ഫാന്‍ഡം പേജില്‍ വന്ന അടിക്കുറിപ്പ്
എന്നാല്‍ സത്യാവസ്ഥ മറിച്ചാണ്. ശിവ കാര്‍ത്തികേയന്റെ 21-ാമത് സിനിമയുടെ പൂജ ചടങ്ങില്‍ നിന്നുള്ളതാണ് സോഷ്യല്‍ മീഡിയിയല്‍ പ്രചരിക്കുന്ന ഈ ചിത്രങ്ങള്‍. കമല്‍ ഹാസന്‍ നിര്‍മിക്കുന്ന സിനിമയുടെ പൂജ ചടങ്ങിന്റെ ഭാഗമായാണ് സായി പല്ലവിയും സംവിധായകന്‍ രാജ്കുമാറും കഴുത്തില്‍ പൂമാല അണിഞ്ഞത്. പൂജ ചടങ്ങിനിടെ ഹാരം അണിയുന്നത് തെന്നിന്ത്യയില്‍ പതിവുള്ള കാര്യമാണ്. സംഭവം വൈറലായതോടെ സംവിധായകന്‍ തന്നെ ഇക്കാര്യത്തില്‍ വിശദീകരണം അറിയിച്ച് രംഗത്തെത്തിയിട്ടുണ്ട്. ഇതൊരു വിവാഹ ചിത്രം അല്ലെന്നും, സിനിമയുടെ പൂജയുടെ ഭാഗമായുള്ളതാണെന്നും രാജ്കുമാര്‍ വ്യക്തമാക്കി.
എന്നാല്‍ ഇതേ ചിത്രം സംവിധായകന്‍ രാജ്കുമാര്‍ പെരിയസാമി തന്നെ നേരത്തെ എക്സില്‍ (ട്വീറ്റ്) പങ്കുവച്ചിരുന്നു സായി പല്ലവിയുടെ പിറന്നാള്‍ ദിനത്തോടനുബന്ധിച്ച് മെയ് ഒമ്പതിനാണ് രാജ്കുമാര്‍ ഈ ചിത്രം ട്വീറ്റ് ചെയ്തത്. സംവിധായകന്‍ പങ്കുവച്ച ചിത്രത്തില്‍ സംവിധായകന്റെ കയ്യില്‍ സിനിമയുടെ ക്ലാപ് ബോര്‍ഡും കാണാമായിരുന്നു. എന്നാല്‍ സോഷ്യല്‍ മീഡിയയില്‍ പ്രചരിച്ച ചിത്രങ്ങളില്‍ സംവിധായകന്റെ കയ്യിലിരിക്കുന്ന ക്ലാപ് ബോര്‍ഡിന്റെ ഭാഗം ക്രോപ് ചെയ്ത് മാറ്റിയിരുന്നു.
അതേസമയം നാഗ ചൈതന്യയ്ക്കൊപ്പമുള്ള NC23 ആണ് സായിപല്ലവിയുടേതായി അണിയറയില്‍ ഒരുങ്ങുന്ന മറ്റൊരു പുതിയ ചിത്രം . നേരത്തെ 2021ല്‍ പുറത്തിറങ്ങിയ ലവ് സ്റ്റോറി എന്ന സിനിമയില്‍ സായി പല്ലവിയും നാഗ ചൈതന്യയും ഒന്നിച്ചെത്തിയിരുന്നു.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം