ചേരന്‍ ആദ്യമായി മലയാളത്തിലേക്ക്; ടോവിനോ ചിത്രം നരിവേട്ടയില്‍ രഘുറാം കേശവ് എന്ന പൊലീസ് ഉദ്യോഗസ്ഥനായി നടനെത്തും; ഫസ്റ്റ് ലുക്ക് പുറത്ത്

തമിഴിലെ പ്രതിഭാധനനായ സംവിധായകനും നടന്നുമാണ് ചേരന്‍'.അദ്ദേഹം സംവിധാനം ചെയ്ത ഓട്ടോഗ്രാഫ് എന്ന ചിത്രം മലയാളത്തിലും ഏറെ വിജയം നേടിയതാണ്.മലയാളവുമായി ഏറെ ബന്ധങ്ങള്‍ ചേരനുണ്ട്.മലയാളി നായികമാര്‍ പലപ്പോഴും ഇദ്ദേഹത്തിന്റെ ചിത്രങ്ങളില്‍ അഭിനയിക്കാറുണ്ട്. ഗോപിക പത്മപ്രിയ എന്നിവരൊക്കെ ചേരന്‍ ചിത്രങ്ങളിലെ നായികമാരായിരുന്നു.

ഏറെക്കാലമായി ചേരന്‍ മലയാളത്തിലെത്തുന്നു എന്ന് പാഞ്ഞു കേട്ടിരുന്നുവെങ്കിലും സാധ്യമായിരുന്നില്ല. എന്നാല്‍ ഇപ്പോള്‍ അതു സാധ്യമായിരിക്കുന്നത്. അനുരാജ് മനോഹര്‍ സംവിധാനം ചെയ്യുന്ന നരി വേട്ട എന്ന ചിത്രത്തിലാണ് .ടൊവിനോ തോമസ് നായകനായി അഭിനയാക്കുന്ന  ഈ ചിത്രത്തില്‍ ഡി.ഐ.ജി. രഘുറാംകേശവ് എന്ന  പൊലീസ് ഉദ്യോഗസ്ഥന്റെ കഥാപാത്രത്തെയാണ് അവതരിപ്പിക്കുന്നത്.ചേരന്റെ കഥാപാത്രത്തിന്റെ ഫസ്റ്റ് ലുക്ക് ഇന്ന് അണിയറ പ്രവര്‍ത്തകര്‍ പുറത്തുവിട്ടിരിക്കുന്നു

ചേരന്റെ സാന്നിദ്ധ്യത്തിലൂടെ നരി വേട്ട എന്ന ചിത്രം ദക്ഷിണേന്ത്യന്‍ സിനിമയിലും ഏറെ പ്രസക്തമായിരിക്കുന്നു.തമിഴ് നാട്ടുകാരനാണങ്കിലും കേരള കേഡറില്‍ ജോലി ചെയ്യുന്നഐ.പി..എസ്. ഉദ്യോഗസ്ഥനാണ്. രഘുറാം കേശവ്തൊഴില്‍ രംഗത്ത് ഏറെ കര്‍ക്കശ്ശക്കാരനും, സത്യസന്ധനുമായ ഒരു പൊലീസ് ഉദ്യോഗസ്ഥനാണ് .അദ്ദേഹത്തിന്റെ നിര്‍ണ്ണായകമായ ഇടപെടലിലൂടെ ചിത്രത്തിന്റെ കഥാഗതിയില്‍ വലിയ വഴിഞ്ഞിരിവിനു കാരണമാകുന്നുണ്ട്.ഇന്‍ഡ്യന്‍ സിനിമയുടെ ബാനറില്‍ ടിപ്പു ഷാന്‍, ഷിയാസ് ഹസന്‍, എന്നിവരാണ് ഈ ചിത്രം നിര്‍മിക്കുന്നത്.

പോസ്റ്റ് പ്രൊഡക്ഷനുകള്‍ പുരോഗമിച്ചു വരുന്ന ഈ ചിത്രത്തില്‍ ആര്യാസലിം, റിനി ഉദയകുമാര്‍, സുധി കോഴിക്കോട് നന്ദു,, പ്രശാന്ത് മാധവന്‍, അപ്പുണ്ണി ശശി, എന്‍.എം. ബാദുഷ, എന്നിവരും ഈ ചിത്രത്തിലെ പ്രധാന താരങ്ങളാണ്.

മറവികള്‍ക്കെതിരായ ഓര്‍മ്മയുടെ പോരാട്ടം എന്ന ടാഗ് ലൈനോടെയാണ് ഈ ചിത്രത്തിന്റെ അവതരണം.സുരാജ് വെഞ്ഞാറമൂടാണ് ഈ ചിത്ര'ത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.വലിയ മുതല്‍ മുടക്കില്‍ അവതരിപ്പിക്കുന്ന ഈ ചിത്രത്തില്‍ പ്രിയംവദാ കൃഷ്ണനാണ് നായിക.
 ഒരു ദൗത്യത്തിനു നിയോഗിക്കപ്പെടുന്ന രണ്ടു പോലീസ് ഉദ്യോഗസ്ഥരുടെ സംഭവബഹുലമായ യാത്രയാണ് നരിവേട്ട. വ്യക്തിജീവിതത്തിലും ഔദ്യോഗിക ജീവിതത്തിലുമുള്ള സംഘര്‍ഷങ്ങളും നേരിടുന്ന പ്രതിസന്ധികളും ചിത്രം ആവിഷ്‌കരിക്കുന്നുണ്ട്.

കേന്ദ്ര സാഹിത്യ അക്കാദമി പുരസ്‌കാരം നേടിയ അബിന്‍ ജോസഫിന്റേതാണു തിരക്കഥ. 
ഗാനങ്ങള്‍ - കൈതപ്രം '
സംഗീതം. ജെയ്ക്ക് ബിജോയ്സ്.
ഛായാഗ്രഹണം - വിജയ്.
എഡിറ്റിംഗ് - ഷമീര്‍ മുഹമ്മദ്
എക്സിക്കുട്ടീവ് പ്രൊഡ്യൂസര്‍ - എന്‍. എം. ബാദുഷ
പ്രൊജക്റ്റ് ഡിസൈന്‍ ഷെമി
 കലാസംവിധാനം - ബാവ
മേക്കപ്പ് - അമല്‍.
കോസ്റ്റ്യും ഡിസൈന്‍ -അരുണ്‍ മനോഹര്‍.
ചീഫ് അസ്സോസ്സിയേറ്റ് ഡയറക്ടര്‍ - രതീഷ് കുമാര്‍ .
നിര്‍മ്മാണ നിര്‍വ്വഹണം - സക്കീര്‍ ഹുസൈന്‍ , പ്രതാപന്‍ കല്ലിയൂര്‍
കുട്ടനാട്, ചങ്ങനാശ്ശേരി, കോട്ടയം വയനാട് എന്നിവിടങ്ങളിലായി ചിത്രീകരണം പൂര്‍ത്തിയാക്കിയ ഈ 
ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിച്ചു വരുന്നു.
വാഴൂര്‍ ജോസ്.
ഫോട്ടോ . ശ്രീരാജ് ' , ഷെയ്ന്‍സബൂറ'