മലയാളത്തില്‍ ഏറെ ആരാധകരുള്ള താരമാണ് ടൊവിനോ തോമസ്. തന്റെ അഭിനയ ജീവിതത്തില്‍ സിനിമയില്‍ പത്തു വര്‍ഷം പിന്നിട്ടിരിക്കുകയാണ് ടൊവിനോ തോമസ്. ജീവിതത്തെ തന്നെ മാറ്റിമറച്ച തന്റെ സിനിമ ജീവിതത്തെ പറ്റി സോഷ്യല്‍ മീഡിയയില്‍ കുറിച്ചിരിക്കുകയാണ് ടൊവിനോ തോമസ്. കൂടാതെ ആദ്യമായി തന്റെ പടം പോസ്റ്ററില്‍ അടിച്ച് വന്ന ചിത്രവും നടന്‍ പങ്ക് വച്ചിട്ടുണ്ട്.
ജീവിതത്തെ തന്നെ മാറ്റിമറച്ച ആ നീണ്ട യാത്രയെക്കുറിച്ച് ടൊവിനോ സോഷ്യല്‍ മീഡിയയില്‍ കുറിച്ചതിങ്ങനെ:
എന്റെ ആദ്യ ചിത്രമായ പ്രഭുവിന്റെ മക്കള്‍ റിലീസായിട്ടു ഇന്നേയ്ക്കു പത്തു വര്‍ഷമായിരിക്കുന്നു. അന്നു മുതല്‍ എന്റെ ജീവിതത്തില്‍ മാറ്റങ്ങള്‍ സംഭവിക്കാന്‍ തുടങ്ങി. 43 സിനിമകളില്‍ അഭിനയിക്കാനും, ഒരു സിനിമയില്‍ സഹ സംവിധായകനായി പ്രവര്‍ത്തിക്കാനും സാധിച്ചു. ഈ യാത്രയില്‍ എനിക്കു വേണ്ടി പ്രാര്‍ത്ഥിച്ച എല്ലാവര്‍ക്കും നന്ദിഎന്ന വളരെ ഇമോഷ്ണലായ കുറിപ്പാണ് ടൊവിനോ പങ്കുവച്ചിരിക്കുന്നത്. ടൊവിനോ അഭിനയിച്ച എല്ലാ ചിത്രങ്ങളും ഉള്‍പ്പെടുന്ന ദൃശ്യവും ഇതിനൊപ്പം പങ്കുവച്ചിട്ടുണ്ട്.
2012 ല്‍ പുറത്തിറങ്ങിയ പ്രഭുവിന്റെ മക്കള്‍ എന്ന ചിത്രത്തിലൂടെയായിരുന്നു ടൊവിനോയുടെ അരങ്ങേറ്റം. പിന്നീട് എന്നു നിന്റെ മോയ്തീന്‍, ഗോദ, മായാനദി, ഗപ്പി, മിന്നല്‍ മുരളി തുടങ്ങി അനവധി ചിത്രങ്ങളില്‍ കഥാപാത്രങ്ങള്‍ക്കു ടൊവിനോ ജീവനേകി.
തല്ലുമാലആണ് ടൊവിനോയുടെ അവസാനമായി തീയറ്ററുകളിലെത്തിയ ചിത്രം.ഖാലിദ് റഹ്മാന്റെ സംവിധായത്തില്‍ പുറത്തിറങ്ങിയ ചിത്രമായ തല്ലുമാല വേറിട്ട ദൃശ്യാനുഭവമാണ് പ്രേക്ഷകര്‍ക്കു സമ്മാനിച്ചത്. ആഷിക്ക് ഉസ്മാന്‍ നിര്‍മ്മിച്ച ചിത്രത്തില്‍ കല്ല്യാണി പ്രിയദര്‍ശന്‍, ഷൈന്‍ ടോം ചാക്കോ, ലുക്ക്മാന്‍ എന്നിവരാണ് മറ്റു പ്രധാന വേഷങ്ങള്‍ അവതരിപ്പിച്ചത്. ചിത്രത്തിലെ ടോവിനോയുടെ ഡാന്‍സും ഏറെ ശ്രദ്ധ നേടിയിരുന്നു.
അജയന്റെ രണ്ടാം മോഷണം എന്ന ചിത്രത്തില്‍ അഭിനയിക്കുകയാണ് ടൊവിനോ ഇപ്പോള്‍. ചിത്രത്തിന്റെ ലൊക്കേഷനിലായിരുന്നു പത്തുവര്‍ഷം പൂര്‍ത്തിയാക്കിയതിന്റെ ആഘോഷം നടന്നത്.
Premium Lifestyle and Entertainment website
തനിക്കെതിരെ വധഭീഷണി ഉണ്ടെന്ന് നടന്‍ വിക്രാന്ത് മാസി; ഗോധ്ര കൂട്ടക്കൊല സിനിമയാകുമ്പോള്‍
പഞ്ചാബി ഹൗസ് ഹിറ്റായെങ്കിലും പണിതുയര്‍ത്തിയ സ്വപ്‌ന വീട് ഹിറ്റായില്ല; ഫ്‌ളോറിങ് പണിയില്‍ ഉണ്ടായ അപാകതയില്‍ മുറികളിലടക്കം ടൈലുകള്‍ പൊട്ടി പൊളിഞ്ഞു; പേരക്കുട്ടികള്‍ക്ക് വീട്ടില്‍ മുട്ടിലിഴയാനോ ഓടിനടക്കാനോ പരിപാടികള്‍ നടത്താനോ സാധിച്ചിട്ടില്ല; ഹരിശ്രീ അശോകന്‍ മോഹിച്ച് പണിതുയര്‍ത്തിയ വീടിന്റെ കാഴ്ച്ച ഞെട്ടിക്കുന്നത്