നീല ഷര്‍ട്ടണിഞ്ഞ് ട്രോളി ബാഗുമായി നില്ക്കുന്ന ചിത്രവുമായി ഗിന്നസ് പക്രു; കെപിഎമ്മില്‍ അല്ലല്ലോ എന്ന കമന്റുമായി രാഹുല്‍ മാങ്കൂട്ടത്തിലും

കഴിഞ്ഞ കുറച്ച് ദിവസങ്ങളായി ട്രോളി ബാഗാണ് താരം. പാലക്കാട്ടെ കുഴല്‍പ്പണ വിവാദം കൊഴുത്തതോടെ ട്രോളി ബാഗിനും ഗമ അല്‍പം കൂടിയിട്ടുണ്ട്. ഇപ്പോഴിതാ സാമൂഹ്യമാധ്യമങ്ങളില്‍ നടന്‍ ഗിന്നസ് പക്രു ഇട്ട ഒരു പോസ്റ്റാണ് വൈറലായിരിക്കുന്നത്. ട്രോളി ബാഗുമായി നില്‍ക്കുന്ന ഫോട്ടോയാണ് നടന്‍ ഫേസ്ബുക്കില്‍ പോസ്റ്റ് ചെയ്തിരിക്കുന്നത്. 'നൈസ് ഡേ' എന്നെഴുതിയ അടിക്കുറിപ്പോടൊപ്പം പങ്കുവെച്ച ഫോട്ടോയ്ക്ക് താഴെ പാലക്കാട്ടെ യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തിലും കമന്റിട്ടു. 'കെപിഎമ്മില്‍ അല്ലല്ലോ' എന്നായിരുന്നു രാഹുലിന്റെ കമന്റ്.

മറ്റനേകം പേരും പോസ്റ്റിനെ അനുകൂലിച്ചും എതിര്‍ത്തുമെല്ലാം കമന്റ് ചെയ്യുന്നുണ്ട്. പക്രുവും ട്രോളി തുടങ്ങിയോ എന്നും കറുപ്പല്ല നീല ട്രോളിയാണ് എന്നുള്ള കമന്റുകളും പോസ്റ്റിന് താഴെ എത്തുന്നുണ്ട്. എന്നാല്‍ നടന്‍ കമന്റുകളോടൊന്നും പ്രതികരിച്ചിട്ടില്ല.