ഇന്ത്യന്‍ സിനിമാ ലോകത്തെ പരമോന്നത പുരസ്‌കാരമായ ദാദാസാഹേബ് ഫാല്‍ക്കെ പുരസ്‌കാരം പ്രശസ്ത നടന് മോഹന്‍ലാലിന് ലഭിച്ചതിന് പിന്നാലെ സംവിധായകന്‍ രാം ഗോപാല്‍ വര്‍മ്മയുടെ പ്രതികരണങ്ങള്‍ വീണ്ടും ചര്‍ച്ചയാകുന്നു. ദാദാസാഹേബ് ഫാല്‍ക്കെയുടെ ജീവിതത്തെ ആസ്പദമാക്കിയുള്ള ബയോപിക് സിനിമയില്‍ അദ്ദേഹത്തിന്റെ വേഷം മോഹന്‍ലാല്‍ അവതരിപ്പിക്കണമെന്ന നിര്‍ദ്ദേശമാണ് രാം ഗോപാല്‍ വര്‍മ്മയുടെ ഏറ്റവും പുതിയ ട്വീറ്റ് വഴി പങ്കുവെച്ചിരിക്കുന്നത്.
'ദാദാസാഹേബ് ഫാല്‍ക്കെയുടെ ബയോപിക്കില്‍ അദ്ദേഹമായി അഭിനയിക്കാന്‍ ഏറ്റവും അനുയോജ്യനായ വ്യക്തി മോഹന്‍ലാല്‍ ആയിരിക്കില്ലേ?' എന്ന ചോദ്യത്തോടെയാണ് രാം ഗോപാല്‍ വര്‍മ്മയുടെ ട്വീറ്റ് ആരംഭിക്കുന്നത്. ഇതിന് മുന്‍പ്, മോഹന്‍ലാലിന് ദാദാസാഹേബ് ഫാല്‍ക്കെ പുരസ്‌കാരം ലഭിച്ചപ്പോള്‍, 'ദാദാസാഹേബ് ഫാല്‍ക്കെയ്ക്ക് ഒരു 'മോഹന്‍ലാല്‍ അവാര്‍ഡ്' നല്‍കണം' എന്ന തലക്കെട്ടോടെ രാം ഗോപാല്‍ വര്‍മ്മ പങ്കുവെച്ച പോസ്റ്റും ഏറെ ശ്രദ്ധ നേടിയിരുന്നു.
രാം ഗോപാല്‍ വര്‍മയുടെ പ്രശംസയോട് മോഹന്‍ലാല്‍ പ്രതികരിച്ചിരുന്നു. അദ്ദേഹത്തിന്റെ പരാമര്‍ശം ഒരു ബ്ലാക്ക് ഹ്യൂമര്‍ ആയിട്ടെ താന്‍ കാണുന്നുളളൂവെന്നും. അദ്ദേഹവുമായി വളരെയധികം സൗഹൃദമുള്ള ആളാണ് താനെന്നും മോഹന്‍ലാല്‍ വ്യക്തമാക്കിയിരുന്നു. ഇതിനു പിന്നാലെയാണ് രാം ഗോപാല്‍ വര്‍മ്മയുടെ പുതിയ പോസ്റ്റ് സാമൂഹ മാധ്യമങ്ങളില്‍ പ്രചരിക്കുന്നത്.
Premium Lifestyle and Entertainment website
നടന് മധുവിന് ജന്മദിനാശംസകള്‍ നേര്‍ന്ന് എഴുതിയ കുറിപ്പില്‍'ഏകനായി താമസിക്കുന്ന ചെറിയ വീട് എന്ന പരാമര്‍ശം; ജി വേണുഗോപാലിനെതിരെ ശ്രീകുമാരന്‍ തമ്പി;'കാര്യങ്ങള്‍ പൊലിപ്പിച്ച് എഴുതുന്നത് ശരിയല്ല, സിനിമയ്ക്ക് വേണ്ടി സ്വത്തുക്കള്‍ എല്ലാം വിറ്റു തുലച്ചുവെന്നത് അസത്യമെന്ന് ഗാനരചയിതാവിന്റെ കുറിപ്പ്