ഫോട്ടോയ്ക്ക് പോസ് ചെയ്യുന്ന സമയത്ത് ദിലീപേട്ടന്‍ എന്റെ തോളത്ത് കൈ വെച്ചു, പടപടാന്ന് എന്റെ നെഞ്ചിടിക്കാന്‍ തുടങ്ങി, ആദ്യമായിട്ട് പുറത്തുള്ളൊരാള്‍ എന്നെ തൊടുന്നത്...! ലൊക്കേഷനിലെ അനുഭവം തുറന്ന് പറഞ്ഞ് നവ്യാ നായര്‍

മലയാളികളുടെ എക്കാലത്തെയും പ്രിയപ്പെട്ട് ജോഡികളാണ് ദിലീപും നവ്യാ നായരും. ഇരുവരും ഒന്നിച്ച് അഭിനയിച്ച ഒട്ടുമിക്ക സിനിമകളും മലയാളകളുടെ മനസില്‍ ഇടം പിടിച്ച എവര്‍ഗ്രീന്‍ ഹിറ്റുകളാണ്. 2001 ല്‍ ഇറങ്ങിയ ഇഷ്ടം മുതല്‍ മഴത്തുള്ളിക്കിലുക്കം,കല്ല്യാണ രാമന്‍, കുഞ്ഞിക്കൂനന്‍, പട്ടണത്തില്‍ സുന്ദരന്‍, പാണ്ടിപടയെല്ലാം ദിലീപ് നവ്യ കൂട്ടുകെട്ടില്‍ എക്കാലവും ഓര്‍മിക്കപ്പെടുന്ന കഥാപാത്രങ്ങളാണ്. 
വിവാഹത്തിനു ശേഷം സിനിമയില്‍ നിന്നും കുറച്ച് കാലം വിട്ടിനിന്നിരുന്നു. എന്നാല്‍ പോലും ഡാന്‍സ് ഷോകളിലുമെല്ലാം സജീവമായിരുന്നു നവ്യ.

ഇപ്പോള്‍ നടന്‍ ദിലീപുമായുള്ള തന്റെ അനുഭവം തുറന്നു പറയുകയാണ് നടി നവ്യാ നായര്‍. സിബി മലയില്‍ സംവിധാനം ചെയ്ത ഇഷ്ടം എന്ന സിനിമയില്‍ ദിലീപിന്റെ നായികയായാണ് നവ്യ സിനിമാ ലോകത്തേക്ക് എത്തുന്നത്. ചിത്രത്തിന്റ ലൊക്കേഷനില്‍ തന്നെയുണ്ടായ ഒരു അനുഭവമാണ് നവ്യ ഒരു സ്വകാര്യ മാസികയോട് പറഞ്ഞത്. ദിലീപിനോട് വലിയ ബഹുമാനമുണ്ടെന്ന് നവ്യ പറഞ്ഞു.'ഒരു വ്യക്തി എന്ന നിലയില്‍ എനിക്ക് അദ്ദേഹത്തോട് വലിയ റെസ്‌പെക്ടാണ്. ഇഷ്ടത്തിന്റെ ലൊക്കേഷനില്‍ ഒരു സംഭവമുണ്ടായി. അന്ന് ഒരു സിനിമാ മാസികയ്ക്ക് വേണ്ടി അവിടെ ഒരു ഫോട്ടോഷൂട്ട് നടക്കുന്നുണ്ട്.

ഫോട്ടോയ്ക്ക് പോസ് ചെയ്യുന്ന സമയത്ത് ദിലീപേട്ടന്‍ എന്റെ തോളത്ത് കൈ വെച്ചു, പടപടാന്ന് എന്റെ നെഞ്ചിടിക്കാന്‍ തുടങ്ങി, ആദ്യമായിട്ട് പുറത്തുള്ളൊരാള്‍ എന്നെ തൊടുന്നത്. നാട്ടിന്‍പുറത്തൊക്കെ വളര്‍ന്ന ആ ഒരു പ്രായത്തിലുള്ള ഒരു പെണ്‍കുട്ടി ഭയങ്കരമായി പരിഭ്രമിച്ചുപോകുന്ന നിമിഷമാണത്. എന്റെ നെഞ്ചിടിപ്പിന്റെ ശബ്ദം തോളത്ത് കൈവച്ചിരിക്കുന്ന ആ മനുഷ്യന്‍ തിരിച്ചറിഞ്ഞെന്ന് തോന്നുന്നു.

ദിലീപേട്ടന്‍ പറഞ്ഞു - 'മോള് പേടിക്കേണ്ട കേട്ടോ. ഞങ്ങള്‍ ഒന്നും ചെയ്യില്ല. നമ്മള്‍ എല്ലാവരും ഇനി ഒന്നായിട്ട് വര്‍ക്ക് ചെയ്യാന്‍ പോവുകയാണ്' - ആ വാക്കുകളിലുള്ള പരിഗണനയും പിന്തുണയും എനിക്കൊരിക്കലും മറക്കാനാവില്ല' - നവ്യ പറയുന്നു.'ഇഷ്ടത്തിന് വേണ്ടി സംവിധായകന്‍ സിബി മലയില്‍ എന്റെ ഫോട്ടോ കണ്ട് സ്‌ക്രീന്‍ ടെസ്റ്റ് ചെയ്യാനായി വിളിച്ചു. ഞാന്‍ അവതരിപ്പിച്ച മോണോ ആക്ട് അവര്‍ വീഡിയോയിലെടുത്തു.
പിന്നീട് അത് ദിലീപേട്ടന് അയച്ചുകൊടുത്തു. ദിലീപേട്ടനും മഞ്ജുച്ചേച്ചിയും ഇരുന്ന് വീഡിയോ കണ്ടാണ് എന്നെ സെലക്ട് ചെയ്യുന്നത്'- നവ്യ പറഞ്ഞു.