മമ്മൂട്ടിയെ നായകനാക്കി ഷാജി കൈലാസ് സംവിധാനം ചെയ്ത ചിത്രം വല്യേട്ടന്‍ റീ റിലീസിനൊരുങ്ങുന്നു. ഇരുപത്തിയഞ്ച് വര്‍ഷങ്ങള്‍ക്കു ശേഷം 4K ഡോള്‍ബി അറ്റ്‌മോസ് സാങ്കേതിക വിദ്യയുടെ സഹായത്തോടെയാണ് ചിത്രം റീ റിലീസിന് ഒരുങ്ങുന്നത്. മാറ്റിനി നൗവാണ് ചിത്രം തിയേറ്ററുകളിലെത്തിക്കുന്നത്. സെപ്റ്റംബര്‍ മാസം സിനിമ റിലീസ് ചെയ്യും.
നരസിംഹം എന്ന സിനിമയ്ക്ക് ശേഷം ഷാജി കൈലാസ്-രഞ്ജിത്ത് കൂട്ടുകെട്ട് ഒന്നിച്ച ചിത്രമായിരുന്നു വല്യേട്ടന്‍. 2000തില്‍ തന്നെയായിരുന്നു ഇരു ചിത്രങ്ങളും തിയേറ്ററുകളിലെത്തിയത്, നരസിംഹം ജനുവരിയിലും വല്യേട്ടന്‍ സെപ്റ്റംബറിലും. ദി കിംഗ്, ദി ട്രൂത്ത് എന്നീ ചിത്രങ്ങള്‍ക്കു ശേഷം മമ്മൂട്ടിയും ഷാജി കൈലാസും ഒരുമിച്ച ചിത്രം കൂടിയായിരുന്നു വല്യേട്ടന്‍.
അമ്പലക്കര ഫിലിംസിന്റെ ബാനറില്‍ അനില്‍ അമ്പലക്കരയും ബൈജു അമ്പലക്കരയും ചേര്‍ന്ന് നിര്‍മ്മിച്ച ചിത്രത്തിന്റെ രചന നരസിംഹത്തിന് രചന നിര്‍വ്വഹിച്ച രഞ്ജിത്ത് തന്നെയായിരുന്നു. ശോഭന നായികയായ ചിത്രത്തില്‍ സായ് കുമാര്‍, എന്‍ എഫ് വര്‍ഗീസ്, സിദ്ദിഖ്, മനോജ് കെ ജയന്‍, സുധീഷ്, വിജയകുമാര്‍, ഇന്നസെന്റ്, കലാഭവന്‍ മണി, പൂര്‍ണ്ണിമ ഇന്ദ്രജിത്ത്, ക്യാപ്റ്റന്‍ രാജു തുടങ്ങി വലിയ താരനിര അണിനിരന്നിരുന്നു. ഗാനങ്ങള്‍. ഗിരീഷ് പുത്തഞ്ചേരി, സംഗീതം - രാജാമണി, ചായാഗ്രഹണം - രവിവര്‍മ്മന്‍, എഡിറ്റിംഗ് - എല്‍ ഭൂമിനാഥന്‍.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍