മലയാളത്തിന്റെ ആക്ഷന്‍ സൂപ്പര്‍ സ്റ്റാര്‍ സുരേഷ് ഗോപി നായകനായി എത്തുന്ന ഏറ്റവും പുതിയ ചിത്രമായ പാപ്പന്‍ വരുന്ന ജൂലൈ 29 നു ആഗോള റിലീസായി എത്തുകയാണ്. മലയാള സിനിമയുടെ മാസ്റ്റര്‍ ഡയറക്ടര്‍ ജോഷി സംവിധാനം ചെയ്തിരിക്കുന്ന ഈ ചിത്രം സുരേഷ് ഗോപി ആരാധകരും മലയാള സിനിമ പ്രേമികളും ഏറെ പ്രതീക്ഷയോടെയാണ് കാത്തിരിക്കുന്നത്. ഇതിന്റെ ട്രൈലെര്‍, ഇതിലെ ഒരു ഗാനം എന്നിവയൊക്കെ വമ്പന്‍ പ്രേക്ഷക ശ്രദ്ധയാണ് നേടിയത്. ഇപ്പോഴിതാ കഴിഞ്ഞ ദിവസം എഴുപതാം പിറന്നാള്‍ ആഘോഷിച്ച സംവിധായകന്‍ ജോഷിക്ക് പാപ്പന്‍ ടീം നല്‍കിയ സര്‍പ്രൈസിന്റെ വീഡിയോ വൈറലായി മാറുകയാണ്.
ജോഷി രംഗങ്ങള്‍ ചിത്രീകരിക്കുന്നതാണ് വീഡിയോയില്‍ ഉള്ളത്. സുരേഷ് ഗോപി, ഗോകുല്‍ സുരേഷ് തുടങ്ങിയവരെയും കാണാം.എബ്രഹാം മാത്യു മാത്തന്‍ എന്ന തീപ്പൊരി പോലീസ് ഓഫീസറായി സുരേഷ് ഗോപിയെത്തുന്ന ഈ സിനിമയ്ക്കു തിരക്കഥ രചിച്ചത് ആര്‍ ജെ ഷാന്‍ ആണ്. ഡേവിഡ് കാച്ചപ്പിള്ളി പ്രൊഡക്ഷന്‍സിന്റെയും ഇഫാര്‍ മീഡിയയുടെയും, ശ്രീ ഗോകുലം മൂവീസിന്റെയും ബാനറില്‍ യഥാക്രമം ഡേവിഡ് കാച്ചപ്പിള്ളിയും റാഫി മതിരയും ഗോകുലം ഗോപാലനും ചേര്‍ന്ന് നിര്‍മ്മിച്ച ഈ ചിത്രത്തില്‍, നൈല ഉഷ, നീത പിള്ളൈ, ഗോകുല്‍ സുരേഷ് ഗോപി, ആശ ശരത്, കനിഹ, മാളവിക മേനോന്‍, വിജയ രാഘവന്‍, ടിനി ടോം, ഷമ്മി തിലകന്‍, ശ്രീജിത്ത് രവി, മാല പാര്‍വതി, സാധിക വേണുഗോപാല്‍, അഭിഷേക് രവീന്ദ്രന്‍, ചന്ദുനാഥ്, ഡയാന ഹമീദ്, ജുവല്‍ മേരി എന്നിവരും അഭിനയിച്ചിട്ടുണ്ട്.
രണ്ടു തലമുറകളുടെ സംഗമമാണ് 'പാപ്പന്‍'. ജോഷിക്കൊപ്പം ക്രിയേറ്റീവ് ഡയറക്ടറായി മകന്‍ അഭിലാഷ് ജോഷിയുമുണ്ട് ചിത്രത്തില്‍. അച്ഛന്‍ സുരേഷ് ഗോപിക്കൊപ്പം ഗോകുല്‍ സുരേഷും സിനിമയുടെ ഭാഗമാണ്. ചിത്രത്തിന്റെ നിര്‍മാതാവ് ഡേവിഡ് കാച്ചപ്പിള്ളിയുടെ മകനായ അജയ് ഡേവിഡ് കാച്ചപ്പിള്ളിയാണ് ഛായാഗ്രഹണം നിര്‍വ്വഹിക്കുന്നത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം