രാംചരണ്‍ നായകനായി ബുച്ചി ബാബു സനു സംവിധാനം ചെയ്യുന്ന ചിത്രത്തിലൂടെ ആന്റണി വര്‍ഗീസ് തെലുങ്കില്‍. ആര്‍ സി 16 എന്നു താത്ക്കാലികമായി പേരിട്ട ചിത്രത്തിന്റെ ഹൈദരാബാദിലെ ലൊക്കേഷനില്‍ ആന്റണി വര്‍ഗീസ് ഉടന്‍ ജോയിന്‍ ചെയ്യും.
ബോളിവുഡ് താരം ജാന്‍വി കപൂര്‍ ആണ് നായിക. ബോളിവുഡ് താരം ബോബി ഡിയോള്‍ , കന്നട താരം ശിവരാജ് കുമാര്‍ എന്നിവരുമാണ് മറ്റു താരങ്ങള്‍ എ.ആര്‍.റഹ്മാന്‍ സംഗീത സംവിധാനം നിര്‍വഹിക്കുന്നു. മൈത്രി മൂവി മേക്കേഴ്‌സ് ആണ് നിര്‍മ്മാണം. ലിജോ ജോസ് പെല്ലിശേരി സംവിധാനം ചെയ്ത അങ്കമാലി ഡയറീസില്‍ പെപ്പെ എന്ന കഥാപാത്രമായി അരങ്ങേറ്റം കുറിച്ച ആന്റണി വര്‍ഗീസ് കൈനിറയെ ചിത്രങ്ങളുമായി യാത്രയിലാണ്.
പോയവര്‍ഷം ബോക്‌സ് ഓഫീസില്‍ പണം വാരിയ ആര്‍.ഡി.എക്‌സില്‍ മൂന്നു നായകന്മാരില്‍ ഒരാളായിരുന്നു . ആര്‍.ഡി.എക്‌സിനുശേഷം സോഫിയ പോള്‍ നിര്‍മ്മിക്കുന്ന നവാഗതനായ അജിത് മാമ്പള്ളി സംവിധാനം ചെയ്യുന്ന ചിത്രത്തിലും പെപ്പെ ആണ് ഗായകന്‍.
കടല്‍ പശ്ചാത്തലത്തില്‍ റിവഞ്ച് ആക്ഷന്‍ ഡ്രാമയായി ഒരുങ്ങുന്ന ചിത്രം ബിഗ് ബഡ്ജറ്റിലാണ് നിര്‍മ്മിക്കുന്നത് . രാജ് ബി ,ഷെട്ടി, ഷബീര്‍ കല്ലറക്കല്‍ എന്നിവരാണ് പ്രതിനായകന്മാര്‍.സാം സി.എസ് സംഗീത സംവിധാനം നിര്‍വഹിക്കുന്നു. അതേസമയം ചാവേര്‍ ആണ് ആന്റണി വര്‍ഗീസിന്റേതായി ഒടുവില്‍ റിലീസ് ചെയ്ത ചിത്രം . കഥകളി കലാകാരനായ കിരണ്‍ എന്ന കഥാപാത്രത്തെയാണ് അവതരിപ്പിച്ചത്.
Premium Lifestyle and Entertainment website
വധുവരന്മാരായി ബിഗ് ബോസ് താരങ്ങളായ അര്‍ജ്ജുനും ശ്രീതുവും വിവാഹിതരായി; പ്രിയതമ എന്ന മ്യൂസിക് ആല്‍ബത്തിന്റെ ടൈറ്റില്‍ പോസ്റ്റര്‍ ശ്രദ്ധ നേടുമ്പോള്‍
പുറത്തിറങ്ങി മണിക്കൂറുകള്‍ക്കകം കണ്ടത് 2 കോടിയിലേറെ പ്രേക്ഷകര്‍; പുഷ്പ 2' ഐറ്റം നമ്പരുമായി ശ്രീലീല: 'കിസിക്' പാട്ടിന്റെ പ്രമോ വിഡിയോ ട്രെന്റിങില്‍