രണ്ടായിരം കാലഘട്ടത്തിലെ വൈപ്പിന്‍, മുനമ്പം തീരദേശത്തന്റെ പശ്ചാത്തലത്തില്‍ യഥാര്‍ത്ഥ സംഭവങ്ങളെ ആസ്പദമാക്കി എ.ബി ബിനില്‍ ഒരുക്കുന്ന പൊങ്കാലയുടെ ടൈറ്റില്‍ പോസ്റ്റര്‍ പുറത്തിറക്കി. തീരത്ത് നിര്‍ത്തിയിട്ടിരിക്കുന്ന ബോട്ടുകളും അതിന്റെ മുകളില്‍ പറക്കുന്ന പരുന്തുമാണ് പോസ്റ്ററിലുള്ളത്.
ശ്രീനാഥ് ഭാസി, ബിബിന്‍ ജോര്‍ജ്, ബാബുരാജ്, ഹരീഷ് ഉത്തമന്‍, അലന്‍സിയര്‍, റോഷന്‍ ബഷീര്‍ തുടങ്ങിയവര്‍ മുഖ്യവേഷത്തിലെത്തുന്ന ചിത്രം നിര്‍മ്മിക്കുന്നത് ഡോണ തോമസാണ്. കെ.ജിഎഫ് സ്റ്റുഡിയോസ്, അനില്‍ പിള്ള എന്നിവരാണ് സഹ നിര്‍മ്മാതാക്കള്‍. ഫഹദ് ഫാസിലിന്റെ സോഷ്യല്‍ മീഡിയ പേജിലൂടെയാണ് പോസ്റ്റര്‍ പുറത്തിറക്കിയത്.
വാമനന്‍ എന്ന ചിത്രത്തിന് ശേഷം ബിനില്‍ തിരക്കഥയും സംവിധാനവും നിര്‍വഹിക്കുന്ന ചിത്രത്തിന്റെ ഷൂട്ടിം?ഗ് ഉടന്‍ ആരംഭിക്കും. ഒരു തീരത്തിന്റെ വിമോചനം എന്നതാണ് ചിത്രത്തിന്റെ ആപ്തവാക്യം. അലക്‌സ് പോള്‍, ജിയോ ഷീബാസ്, പ്രജിത രവീന്ദ്രന്‍ എന്നിവരാണ് എക്‌സികുട്ടീവ് പ്രൊഡ്യൂസര്‍മാര്‍. ഗാനങ്ങള്‍ - വയലാര്‍ ശരത്ചന്ദ്ര വര്‍മ്മ, സന്തോഷ് വര്‍മ്മ; സംഗീതം - അലക്‌സ് പോള്‍, ഛായാഗ്രഹണം - തരുണ്‍ ഭാസ്‌ക്കര്‍, എഡിറ്റിംഗ്- സൂരജ് അയ്യപ്പന്‍, കലാസംവിധാനം - ബാവാ, മേക്കപ്പ് - അഖില്‍ ടി. രാജ്., കോസ്റ്റ്യും ഡിസൈന്‍ - സൂര്യാ ശേഖര്‍, നിര്‍മ്മാണ നിര്‍വഹണം - വിനോദ് പറവൂര്‍, പിആര്‍ ആന്റ് മാര്‍ക്കറ്റിം?ഗ്- കണ്ടന്റ് ഫാക്ടറി.
പൂര്‍ണ്ണമായും ആക്ഷന്‍ ഹ്യൂമര്‍ പശ്ചാത്തലത്തിലൂടെ അവതരിപ്പിക്കുന്ന ചിത്രത്തില്‍ സൂര്യാ കൃഷ്ണാ, ഷമ്മി തിലകന്‍, യാമി സോന, ദുര്‍ഗാ കൃഷ്ണ, മാര്‍ട്ടിന്‍, മുരുകന്‍, പ്രവീണ എന്നിവരും പ്രധാന വേഷങ്ങളിലെത്തുന്നു.
Premium Lifestyle and Entertainment website
താന്‍ മുംബൈയിലേക്ക് മാറിയത് ആരോഗ്യപരമായ കാരണങ്ങളാല്‍; ആരോഗ്യം പൂര്‍വ്വസ്ഥിതിയില്‍ എത്തിയാല്‍ ചെന്നൈയിലേക്ക് തിരികയെത്തും;റഹ്മാനെ ഞാനെന്റെ ജീവനോളം വിശ്വസിക്കുന്നുവെന്ന് ഭാര്യ സൈറാ ബാനു; വ്യാജ പ്രചരണം നടത്തുന്നവര്‍ക്കെതിരെ നിയമനടപടിയുമായി റഹ്മാനും
ഡബ്‌സിയുടെ ആലാപനം പോരാ..'; മാറ്റാന്‍ ആരാധകരുടെ അഭ്യര്‍ഥന; ഉണ്ണി മുകുന്ദന്റെ 'മാര്‍ക്കോ' യുടെ ആദ്യ ഗാനത്തിന് പുതിയ ഗായകന്‍; സന്തോഷ് വെങ്കി പാടിയ ഗാനം പുറത്ത്