മലയാളത്തിലെ സൂപ്പര്‍ താരങ്ങള്‍ ഒന്നിച്ചെത്തിയ ചിത്രം; ട്വന്റി ട്വന്റി സിനിമയില്‍ താന്‍ അഭിനയിക്കാത്തതിന്റെ കാരണം തുറന്നു പറഞ്ഞ്  മീരാജാസ്മിന്‍

ഹിന്ദിയിലെ ഓം ശാന്തി ഓം എന്ന ചിത്രത്തിന് സമാനമായി മലയാളത്തില്‍ ഉണ്ടായ ചിത്രമാണ് ട്വന്റി ട്വന്റി. ഓം ശാന്തി ഓം എന്ന ചിത്രത്തില്‍ പാട്ടു സീനിലാണ് ഒട്ടുമിക്ക സിനിമാതാരങ്ങളും പങ്കെടുത്തത് എന്നാല്‍ ട്വന്റി ട്വന്റിയില്‍ ഒരു കലാകാരന്‍ പോലും വെറുതെ വന്നു പോകുന്നില്ല. ഓരോ താരത്തിനും അനുയോജ്യമായ കഥാപാത്രവും പ്രാധാന്യവും സിനിമയിലുടനീളം ഉണ്ടായിരുന്നു. 

എന്നാല്‍ മലയാളത്തിലെ എല്ലാ സൂപ്പര്‍ താരങ്ങളും മറ്റു ആര്‍ട്ടിസ്റ്റുകളും ഒന്നിച്ചെത്തിയ ട്വന്റി ട്വന്റിയില്‍ ചില പ്രമുഖ താരങ്ങള്‍ വിട്ടു നിന്നിരുന്നു. മലയാളത്തിലെ മുന്‍നിര നായികയായ മീര ജാസ്മിന്‍ 'ട്വന്റി ട്വന്റി' എന്ന സിനിമയില്‍ അഭിനയിച്ചിരുന്നില്ല. അതിന്റെ കാരണം മീര തന്നെ വ്യക്തമാക്കുന്നുണ്ട്.

അത്തരമൊരു പിന്മാറ്റം മനപൂര്‍വ്വം സംഭവിച്ചതല്ല, അങ്ങനെയൊരു സിനിമയില്‍ പങ്കെടുക്കാന്‍ കഴിയാതിരുന്നതില്‍ തീര്‍ച്ചയായും വിഷമം ഉണ്ട്. പലരും എന്നെ തെറ്റിദ്ധരിച്ചു, ഞാന്‍ ആ സിനിമ മനപൂര്‍വം ഉപേക്ഷിച്ചതാണെന്ന രീതിയില്‍, പക്ഷെ മറ്റൊരു തെലുങ്ക് ചിത്രത്തിന്റെ തിരക്കിലായത് കൊണ്ടാണ് 'ട്വന്റി ട്വന്റി' എനിക്ക് നഷ്ടമായത്. മീര ജാസ്മിന്‍ പങ്കുവെയ്ക്കുന്നു.