മഴക്കെടുതിയില്‍ സഹായവുമായി രംഗത്തെത്തി നിരവധി താരങ്ങളാണ് സഹായങ്ങുമായി രംഗത്തെത്തിയത്. മമ്മൂട്ടി, മോഹന്‍ലാല്‍, പൂര്‍ണ്ണിമ ഇന്ദ്രജിത്ത്, ദുല്‍ഖര്‍ തുടങ്ങി മലയാള സിനിമയിലെ നിരവധി താരങ്ങളുടെ പിന്തുണ ഇപ്പോള്‍ രക്ഷാപ്രവര്‍ത്തനങ്ങള്‍ക്കും ദുരിതാശ്വാസ ക്യാംപുകള്‍ക്കും ഉണ്ട്. ഈ താരങ്ങള്‍ക്ക് പിന്നാലെ ബോളിവുഡിലേക്ക് ചേക്കേറിയ നടി അമലാപോളും കേരളത്തിന് സഹായവുമായി ഇപ്പോള്‍ എത്തിയിരിക്കുകയാണ്.
കൊച്ചിയിലുള്ള ക്യാംപുകളിലേക്ക് അവശ്യ സാധനങ്ങള്‍ എത്തിക്കാനാണ് അമലയും രംഗത്തെത്തിയത്. നടി മാത്രമല്ല, നടിയുടെ കുടുംബവും ഇപ്പോള്‍ രക്ഷാപ്രവര്‍ത്തനത്തില്‍ സജീവമാണ്. അമലയും കുടുംബവും മരുന്ന്, വസ്ത്രം തുടങ്ങിയ സാധനങ്ങള്‍ ആവശ്യക്കാരിലേക്ക് എത്തിക്കാന്‍ സജീവമാണെന്നാണ് റിപ്പോര്ട്ട്.
നടി അമലാപോള്‍ ഇപ്പോള്‍ ദുരിതബാധിതരെ സഹായിക്കാന്‍ രംഗത്തെത്തിയിരിക്കുന്നത് അതിശയിപ്പിക്കുന്ന സാഹചര്യത്തിലാണ്. ദിവസങ്ങള്‍ക്ക് മുന്‍പ് സിനിമയുടെ ചിത്രീകരണത്തിനിടെ അമലയുടെ കൈയ്ക്ക് പരിക്ക് പറ്റിയിരുന്നു. ആക്ഷന് പ്രധാന്യമുള്ള സിനിമയില്‍ ഡ്യൂപ്പിനെ ഉപയോഗിക്കാതെയായിരുന്നു അമലയുടെ പ്രകടനം. സിനിമയുടെ ചിത്രീകരണത്തിനിടെ പരിക്ക് പറ്റിയതോടെ നടിയുടെ കൈക്കുഴ തെറ്റി. കൈയ്ക്ക് പരിക്ക് പറ്റിയെങ്കിലും ആ രംഗം ചിത്രീകരിച്ചതിന് ശേഷമായിരുന്നു നടി കൊച്ചിയില്‍ എത്തിയത്. ആശുപത്രിയില്‍ നിന്നുള്ള ചിത്രവും അമല പങ്കുവെച്ചിരുന്നു. പരിക്കേറ്റ കൈയ്യും വെച്ചാണ് രക്ഷാപ്രവര്‍ത്തനത്തിനായി അമല രംഗത്തെത്തിയതെന്നതും ശ്രദ്ധേയമാണ്.
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും