മിന്നി മിന്നി കണ്ണ് ചിമ്മി.!രജിഷാ വിജയന്‍ സ്‌ക്കൂള്‍ കുട്ടിയായി എത്തുന്ന ചിത്രം ജൂണിലെ ആദ്യ ഗാനം പുറത്തിറങ്ങി...!

അനുരാഗകരിക്കിന്‍വെള്ളം എന്ന് ഒറ്റ ചിത്രത്തിലൂടെ മലയാളികള്‍ക്ക് പ്രിയങ്കരിയായി മാറിയ നടിയാണ് രജിഷാ വിജയന്‍. അഹമ്മദ് കബീറിന്റെ സംവിധാനത്തില്‍ ഒരുങ്ങുന്ന പുതിയ ചിത്രം ജൂണില്‍ നായികയായി എത്തുന്നത് രജിഷയാണ്. ചിത്രത്തിലെ മിന്നി മിന്നി എന്ന് തുടങ്ങുന്ന ആദ്യഗാനം പുറത്തിറങ്ങി. ഒന്നരക്കൊല്ലത്തിന് ശേഷം രജിഷ മുഖ്യ വേഷത്തില്‍ എത്തുന്ന ചിത്രമാണ് ജൂണ്‍

ഗാനത്തിന്റെ വരികള്‍ രചിച്ചിരിക്കുന്നത് വിനായക് ശശികുമാറാണ്. അമൃത സുരേഷാണ് ആലപിച്ച പാട്ടിന് ഇഫ്തിയാണ് ഈണം പകര്‍ന്നിരിക്കുന്നത്. നവാഗതനായ അഹമ്മദ് കബീര്‍ സംവിധാനം ചെയ്യുന്ന ചിത്രമാണിത്.  ചിത്രത്തില്‍ ആറു ഗെറ്റപ്പിലാണ് രജീഷ വിജയനെത്തുന്നത്. 

ഫ്രൈഡേ ഫിലിം ഹൗസ് അവതരിപ്പിക്കുന്ന ' ജൂണ്‍' ഏറെ സര്‍പ്രൈസുകളുള്ള ചിത്രമാണ് ജൂണെന്നാണ് അണിയറ പ്രവര്‍ത്തകര്‍ വ്യക്തമാക്കുന്നത്. കട്ട ക്യൂട്ട് ചിത്രം എന്ന വിശേഷണവുമായാണ് ജൂണ്‍ എത്തുന്നത്. ചിത്രത്തില്‍ രണ്ട് കാലഘട്ടത്തിലെ കഥാപാത്രത്തെയാണ് രജിഷ അവതരിപ്പിക്കുന്നത്. ഇതിനായി രണ്ട് ലുക്കില്‍ താരമെത്തും. ജൂണ്‍ എന്ന പെണ്‍കുട്ടിയുടെ 17 മുതല്‍ 27 വയസുവരെയുള്ള ജീവിതമാണ് ചിത്രം പറയുന്നത്. ജൂണിന്റെ കൗമാരമാണ് ചിത്രം പ്രധാനമായും കൈകാര്യം ചെയ്യുന്നത്. 16 പുതുമുഖങ്ങളെ അവതരിപ്പിക്കുന്ന ചിത്രത്തില്‍ ജോജു ജോര്‍ജ്ജ്, സത്യം ശിവം സുന്ദരം ഫെയിം അശ്വതി, അര്‍ജുന്‍ അശോകന്‍, അജു വര്‍ഗീസ് എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു.