ശ്രീനാഥ് ഭാസി നായകാനായെത്തുന്ന 'പൊങ്കാല' എന്ന സിനിമയുടെ പ്രധാന രംഗങ്ങള്‍ മൊബൈലില്‍ ഷൂട്ട് ചെയ്ത് സാമൂഹ മാധ്യമങ്ങളില്‍ പ്രചരിപ്പിച്ചെന്ന് പരാതി. ചിത്രത്തിന്റെ അസിസ്റ്റന്റ് ഡയറക്ടര്‍ക്കെതിരെ സംവിധായകന്‍ എ.ബി. ബിനിലാണ് പരാതി നല്‍കിയിരിക്കുന്നത്. ക്ലൈമാക്സ് ഉള്‍പ്പെടെയുള്ള രംഗങ്ങള്‍ പ്രചരിച്ചുവെന്നാണ് പരാതി. സംഭവത്തില്‍ അസിസ്റ്റന്റ് ഡയറക്ടര്‍ ഫൈസല്‍ ഷാക്കെതിരെയാണ് സംവിധായകന്‍ പാലാരിവട്ടം പോലീസ് സ്റ്റേഷനില്‍ പരാതി നല്‍കിയത്. ഷൂട്ടിങ് പൂര്‍ത്തിയാക്കി ചിത്രം റിലീസിനൊരുങ്ങവെയാണ് ആരോപണവുമായി സംവിധായകന്‍ രംഗത്തെത്തിയത്.
രണ്ടാഴ്ച മുമ്പാണ് സിനിമയിലെ രംഗങ്ങളടങ്ങിയ വീഡിയോ സോഷ്യല്‍മീഡിയയില്‍ അപ്ലോഡ് ചെയ്തതായി സംവിധായകന്‍ ബിനില്‍ കണ്ടത്. സുഹൃത്താണ് സംവിധായകനോട് വിവരം പറഞ്ഞത്. വീഡിയോ പരിശോധിച്ചപ്പോള്‍ അസിസ്റ്റന്റ് ആയി വന്ന ആള്‍ സിനിമാരംഗങ്ങള്‍ മൊബൈലില്‍ റെക്കോഡ് ചെയ്ത് വ്യൂസ് കിട്ടാനായി സോഷ്യല്‍മീഡിയയില്‍ അപ്ലോഡ് ചെയ്തതായി മനസ്സിലായി. തുടര്‍ന്ന് ഫോണ്‍ വിളിച്ചെങ്കിലും ഇയാള്‍ ഫോണ്‍ എടുത്തിരുന്നില്ല. പിന്നീട് മെസ്സേജിലൂടെ വീഡിയോ ഒഴിവാക്കാന്‍ ആവശ്യപ്പെട്ടപ്പോള്‍ ഫൈസല്‍ അത് ഡിലീറ്റ് ചെയ്യുകയായിരുന്നു. വെള്ളിയാഴ്ച രാവിലെ വീണ്ടും ഇതേ വീഡിയോ ഒരു സ്ത്രീയുടെ ഫേസ്ബുക്ക് പേജില്‍ കണ്ടതോടെയാണ് നിയമനടപടിയുമായി മുന്നോട്ടുപോകാന്‍ തീരുമാനിച്ചതെന്നും അദ്ദേഹം വിശദമാക്കി.
10 കോടി രൂപ മുതല്‍മുടക്കുള്ള സിനിമയാണ്. വളരെ ശ്രദ്ധയോടെ ആറെട്ട് മാസംകൊണ്ട് ചിത്രീകരിച്ച സിനിമയുടെ പ്രധാന ഭാഗമായി നില്‍ക്കുന്നയാളാണ് ഇങ്ങനെ ചെയ്തത്. സിനിമ റീഷൂട്ട് ചെയ്യേണ്ട അവസ്ഥയാണിപ്പോളെന്നും ബിനില്‍ പറഞ്ഞു. യഥാര്‍ഥ സംഭവത്തെ ആസ്പദമാക്കി ഒരുങ്ങുന്ന ആക്ഷന്‍ ചിത്രമാണ് 'പൊങ്കാല'. വൈപ്പിന്‍ ചെറായി ഭാഗങ്ങളിലായിരുന്നു എ.ബി. ബിനില്‍ കഥയും തിരക്കഥയും രചിച്ച് സംവിധാനം ചെയ്ത ചിത്രത്തിന്റെ ഷൂട്ടിങ് നടന്നത്.ൃ
Premium Lifestyle and Entertainment website
അച്ഛന് ടാപ്പിങ് ജോലി; ഓലയിട്ട്, ചാണകം മെഴുകിയ വീട്ടിലായിരുന്നു വളര്‍ന്നത്;പെണ്‍കുട്ടികളാണ് വളര്‍ന്ന് വരുന്നതെന്ന് മനസിലാക്കിയ അച്ഛന് പിന്നീട് കരിപ്പെട്ടി ബിസിനസ് തുടങ്ങി; ഡിഗ്രിക്ക് പഠിക്കുന്ന സമയത്താണ് ഇന്റസ്ട്രിയിലേക്ക് വരുന്നത്;അനുമോള്‍ ബിഗ് ബോസില്‍ പറയുന്നത്
സീരിയല്‍ നടി അശ്വതി രാഹുലിന്റെ ബിസിനസ് പേജിനെ പൂട്ടികെട്ടാന്‍ സംഘടിത നീക്കം; താരത്തിന്റെ സാരി, ആഭരണ സ്റ്റോറിനെതിരെ നടക്കുന്ന പ്രചരണങ്ങള്‍ വിശദമാക്കി സുഹൃത്തിന്റെ വീഡിയോ
സ്‌കൂളില്‍ പഠിച്ചുകൊണ്ടിരിക്കുമ്പോള്‍ ലോക്കല്‍ ചാനലുകളില്‍ ആങ്കറിങ്ങ്; ഏവിയേഷന്‍ പഠന കാലത്ത് പരസ്യ ചിത്രത്തിലൂടെ തുടക്കം; ദുബായില്‍ ജോലി ചെയ്യുമ്പോള്‍ ഷോര്‍ട്ട് ഫിലിം അഭിനയിച്ചത് കണ്ട് മഞ്ഞള്‍ പ്രസാദത്തിലേക്ക്; അഭിനയത്തിന് വീട്ടുകാര്‍ക്ക് എതിര്‍പ്പ്; ടീച്ചറമ്മയിലെ നായിക ആന്‍ മാത്യു ജീവിതം പറയുമ്പോള്‍