തിരുപ്പതിക്ക് പിന്നാലെ തിരുവണ്ണാമല കയറാനെത്തി മോഹന്‍ലാല്‍. എഴുത്തുകാരനായ ആര്‍ രാമാനന്ദിനു ഒപ്പമാണ് മോഹന്‍ലാല്‍ തിരുവണ്ണാമലയിലെത്തിയത്. മോഹന്‍ലാലിനൊപ്പമുള്ള ചിത്രങ്ങള്‍ രാമാനന്ദ് ഇന്‍സ്റ്റഗ്രാമില്‍ പങ്കിട്ടുണ്ട്. മലമുകളില്‍ നിന്നുള്ള ചിത്രങ്ങളില്‍ അരുണാചലേശ്വര ക്ഷേത്രത്തിന്റെ ഗോപുരങ്ങളും പശ്ചാത്തലത്തില്‍ കാണാം.
ശ്രീ നാരായണ ഗുരുവിന്റെ സദാശിവദര്‍ശനത്തിലെ ശ്ലോകത്തോടൊപ്പമാണ് ആര്‍ രാമാനന്ദ് ചിത്രം പങ്കുവച്ചിരിക്കുന്നത്.മുന്‍പും, രാമാനന്ദിനൊപ്പം നിരവധി ക്ഷേത്രങ്ങളില്‍ മോഹന്‍ലാല്‍ സന്ദര്‍ശനം നടത്തിയിട്ടുണ്ട്. ആന്ധ്രാപ്രദേശിലെ കര്‍ണൂലില്‍ സ്വാമി അവധൂത നാദാനന്ദയുടെ ആശ്രമത്തില്‍ ഇരുവരും സന്ദര്‍ശനം നടത്തിയതിന്റെ ചിത്രങ്ങളും ശ്രദ്ധ നേടിയിരുന്നു.
കഴിഞ്ഞ ദിവസം തിരുപ്പതിയിലെ തിരുമാല ക്ഷേത്രത്തിലും മോഹന്‍ലാല്‍ സന്ദര്‍ശിച്ചിരുന്നു. തന്റെ കരിയറിലെ 360മത്തെ സിനിമ പ്രഖ്യാപിച്ചതിന് പിന്നാലെയായിരുന്നു മോഹന്‍ലാലിന്റെ തിരുപ്പതി ദര്‍ശനം. കണ്ണപ്പ എന്ന തെലുങ്ക് ചിത്രവും താരത്തിന്റേതായി അനൗണ്‍സ് ചെയ്യപ്പെട്ടിട്ടുണ്ട്. പ്രഭാസ്, ശിവരാജ് കുമാര്‍ എന്നിവരും ചിത്രത്തിലുണ്ട്. വിഷ്ണു മഞ്ചുവാണ് കണ്ണപ്പയിലെ നായകന്‍.
എമ്പുരാന്‍ എന്ന ചിത്രത്തിന്റെ ഷൂട്ടിംഗ് തിരക്കിലാണ് മോഹന്‍ലാല്‍ ഇപ്പോള്‍. വൃഷഭ, റാം, റംമ്പാന്‍ എന്നിവയാണ് അണിയറയില്‍ ഒരുങ്ങുന്ന മോഹന്‍ലാലിന്റെ മറ്റു ചിത്രങ്ങള്‍. ബിഗ് ബോസ് മലയാളം സീസണ്‍ ആറിന്റ അവതാരകനും മോഹന്‍ലാലാണ്അതേസമയം, മോഹന്‍ലാല്‍ ആദ്യമായി സംവിധാനം ചെയ്ത ബറോസ് റിലീസിന് ഒരുങ്ങുകയാണ്.
Premium Lifestyle and Entertainment website
സൗബിന്റെ പറവ ഫിലിംസ് ഓഫീസില്‍ ആദായ നികുതി വകുപ്പിന്റെ റെയ്ഡ്; പരിശോധിച്ചത് മഞ്ഞുമ്മല്‍ ബോയ്സ് സിനിമയുടെ കളക്ഷനുമായി ബന്ധപ്പെട്ട രേഖകള്‍; നടനെയും ചോദ്യം ചെയ്തേക്കും
കൊച്ചിയിലെത്തിയ അല്ലു അര്‍ജുനും രശ്മികയ്ക്കും വമ്പന്‍ വരവേല്പ്പ്; മലയാളം പറഞ്ഞ് ആരാധകരെ കൈയ്യിലെടുത്ത് പുഷ്പ താരങ്ങള്‍; മലയാളി ആരാധകരുടെ ആര്‍പ്പു വിളികളും സ്‌നേഹവും അനുഭവിച്ചറിഞ്ഞ് താരങ്ങള്‍