വ്യത്യസ്തമായ സോഷ്യല്‍ മീഡിയ പ്രൊമോഷനുമായി ശ്രദ്ധ നേടുകയാണ് മുകുന്ദനുണ്ണി അസോസിയേറ്റ്സ് എന്ന ചിത്രം. ഇപ്പോള്‍ ചിത്രത്തിലെ ഒരു ഗാനവും വൈറലാകുകയാണ്. ചിത്രത്തിലെ പ്രധാനകഥാപാത്രമായ അഡ്വ.മുകുന്ദനുണ്ണിയെ അവതരിപ്പിക്കുന്ന വിനീത് ശ്രീനിവാസനാണ് ഈ ഗാനം ഫെയ്സ്ബുക്കില്‍ പങ്കുവെച്ചത്.
'അഡ്വ.മുകുന്ദനുണ്ണി ഇപ്പോള്‍ അയച്ചുതന്നതാണിത്. ഞങ്ങളുടെ സിനിമയിലെ പാട്ട് മറ്റു പാട്ടുകളുടെ വിഷ്വല്‍സ് വെച്ച് എഡിറ്റു ചെയ്തിരിക്കുന്നു. ഇത് ക്രൂരതയാണ്,.കൊടുംക്രൂരത' എന്നാണ് വിനീത് വീഡിയോയ്‌ക്കൊപ്പം കുറിച്ചത്....ഹിറ്റായ സിനിമാ ഗാനങ്ങളുടെ ദൃശ്യങ്ങളില്‍ തല വെട്ടി ഒട്ടിച്ചുകൊണ്ടാണ് വീഡിയോ എഡിറ്റു ചെയ്ത് പാട്ടിറക്കിയത്. മോഹന്‍ലാല്‍, മമ്മൂട്ടി, രജനികാന്ത,് ഷാരൂഖ് ഖാന്‍ തുടങ്ങിയ താരങ്ങള്‍ അഭിനയിച്ച ഹിറ്റ് ഗാനങ്ങളുടെ ഇടയ്ക്കാണ് അഡ്വ.മുകുന്ദനുണ്ണിയുടെ തല വെട്ടിയൊട്ടിച്ചത്...
വിനീത് ശ്രീനിവാസനെ നായകനാക്കി നവാഗതനായ അഭിനവ് സുന്ദര്‍ നായക് സംവിധാനം ചെയ്യുന്ന ചിത്രമാണ് 'മുകുന്ദന്‍ ഉണ്ണി അസോസിയേറ്റ്സ്'. സുരാജ് വെഞ്ഞാറമൂട് ,തന്‍വി റാം, റിയ സൈറ,ആര്‍ഷ ചാന്ദിനി ബൈജു , ജഗദീഷ്, ജോര്‍ജ് കോര, മണികണ്ഠന്‍ പട്ടാമ്പി, ബിജു സോപാനം , അല്‍ത്താഫ് സലിം, രഞ്ജിത് ബാലകൃഷ്ണന്‍ എന്നിവരാണ് മറ്റ് താരങ്ങള്‍.
സിനിമയുടെ പ്രൊമോഷന്റെ ഭാഗമായി അഡ്വ. മുകുന്ദന്‍ ഉണ്ണി എന്ന പേരില്‍ ഫേസ്ബുക്ക് പേജ് ചിത്രത്തിന്റെ അണിയറപ്രവര്‍ത്തകര്‍ ഉണ്ടാക്കിയിരുന്നു. നേരത്തെ പേജില്‍ പങ്കുവച്ച ചിത്രത്തിന് വന്‍ വിമര്‍ശനം നേരിടേണ്ടി വന്നിരുന്നു. 'ആദ്യത്തെ സൈക്കിളില്‍ ചത്തുപോയ അച്ഛനൊപ്പം' എന്ന ക്യാപ്ഷനോടെയുള്ള പോസ്റ്ററിന് നേരെയാണ് വിമര്‍ശനങ്ങള്‍ ഉയര്‍ന്നത്. ചിത്രത്തിന്റെ ക്യാപ്ഷന്‍ പ്രൊമോഷന്‍ ഭാഗമാണെന്ന് മറ്റു ചിലര്‍ ചൂണ്ടിക്കാണിച്ചെങ്കിലും സൈബര്‍ ആക്രമണം ശക്തമാവുകയായിരുന്നു.
ചിത്രസംയോജകന്‍ അഭിനവ് സുന്ദര്‍ ആദ്യമായി സംവിധാനം ചെയ്യുന്ന ചിത്രമാണ് മുകുന്ദന്‍ ഉണ്ണി അസോസിയേറ്റ്സ്. നവംബര്‍ 11ന് ചിത്രം തിയേറ്ററുകളില്‍ എത്തും. മീശമാധവന്‍ എന്ന ചിത്രത്തിലെ സലീം കുമാര്‍ കഥാപാത്രം അഡ്വ മുകുന്ദന്‍ ഉണ്ണി എന്ന പേര് സിനിമയില്‍ കൗതുക മുണര്‍ത്തുന്നതാണ്. ലിറ്റില്‍ ബിഗ് ഫിലിംസിന്റെ ബാനറില്‍ സുവിന്‍ വര്‍ക്കി, പ്രശോഭ് കൃഷ്ണ എന്നിവരാണ് ചിത്രം നിര്‍മ്മിക്കുന്നത്. ലിറ്റില്‍ ബിഗ് ഫിലിംസിന്റെ ആറാമത്തെ സിനിമയാണ് 'മുകുന്ദന്‍ ഉണ്ണി അസ്സോസിയേറ്റസ്'.
Premium Lifestyle and Entertainment website
16 വയസ്സുള്ളപ്പോള്‍ ഓഡിഷനു വേണ്ടി വിളിച്ചുവരുത്തി മോശമായി പെരുമാറി;ബോധരഹിതയാക്കാന്‍ ശ്രമിച്ച താന്‍ രക്ഷപ്പെട്ടത് ഒരു വിധത്തില്‍; കാസ്റ്റിങ് കൗച്ച് യാഥാര്‍ത്ഥ്യമെന്ന് നടി രശ്മി ദേശായ്
മോഹന്‍ലാലിനെ ക്യാമറയുടെ മുന്നില്‍ നിര്‍ത്തി കൊതി തീര്‍ന്നിട്ടില്ല; ഇനിയും രസകരമായ സിനിമകള്‍ ചെയ്യാന്‍ പറ്റുമെന്ന വിശ്വാസം ഉണ്ട്; ലാലിനെവെച്ച് അത്ഭുതങ്ങള്‍ സൃഷ്ടിക്കാന്‍ സാധിക്കും; ഹൃദയപൂര്‍വ്വം അണിയറയില്‍ ഒരുങ്ങുമ്പോള്‍ സത്യന്‍ അന്തിക്കാട് പങ്ക് വച്ചത്