നീരജ് മാധവ്, അജു വര്‍ഗീസ് എന്നിവരെ പ്രധാന കഥാപാത്രങ്ങളാക്കി വിഷ്ണു ജി. രാഘവ് തിരക്കഥ എഴുതി സംവിധാനം ചെയ്യുന്ന വെബ് സീരീസിന് ലവ് അണ്ടര്‍ കണ്‍സ്ട്രക്ഷന്‍ എന്നു പേരിട്ടു. ഡിസ്‌നി പ്‌ളസ് ഹോട്ട്സ്റ്റാര്‍ അവതരിപ്പിക്കുന്ന സീരീസില്‍ ഗൗരി ജി. കിഷന്‍ ആണ് നായിക. 96 സിനിമയില്‍ തൃഷയുടെ ചെറുപ്പകാലം അവതരിപ്പിച്ച് ശ്രദ്ധേയായ ഗൗരി ആദ്യമായാണ് മലയാളം വെബ് സീരീസിന്റെ ഭാഗമാകുന്നത്.
തിരുവനന്തപുരത്ത് ചിത്രീകരണം ആരംഭിച്ച സീരീസില്‍ ആനന്ദ് മന്മഥന്‍, കിരണ്‍ പീതാംബരന്‍, സഹീര്‍ മൊഹമ്മദ്, ഗംഗ മീര, ആന്‍ സലീം, തങ്കം മോഹന്‍, മഞ്ജുശ്രീ നായര്‍ തുടങ്ങിയവരാണ് മറ്റു താരങ്ങള്‍.50 ദിവസത്തെ ചിത്രീകരണമാണ് പ്‌ളാന്‍ ചെയ്യുന്നത്.ദുബായിലും ചിത്രീകരണമുണ്ട്.
രജപുത്ര വിഷ്വല്‍ മീഡിയയുടെ ബാനറില്‍ എം. രഞ്ജിത്ത് ആണ് നിര്‍മ്മിക്കുന്നത്. ഛായാഗ്രഹണം അജയ് ഡേവിഡ് കാച്ചപ്പിള്ളി. സംഗീതം ഗോപി സുന്ദര്‍, എഡിറ്റര്‍ അര്‍ജു ബെന്‍, പ്രൊഡക്ഷന്‍ കണ്‍ട്രോളര്‍ ഡിക്‌സണ്‍ പൊടുത്താസ്.അതേസമയം ടൊവിനോ തോമസ്, കീര്‍ത്തി സുരേഷ് എന്നിവര്‍ പ്രധാന കഥാപാത്രങ്ങളെ അവതരിപ്പിച്ച വാശി ആണ് വിഷ്ണു സംവിധാനം ചെയ്ത ആദ്യ ചിത്രം.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)