സിനിമയില്‍ നിന്നുളള ചെറിയ ഇടവേളകളില്‍ ദീര്‍ഘദൂര ബൈക്ക് യാത്രകള്‍ നടത്താറുണ്ട് നടന്‍ അജിത്ത്. സിനിമയോളം സാഹസിക യാത്രകളെ സ്നേഹിക്കുന്ന താരം കൂടിയാണ് അജിത്. ബൈക്കിലാണ് താരത്തിന്റെ സാഹസിക യാത്രകള്‍. ബൈക്കില്‍ ലോകം മുഴുവന്‍ ചുറ്റുകയാണ് താരം. ഇന്ത്യയ്ക്കകത്തും നേപ്പാള്‍, ഭൂട്ടാന്‍, യൂറോപ്പിന്റെ ഭാഗങ്ങള്‍ എന്നിവിടങ്ങളിലെല്ലാം ട്രിപ്പ് പൂര്‍ത്തിയാക്കി കഴിഞ്ഞു. വരുന്ന നവംബറില്‍ ആസ്ട്രേലിയയിലേക്ക് യാത്ര പോവാനിരിക്കുകയാണ് താരം.
പുതിയൊരു ബൈക്ക് യാത്രയ്ക്ക് തയ്യാറെടുക്കുന്ന താരം തന്റ സഹയാത്രികനറ ബൈക്ക് സമ്മാനമായി നല്കിയ വാര്‍ത്തയാണ് വൈറലാകുന്നത്.
യാത്രകളില്‍ കൂടെയുണ്ടായിരുന്ന സഹ റൈഡറും ട്രിപ്പ് ഓര്‍ഗനൈസറുമായ സുഗത് സത്പതിക്ക് താരം ആഡംബര ബൈക്ക് സമ്മാനിച്ചിരിക്കുകയാണ്. പന്ത്രണ്ട് ലക്ഷം രൂപ വിലവരുന്ന ബി.എം. ഡബ്ലിയു എഫ്850ജിഎസ് ബൈക്കാണ് താരം സുഗതിന് സമ്മാനിച്ചിരിക്കുന്നത്.
ഇന്‍സ്റ്റഗ്രാമില്‍ പോസ്റ്റ് ചെയ്ത ഒരു കുറിപ്പും ചിത്രങ്ങളുമാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്.
തുണിവിന്റെ റിലീസ് ശേഷം അദ്ദേഹം നേപ്പാളിലേക്ക് ബൈക്ക് റൈഡ് നടത്തിയിരുന്നു. അന്ന് താരത്തിന് എല്ലാ സഹായങ്ങളും നല്കി ഒപ്പമുണ്ടായിരുന്ന ട്രിപ്പ് ഓള്‍ഗനൈസര്‍ കൂടിയായ സുഗത് ആയിരുന്നു. അജിത്തിനൊപ്പമുളളതും ബൈക്ക് ഏറ്റുവാങ്ങുന്നതുമായ ചിത്രങ്ങള്‍ അദ്ദേഹം പോസ്റ്റ് ചെയ്തിട്ടുണ്ട്. ഒപ്പം മനോഹരമായ ഒരു കുറിപ്പും.
2022 ന്റെ അവസാനം തമിഴിലെ സൂപ്പര്‍താരമായ അജിത്കുമാറുമായി അടുത്തിടപഴകാന്‍ അവസരം ലഭിച്ചെന്ന് സുഗത് കുറിപ്പില്‍ പറഞ്ഞു. ഡ്യൂക്ക് 390 ലായിരുന്നു തന്റെ സഞ്ചാരം. നോര്‍ത്ത്-ഈസ്റ്റ് ട്രിപ്പ് കഴിഞ്ഞപ്പോള്‍ തന്നെ നേപ്പാള്‍-ഭൂട്ടാന്‍ യാത്ര സംഘടിപ്പിക്കാന്‍ അദ്ദേഹം ആവശ്യപ്പെട്ടിരുന്നു. അത് അദ്ദേഹത്തിന്റെ വേള്‍ഡ് ടൂറിന്റെ ഭാഗമായിരുന്നു. ഈ യാത്രയിലുടനീളം മറക്കാനാവാത്ത ഓര്‍മകളാണുണ്ടായതെന്നും ഒരുപാട് സൂര്യോദയങ്ങളും അസ്തമയങ്ങളും കണ്ടുവെന്നും സുഗത് പറഞ്ഞു.
യാത്രകള്‍ക്കിടെ നമ്മള്‍ നല്ല ആളുകളെ കണ്ടുമുട്ടുമെന്ന് പലരും പറയാറുണ്ട്. ഏറ്റവും മികച്ച മനുഷ്യനെയാണ് ഞാന്‍ കണ്ടുമുട്ടിയതെന്ന് ഞാന്‍ പറയും. സ്വന്തം പ്രശസ്തി പരിഗണിക്കാതെ അദ്ദേഹത്തിന്റെ വിനയവും ഊര്‍ജസ്വലതയും എന്നെ അത്ഭുതപ്പെടുത്തി. സൂപ്പര്‍സ്റ്റാറിന് പിന്നില്‍ ഒരു ലളിതമായ മനുഷ്യനുണ്ട്! ഈ എഫ് 850ജിഎസ് വെറുമൊരു ബൈക്ക് മാത്രമല്ലഏ ഇത് അദ്ദേഹം എനിക്ക് സമ്മാനിച്ചതാണ് അതെ ! അതൊരു സമ്മാനമാണ്. അണ്ണയില്‍ നിന്ന് എനിക്ക് ഒരുപാട് സ്നേഹത്തോടെ കിട്ടിയതാണ്. ലോകം കാണാന്‍ ഇത് എനിക്കുണ്ടാകണമെന്ന് അദ്ദേഹം ആഗ്രഹിച്ചു-സുഗത് കുറിച്ചു.
മഗിഴ് തിരുമേനി സംവിധാനം ചെയ്യുന്ന വിടാമുയര്‍ച്ചിയാണ് അജിത്തിന്റേതായി വരാനിരിക്കുന്ന ചിത്രം. ലൈക്ക പ്രൊഡക്ഷന്‍സ് നിര്‍മിക്കുന്ന ചിത്രത്തിന് അനിരുദ്ധാണ് സംഗീത സംവിധാനം നിര്‍വഹിക്കുന്നത്. നീരവ് ഷായാണ് ഛായാഗ്രഹണം.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം