ഫോട്ടോയ്ക്ക് പോസ് ചെയ്യവേ ചാമ്പിക്കോ ഡയലോഗ് പറയാന്‍ ആവശ്യപ്പെട്ട് കാണികള്‍; ചിരിയോടെ ഫോട്ടോയ്ക്ക് പോസ് ചെയ്യ്ത് മമ്മൂട്ടിയും മഞ്ജു വാര്യരും; വൈറലാകുന്ന വീഡിയോ കാണാം

മലയാള സിനിമയില്‍ അടുത്തകാലത്തുണ്ടായതില്‍ ഏറ്റവും ഹിറ്റ് ഡയലോഗാണ് ഭീഷ്മപര്‍വ്വത്തിലെ 'ചാമ്പിക്കോ....'. ഗ്രൂപ്പ് ഫോട്ടോ എടുക്കുമ്പോള്‍ മമ്മൂക്കയുടെ കഥാപാത്രം ഫോട്ടോഗ്രഫര്‍ക്ക് നിര്‍ദേശം നല്‍കുന്ന ഡയലോഗാണ് ഇത്. ഇത് അനുകരിച്ച് നിരവധിയാളുകളാണ് സോഷ്യല്‍ മീഡിയയിലെത്തിയത്. നിരവധിയാളുകള്‍ ഇന്‍സ്റ്റഗ്രാം റീല്‍ വീഡിയോകളില്‍ ചാമ്പിക്കോയെന്ന പ്രയോഗം വ്യാപകമായി ഉപയോഗിക്കുകയും ചെയ്തു. ഗ്രൂപ്പ് ഫോട്ടോയ്ക്ക് പോസ് ചെയ്യുമ്പോള്‍ ആരും അറിയാതെ പറഞ്ഞുപോകുന്ന വാക്കായി മാറിയിരിക്കുകയാണിപ്പോളിത്. ഇപ്പോഴിതാ,  
ഇപ്പോഴിതാ, ഒരു പൊതുവേദിയില്‍ ചാമ്പിക്കോ ഡയലോഗ് പറയാന്‍ കാണികള്‍ മമ്മൂക്കയോട് ആവശ്യപ്പെടുന്നതിന്റെ വീഡിയോയാണ് വൈറലായിരിക്കുന്നത്.

ഒരു പരിപാടിക്കിടെ പൊതുവേദിയില്‍ ഗ്രൂപ്പ് ഫോട്ടോയ്ക്ക് നില്‍ക്കുമ്പോഴാണ് 'ചാമ്പിക്കോ' ഡയലോഗ് പറയുമോ എന്ന് അവതാരകന്‍ മമ്മൂട്ടിയോട് ചോദിച്ചത്'നിങ്ങള്‍ തന്നെ പറഞ്ഞാല്‍ മതിയെന്ന്' അദ്ദേഹം ചിരിയോടെ മറുപടി ?കൊടുത്തെങ്കിലും കാണികള്‍ മമ്മൂക്കയോട് ഡയലോഗ് പറയാന്‍ ആരവം മുഴക്കി. ഒടുവില്‍ പി.വിജയന്‍ ഐ.പി.എസിന് മമ്മൂട്ടി മൈക്ക് കൈമാറുകയും അദ്ദേഹം ചാമ്പിക്കോ ഡയലോഗ് പറയുകയുമായിരുന്നു. മഞ്ജു വാരിയരും ചടങ്ങിനുണ്ടായിരുന്നു.