മലയാള സിനിമാ ചരിത്രത്തില്‍ പുത്തന്‍ റെക്കേര്‍ഡിട്ട് ദുല്‍ഖര്‍ ചിത്രം കിംഗ് ഓഫ് കൊത്ത. സിനിമയുടെ ടിക്കറ്റ് ബുക്കിംഗ് ആരംഭിച്ചത് മുതല്‍ ബുക്ക് മൈ ഷോയില്‍ ടിക്കറ്റ് വില്‍പ്പനയില്‍ ട്രെന്‍ഡിംഗില്‍ നില്‍ക്കുന്ന ആദ്യ ചിത്രമായി കിംഗ് ഓഫ് കൊത്ത മാറി. പ്രീ ബുക്കിംഗിലൂടെ 2.5 കോടി രൂപയാണ് ചിത്രത്തിന്റെ കളക്ഷന്‍. 24-നാണ് റിലീസ്.
ഇതോടെ പ്രീ ബുക്കിംഗില്‍ 'കെജിഎഫ് 2'വിനെ മലര്‍ത്തിയടിച്ചിരിക്കുകയാണ് ദുല്‍ഖര്‍ ചിത്രം. മലയാള സിനിമാ ചരിത്രത്തില്‍ തന്നെ ഏറ്റവും കൂടുതല്‍ തുക നേടിയിരിക്കുന്ന ചിത്രമായിരിക്കുകയാണ് കൊത്ത. 3 കോടിയലധികം തുകയാണ് റിലീസാകാന്‍ ഒരു ദിവസം ബാക്കി നില്‍ക്കെ കെജിഎഫ് 2 നേടിയ 2.93 കോടിയായിരുന്നു കേരളത്തിലെ ഏറ്റവും ഉയര്‍ന്ന പ്രീ സെയില്‍ ബിസിനസ്. കേരളത്തില്‍ മാത്രം അഞ്ഞൂറില്‍പരം സ്‌ക്രീനില്‍ എത്തുന്ന ചിത്രം അന്‍പതിലേറെ രാജ്യങ്ങളില്‍ 2500 സ്‌ക്രീനുകളില്‍ റിലീസാകും. ചിത്രത്തിന്റെ ടിക്കറ്റിന് ഓണ്‍ലൈനിലും വന്‍ സ്വീകാര്യതയാണ് ലഭിക്കുന്നത്.
ചിത്രത്തിന്റെതായി പുറത്തിറങ്ങിയ ഗാനങ്ങളും ട്രെയ്ലറുകളും സോഷ്യല്‍ മീഡിയയില്‍ ഹിറ്റ് ആയിരുന്നു. ഐശ്വര്യ ലക്ഷ്മി, ഷബീര്‍ കല്ലറക്കല്‍, പ്രസന്ന, ഗോകുല്‍ സുരേഷ്, ഷമ്മി തിലകന്‍, ശാന്തി കൃഷ്ണ, അനിഖാ സുരേന്ദ്രന്‍ തുടങ്ങി വമ്പന്‍ താര നിരയാണ് അണിനിരക്കുന്നത്.
കിംഗ് ഓഫ് കൊത്തയുടെ ഛായാഗ്രഹണം നിമീഷ് രവിയാണ്. ജേക്സ് ബിജോയ്, ഷാന്‍ റഹ്മാന്‍ എന്നിവരാണ് ചിത്രത്തിന് സംഗീതമൊരുക്കുന്നത്. സംഘട്ടനം : രാജശേഖര്‍, തിരക്കഥ: അഭിലാഷ് എന്‍. ചന്ദ്രന്‍, പ്രൊഡക്ഷന്‍ ഡിസൈനര്‍: നിമേഷ് താനൂര്‍, എഡിറ്റര്‍: ശ്യാം ശശിധരന്‍, കൊറിയോഗ്രാഫി: ഷെറീഫ്.
Premium Lifestyle and Entertainment website
അയ്യങ്കാളിയുടെ കഥ പറയുന്ന കതിരവന് തുടക്കം; ചിത്രത്തില്‍ മമ്മൂട്ടിക്ക് പകരം നായകനാകുക സൂപ്പര്‍താരമെന്ന് സൂചന; ബ്രഹ്മാണ്ഡ ചിത്രമായി അണിയിച്ചൊരുക്കുന്ന ചിത്രത്തില്‍ തമിഴ് ഹിന്ദി താരങ്ങളും
തമിഴ് സിനിമ-സീരിയല്‍ നടന്‍ കുഴഞ്ഞു വീണു മരിച്ചു; ദാരുണാന്ത്യം മൂന്നാര്‍ ഇക്കാ നഗറില്‍ കെ സുബ്രഹ്മണ്യന്; സംഭവം സിപിഎം ഇടുക്കി ജില്ലാ സമ്മേളനത്തില്‍ പങ്കെടുത്ത് മടങ്ങവെ