ബോളിവുഡിലും തരംഗമായി ഫേസ് ആപ്പ് ചലഞ്ച്; ചലഞ്ച് ഏറ്റെടുത്ത താരങ്ങളുടെ ലുക്ക് കണ്ടോ..!

വയസാകുമ്പോള്‍ തങ്ങള്‍ എങ്ങനെയായിരിക്കും എന്ന് കാണിച്ചുകൊണ്ടുളള സെലിബ്രിറ്റികളുടെ ഫേസ് ആപ്പ് ചലഞ്ച് സോഷ്യല്‍ മീഡിയയില്‍ തരംഗമായികൊണ്ടിരിക്കുകയാണ്. വിവിധ ഇന്‍ഡസ്ട്രികളില്‍ നിന്നും ചലഞ്ച് ഏറ്റെടുത്ത് നിരവധിപ്പേര്‍ സമൂഹ മാധ്യമങ്ങളില്‍ തങ്ങളുടെ ചിത്രങ്ങള്‍ പങ്കുവെച്ച് എത്തിയിരുന്നു. വെല്ലുവിളി
ഏറ്റെടുത്തുകൊണ്ടായിരുന്നു എല്ലാവരും ഇന്‍സ്റ്റഗ്രാമിലെല്ലാം എത്തിയത്. 
അതേസമയം ഫേസ് ആപ്പ് ചലഞ്ചിന് മലയാളത്തില്‍ നിന്നും മികച്ച വരവേല്‍പ്പായിരുന്നു ലഭിച്ചിരുന്നത്. ഇപ്പോള്‍ മലയാളി താരങ്ങള്‍ക്ക് പുറമെ ബോളിവുഡിലും ഫേസ് ആപ്പ് ചലഞ്ച് ട്രെന്‍ഡ് ആയിക്കൊണ്ടിരിക്കുകയാണ്.

മലയാളത്തില്‍ നടന്‍ നീരജ് മാധവ് തുടങ്ങിവെച്ച ചലഞ്ച് പിന്നീട് സഹതാരങ്ങളെല്ലാം ഏറ്റെടുത്ത് ചെയ്തിരുന്നു. യുവതാരങ്ങളാണ് നേരത്തെ ഫേസ് ആപ്പില്‍ തങ്ങളുടെ പ്രായം കൂടിയ ലുക്ക് കൂടുതലായി പോസ്റ്റ് ചെയ്തിരുന്നത്. എന്നാല്‍ ബോളിവുഡ് സൂപ്പര്‍താരങ്ങളും നടിമാരുമെല്ലാം പുതിയ ചലഞ്ചില്‍ പങ്കെടുത്തുകൊണ്ട് സോഷ്യല്‍ മീഡിയയില്‍ എത്തി.

ബോളിവുഡ് യുവതാരം അര്‍ജുന്‍ കപൂര്‍ എന്റെ വാര്‍ദ്ധക്യ കാലം എന്ന് പറഞ്ഞാല്‍ ഇതാണെന്ന് പറഞ്ഞുകൊണ്ടാണ് ഫേസ് ആപ്പ് ചലഞ്ചില്‍ പങ്കെടുത്ത് സോഷ്യല്‍ മീഡിയയില്‍ എത്തിയത്. തുടര്‍ന്ന് ചിത്രത്തിന് താഴെ കമന്റുമായി ജാന്‍വി കപൂര്‍ അടക്കമുളള താരങ്ങള്‍ എത്തി. അര്‍ജുന്‍ കപൂറിന് പുറമെ വരുണ്‍ ധവാനും ഫേസ് ആപ്പ് ചലഞ്ചില്‍ പങ്കെടുത്ത് കൊണ്ട് എത്തിയിരുന്നു. വരുണ്‍ ധവാന്റെ 70 വര്‍ഷങ്ങള്‍ എന്നായിരുന്നു താരം ചിത്രം പങ്കുവെച്ചുകൊണ്ട് ഇന്‍സ്റ്റഗ്രാമില്‍ കുറിച്ചിരുന്നത്. തന്റെ ട്രെയിനിംഗ് ഏത് പ്രായത്തില്‍ എത്തിയാലും നിര്‍ത്തില്ലെന്നും വരുണ്‍ ധവാന്‍ ഇന്‍സ്റ്റഗ്രാമില്‍ കുറിച്ചു. വരുണ്‍ ധവാന് പുറമെ സോനം കപൂറും ഫേസ് ആപ്പ് ചലഞ്ചില്‍ പങ്കെടുത്ത് രംഗത്തെത്തിയിരുന്നു. ഇവര്‍ക്കൊപ്പം ബോളിവുഡ് സൂപ്പര്‍താരങ്ങളായ അക്ഷയ് കുമാര്‍, സല്‍മാന്‍ ഖാന്‍, ഷാരൂഖ് ഖാന്‍, ആമിര്‍ ഖാന്‍, അജയ് ദേവ്ഗണ്‍, ഹൃത്വിക്ക് റോഷന്‍ തുടങ്ങിയവരുടെ ഫേസ് ആപ്പ് ചലഞ്ച് ചിത്രങ്ങളും സോഷ്യല്‍ മീഡിയയില്‍ പങ്കുവെച്ചിരുന്നു. ബോളിവുഡ് സൂപ്പര്‍താരങ്ങള്‍ 25 വര്‍ഷങ്ങള്‍ക്ക് ശേഷം എന്ന ക്യാപ്ഷന്‍ നല്‍കിയായിരുന്നു ഈ ചിത്രങ്ങള്‍ പുറത്തിറങ്ങിയിരുന്നത്. 

സൂപ്പര്‍താരങ്ങള്‍ക്കൊപ്പം തന്നെ ശില്‍പ്പ ഷെട്ടി, ദീപിക പദുകോണ്‍, ദിഷ പഠാണി തുടങ്ങിയ നടിമാരുടെ ചിത്രങ്ങളും സമൂഹ മാധ്യങ്ങളില്‍ പങ്കുവെച്ചിരുന്നു. ഇവര്‍ക്കൊപ്പം യുവതാരങ്ങളായ രണ്‍വീര്‍ സിങ്, ടൈഗര്‍ ഷ്റോഫ് തുടങ്ങിയവരും ഫേസ് ആപ്പ് ചിത്രങ്ങള്‍ പങ്കുവെച്ചു. ബോളിവുഡ് താരങ്ങള്‍ക്കൊപ്പം ഇന്ത്യന്‍ ക്രിക്കറ്റ് താരങ്ങളായ മഹേന്ദ്ര സിംഗ് ധോണി, വിരാട് കോഹ്ലി, ദിനേഷ് കാര്‍ത്തിക്ക്, രോഹിത് ശര്‍മ്മ, രവീന്ദ്ര ജഡേജ, ചാഹല്‍, ഭുവനേശ്വര്‍ കുമാര്‍ തുടങ്ങിയവരുടെ ചിത്രങ്ങളും സമൂഹമാധ്യമങ്ങളില്‍ പുറത്തിറങ്ങിയിരുന്നു.