ആരാധകര്‍ ആഘോഷമാക്കിയ വിവാഹമായിരുന്നു നയന്‍താരയുടെയും വിഘ്‌നേഷിന്റെയും.2022 ജൂണില്‍ ആയിരുന്നു ഇരുവരും വിവാഹിതരായത്. സൂപ്പര്‍സ്റ്റാറുകളായ രജനികാന്ത്, ഷാരൂഖ് ഖാന്‍, വിജയ് സേതുപതി എന്നിവരടക്കം വന്‍താരനിരയായിരുന്നു വിവാഹത്തില്‍ പങ്കെടുത്തത്.അതീവ രഹസ്യമായിട്ട് മഹാബലിപുരത്തെ ഒരു ആഡംബര റിസോര്‍ട്ടിലായിരുന്നു വിവാഹം.
മാധ്യമങ്ങള്‍ക്ക് വിവാഹ സ്ഥലത്തേക്ക് പ്രവേശനം ഉണ്ടായിരുന്നതേയില്ല. വിവാഹം മുഴുവനായി ചിത്രീകരിച്ച് നെറ്റ്ഫ്‌ലിക്‌സ് സംപ്രേക്ഷണം ചെയ്യുമെന്ന് ആയിരുന്നു കരാര്‍. വീഡിയോയുടെ പകര്‍പ്പവകാശം 25 കോടി രൂപയ്ക്ക് ദമ്പതികള്‍ സ്വന്തമാക്കുകയും ചെയ്തിരുന്നു. അതിനിടെ ഈ പദ്ധതിയില്‍ നിന്ന് നെറ്റ്ഫ്‌ലിക്‌സ് പിന്മാറിയെന്ന റിപ്പോര്‍ട്ടുകളും പ്രചരിച്ചിരുന്നു. എന്തായാലും 2022 ല്‍ നടന്ന വിവാഹത്തിന്റെ വീഡിയോ നീണ്ടുപോയിരുന്നു. എന്നാലിപ്പോള്‍ ഇനി ഈ വിവാഹ ഡോക്യുമെന്ററിയില്‍ കാലതാമസമുണ്ടാകില്ലെന്ന സൂചനകളാണ് ഇപ്പോള്‍ പുറത്തുവന്നിരിക്കുന്നത്.
നയന്‍താര: ബിയോണ്ട് ദി ഫെയറിടെയ്ല്‍' എന്ന് പേരിട്ടിരിക്കുന്ന വിവാഹ ഡോക്യുമെന്ററി നെറ്റ്ഫ്‌ളിക്‌സില്‍ ഇപ്പോള്‍ ലിസ്റ്റ് ചെയ്തിട്ടുണ്ട്. റിലീസ് എന്നാണെന്ന് അറിയിച്ചിട്ടില്ലെങ്കിലും ഒരു മണിക്കൂര്‍ 21 മിനിട്ടാണ് വീഡിയോയുടെ ദൈര്‍ഘ്യം എന്നതടക്കമുള്ള വിവരങ്ങള്‍ ഈ ലിങ്കില്‍ കാണാം. ഗൗതം വാസുദേവ് ??മേനോനാണ് ഡോക്യുമെന്ററി സംവിധാനം ചെയ്തിരിക്കുന്നത്.
വിവാഹം നടന്നതിന് തൊട്ടടുത്ത ദിവസങ്ങളിലായി ഡോക്യുമെന്ററിയുടെ ഒരു ടീസര്‍ നെറ്റ്ഫ്ളിക്സ് പുറത്തുവിട്ടിരുന്നു. തമ്മില്‍ കണ്ടുമുട്ടിയതിനെ കുറിച്ചും, പ്രണയത്തെപ്പറ്റിയുമെല്ലാം താരജോഡികള്‍ ഈ ടീസറില്‍ സംസാരിച്ചിരുന്നു. അന്ന് മുതല്‍ വീഡിയോക്കായി ആകാംക്ഷപൂര്‍വം ആരാധകര്‍ കാത്തിരിക്കുകയാണ്.
നയന്‍താരയും വിഘ്‌നേഷ് ശിവനും തമിഴ് സിനിമയിലെ പവര്‍ കപ്പിള്‍സയാണ് അറിയപ്പെടുന്നത്. 2015 ല്‍ നാനും റൗഡി താന്‍ എന്ന ചിത്രത്തിലാണ് ഇരുവരും ഒന്നിച്ചത്. ഈ സെറ്റില്‍ വച്ചാണ് ഇരുവരും പ്രണയത്തിലായത്. 2021 ല്‍ ദമ്പതികള്‍ അവരുടെ കുടുംബാംഗങ്ങളുടെ സാന്നിധ്യത്തില്‍ ഒരു സ്വകാര്യ ചടങ്ങില്‍ വിവാഹനിശ്ചയം നടത്തുകയും റജിസ്ട്രര്‍ വിവാഹവും ചെയ്തിരുന്നു.
2022 ലെ അവരുടെ മഹത്തായ വിവാഹത്തിന് ശേഷം 2022 ഒക്ടോബറില്‍ വാടക ഗര്‍ഭധാരണത്തിലൂടെ ഉലഗം, ഉയിര്‍ എന്നീ ഇരട്ട കുട്ടികളെ ഈ ദമ്പതികള്‍ക്ക് ലഭിച്ചു. അതേ സമയം വിവാഹ ഡോക്യുമന്ററിയില്‍ ഇരട്ട ആണ്‍മക്കളുടെ വരവും അതിന്റെ വിവാദവും ഉള്‍പ്പെടുമെന്ന് റിപ്പോര്‍ട്ടുണ്ട്. വാടക ഗര്‍ഭധാരണ സംഭവത്തില്‍ തമിഴ്‌നാട് സര്‍ക്കാര്‍ ദമ്പതികള്‍ നിയമങ്ങളൊന്നും ലംഘിച്ചിട്ടില്ലെന്ന് കണ്ടെത്തിയിരുന്നു.
നയന്‍താര നായികയായി ടെസ്റ്റ്, മണ്ണങ്ങാട്ടി എന്നീ രണ്ട് തമിഴ് ചിത്രങ്ങള്‍ റിലീസാകാനുണ്ട്. നടന്‍ കവിനൊപ്പമുള്ള ഒരു സിനിമയും നിവിന്‍ പോളിയ്ക്കൊപ്പം ഡിയര്‍ സ്റ്റുഡന്റ് എന്ന മലയാള ചിത്രവും നയന്‍സിന്റെതായി വരാനുണ്ട്. സംവിധായകന്‍ വിഘ്‌നേഷ് ശിവന്‍ ലവ് ഇന്‍ഷുറന്‍സ് കമ്പനി എന്ന ചിത്രത്തിന്റെ പണിപ്പുരയിലാണ്.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍