കാത്തിരിപ്പിന് വിരാമമിട്ട് തല അജിത് നായകനായി എത്തുന്ന ചിത്രം വിടാമുയര്‍ച്ചിയുടെ ടീസര്‍ പുറത്തുവിട്ട് അണിയറപ്രവര്‍ത്തകര്‍. വലിയ ക്യാന്‍വാസില്‍ ഒരുങ്ങുന്ന ചിത്രത്തിനായുള്ള കാത്തിരിപ്പിലായിരുന്നു സിനിമാപ്രേമികള്‍.നിറയെ ആക്ഷനും ഒപ്പം ഇമോഷനുമുള്ള ഒരു പക്കാ എന്റര്‍ടൈയ്‌നര്‍ ആകും ചിത്രമെന്ന സൂചനയാണ് ടീസര്‍ നല്‍കുന്നത്.ചിത്രത്തിലെ അജിത്തിന്റെ കഥാപത്രം ആരെയോ തേടിനടക്കുന്നതും തുടര്‍ന്നുണ്ടാകുന്ന സംഭവങ്ങളുമാണ് ടീസറില്‍ ഉള്‍പ്പെടുത്തിയിരിക്കുന്നത്.
വിടാമുയര്‍ച്ചി പൊങ്കല്‍ റിലീസായി ജനുവരിയില്‍ തീയേറ്ററുകളിലെത്തും.ചിത്രത്തില്‍ തൃഷയാണ് നായികയായി എത്തുന്നത്.മങ്കാത്ത' എന്ന ബ്ലോക്ക്ബസ്റ്റര്‍ ചിത്രത്തിന് ശേഷം ഇരുവരും ഒന്നിക്കുന്ന സിനിമയാണിത്. മഗിഴ് തിരുമേനി സംവിധാനം നിര്‍വഹിക്കുന്ന ചിത്രത്തില്‍ ആരവ്, റെജീന കസാന്‍ഡ്ര, നിഖില്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. തമിഴിലെ പ്രമുഖ നിര്‍മ്മാതാക്കളായ ലൈക്ക പ്രൊഡക്ഷന്‍സാണ് സിനിമ നിര്‍മ്മിക്കുന്നത്.
അനിരുദ്ധ് രവിചന്ദര്‍ സംഗീതം നല്‍കുന്ന ഈ ചിത്രത്തിന് കാമറ ചലിപ്പിക്കുന്നത് ഓംപ്രകാശും എഡിറ്റിങ് നിര്‍വഹിക്കുന്നത് എന്‍ ബി ശ്രീകാന്തുമാണ്. വമ്പന്‍ തുകക്ക് ചിത്രത്തിന്റെ സാറ്റ്ലൈറ്റ് അവകാശം സണ്‍ ടിവിയും ഒടിടി അവകാശം നെറ്റ്ഫ്‌ലിക്‌സും സ്വന്തമാക്കിയിട്ടുണ്ട്. ചിത്രത്തിന്റെ ഒടിടി റൈറ്റ്‌സിന് ഏകദേശം 75 കോടിയാണ് ലഭിച്ചത് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. പല കാരണങ്ങള്‍ കൊണ്ട് സിനിമയുടെ ചിത്രീകരണം ഇടയ്ക്കിടെ മുടങ്ങിയിരുന്നു. ചിത്രീകരണത്തിനിടെ സിനിമയുടെ കലാസംവിധായകന്‍ ഹൃദയാഘാതത്തെ തുടര്‍ന്ന് മരിക്കുകയും ഷൂട്ടിംഗ് നിര്‍ത്തിവെക്കുകയുമുണ്ടായിരുന്നു. ഷൂട്ടിംഗ് ലൊക്കേഷനില്‍ വെച്ച് അജിതിന് പരിക്കേറ്റതിനെത്തുടര്‍ന്ന് നടന്‍ ഇന്ത്യയിലേക്ക് തിരിച്ചു വരികയും ചെയ്തു.ചിത്രം അണിയറപ്രവര്‍ത്തകര്‍ ഉപേക്ഷിച്ചോയെന്ന സംശയങ്ങള്‍ ബലപ്പെടുമ്പോഴാണ് ടീസറുമായി ടീം എത്തിയിരിക്കുന്നത്.
Premium Lifestyle and Entertainment website
മാര്‍ക്കോ കണ്ട ശേഷം ഉണ്ണി മുകുന്ദനെയും ഹനീഫ് അദാനിയേയും അഭിനന്ദിച്ച് സൂര്യ 
ഇത് വിജയ് സാറിന്റെ അവസാനത്തെ സിനിമയാണ്; വീണ്ടും ഇങ്ങനെയൊരു അവസരം കിട്ടിയെന്ന് വരില്ല; പ്രേക്ഷകരും ഞങ്ങളുടെ കംബാക്കിനായി കാത്തിരിക്കുന്നു'; ജനനായകന്‍ ചെയ്യാനുള്ള കാരണം അതാണ്; പൂജ ഹെഗ്ഡെ പറയുന്നു