ഓണം റിലീസായി എത്തിയ ഹൃദയപൂര്‍വ്വം ചിത്രത്തിന്റെ ഭാഗമായതില്‍ സന്തോഷം പങ്കുവെച്ച് നടനും സംവിധായകനുമായ ബേസില്‍ ജോസഫ്. പ്രശസ്ത സംവിധായകന്‍ സത്യന്‍ അന്തിക്കാടിനും നടന്‍ മോഹന്‍ലാലിനുമൊപ്പമുള്ള അനുഭവം തന്റെ ജീവിതത്തിലെ ഒരു സ്വപ്‌നസാക്ഷാത്കാരമായിരുന്നുവെന്ന് ബേസില്‍ കുറിച്ചു.
''എന്റെ ബാല്യകാലത്തെ ഏറ്റവും പ്രിയപ്പെട്ട സിനിമകളില്‍ ഭൂരിഭാഗവും സത്യന്‍ അന്തിക്കാട്-മോഹന്‍ലാല്‍ കൂട്ടുകെട്ടിന്റെ ചിത്രങ്ങളായിരുന്നു. വര്‍ഷങ്ങള്‍ക്കുശേഷം, അവരുടെ ഹൃദയപൂര്‍വ്വം എന്ന ചിത്രത്തില്‍ ചെറിയൊരു വേഷം ചെയ്യാന്‍ കഴിഞ്ഞത് വലിയൊരു ബഹുമതിയാണ്. സത്യന്‍ അന്തിക്കാട് സാറിനും മോഹന്‍ലാല്‍ സാറിനും, കൂടാതെ അനൂപ് സത്യനും ഹൃദയപൂര്‍വ്വം നന്ദി അറിയിക്കുന്നു,'' ബേസില്‍ ഫേസ്ബുക്കില്‍ കുറിച്ചു.
ചിത്രത്തിന്റെ ഭാഗമാക്കിയതിന് ചീഫ് അസോസിയേറ്റ് ഡയറക്ടര്‍ അഖില്‍ സത്യന്‍ക്കും നന്ദി രേഖപ്പെടുത്തി. പോസ്റ്റിനൊപ്പം മോഹന്‍ലാലിനും സത്യന്‍ അന്തിക്കാടിനുമൊപ്പമുള്ള ഒരു ചിത്രം ബേസില്‍ പങ്കുവെച്ചിട്ടുണ്ട്.
ബേസിലിന്റെ കുറിപ്പിന് പ്രതികരണവുമായി സംവിധായകന്‍ അനൂപ് സത്യനും എത്തിയിരുന്നു. ''ബേസില്‍, താങ്കളോടൊപ്പം പ്രവര്‍ത്തിച്ചത് വളരെയധികം രസകരമായിരുന്നു. ഹൃദയപൂര്‍വ്വംയുടെ ഭാഗമായതിന് നന്ദി,'' എന്നാണ് അനൂപ് കമന്റില്‍ എഴുതിയത്. രസകരമായ രീതിയില്‍ ''ആ 'റൂമര്‍' പുറത്തുവിട്ട മനുഷ്യനും നന്ദി'' എന്നും അദ്ദേഹം ചേര്‍ത്തു.
ഓണം റിലീസായ ഹൃദയപൂര്‍വ്വം മികച്ച പ്രേക്ഷക പ്രതികരണത്തോടെ വിവിധ തിയേറ്ററുകളില്‍ വിജയകരമായി പ്രദര്‍ശനം തുടരുകയാണ്. സത്യന്‍ അന്തിക്കാടിനൊപ്പം മക്കളായ അനൂപ് സത്യനും അഖില്‍ സത്യനും സിനിമയുടെ നിര്‍മാണത്തില്‍ പങ്കാളികളായെന്ന പ്രത്യേകതയും ചിത്രത്തിനുണ്ട്.
Premium Lifestyle and Entertainment website
വീട് പെയിന്റ് ചെയ്യുമ്പോൾ ശ്രദ്ധിക്കേണ്ട കാര്യങ്ങൾ
ആന്ധ്രാ സ്ട്രീറ്റ് ഫുഡ് പഡ്ഡു ഉണ്ടാക്കുന്ന വിധം
ടോയ്‌ലറ്റില്‍ സ്മാര്‍ട്ട്‌ഫോണ്‍ ഉപയോഗം: പൈല്‍സ് സാധ്യത 46% വരെ വര്‍ധിക്കാന്‍ സാധ്യത എന്ന് റിപ്പോര്‍ട്ട്
വിദ്യാര്‍ത്ഥികള്‍ക്കായി ഗൂഗിളിന്റെ പ്രത്യേക ഓഫര്‍: ജെമിനി പ്രോ സൗജന്യമായി