ക്രിക്കറ്റ് താരത്തില്‍നിന്ന് ചലച്ചിത്ര നിര്‍മ്മാണത്തിലേക്ക് ചുവടുവയ്ക്കുന്ന മഹേന്ദ്ര സിംഗ് ധോണിയുടെ ആദ്യ ചിത്രത്തിന് എല്‍ജിഎം (ലെറ്റ്സ് ഗെറ്റ് മാരീഡ് )എന്നു പേരിട്ടു. തമിഴില്‍ ഒരുങ്ങുന്ന ചിത്രത്തില്‍ ഹരീഷ് കല്യാണും ഇവാനയും കേന്ദ്രകഥാപാത്രങ്ങളെ അവതരിപ്പിക്കുന്നു.
സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷന്‍ ഹൗസായ ധോണി എന്റര്‍ടെയ്ന്‍മെന്റും ചേര്‍ന്ന് നിര്‍മ്മിക്കുന്ന ചിത്രത്തിന്റെ ചിത്രീകരണം ആരംഭിച്ചു. ചെന്നൈയില്‍ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന് തുടക്കം കുറിച്ചത്.
നവാഗത സംവിധായകന്‍ രമേഷ് തമിഴ്മണി സംവിധാനം ചെയ്യുന്ന 'ലെറ്റ്സ് ഗെറ്റ് മാരീഡ്' കഥ ഒരുക്കിയത് സാക്ഷി തന്നെയാണ്.നദിയ മൊയ്തു,യോഗി ബാബു എന്നിവരാണ് മറ്റു താരങ്ങള്‍. അര്‍ഥവത്തായ കഥകളിലൂടെ രാജ്യത്തെ എല്ലാ മുക്കിലും മൂലയിലുമുള്ള ഇന്ത്യന്‍ പ്രേക്ഷകരെ എന്റര്‍ടൈന്‍ ചെയ്യിപ്പിക്കുക എന്നതാണ് ധോണി എന്റര്‍ടെയ്ന്‍മെന്റിന്റെ ലക്ഷ്യമെന്നും ആ ചിന്തയുമായി ചേര്‍ന്നാണ് ഈ സിനിമയെന്നും ധോണി എന്റര്‍ടൈന്‍മെന്റ് ബിസിനസ് ഹെഡ് വികാസ് ഹസിജ പറഞ്ഞു.
ധോണി എന്റര്‍ടൈന്‍മെന്റ് നല്ല തിരക്കഥകള്‍ക്കായുള്ള അന്വേഷണങ്ങളില്‍ ആണ് , തമിഴില്‍ കൂടുതല്‍ സിനിമകള്‍ ചെയ്യാന്‍ ഞങ്ങള്‍ ഉദ്ദേശിക്കുന്നു. ഇന്നത്തെ തുടക്കം, തമിഴ് സിനിമയിലെ ധോണി എന്റര്‍ടെയ്ന്‍മെന്റിന്റെ ദീര്‍ഘവും ഫലപ്രദവുമായ ഇന്നിംഗ്സിനെ അടയാളപ്പെടുത്തുമെന്ന് ഞങ്ങള്‍ വിശ്വസിക്കുന്നു, ഒരു മാറ്റം വരുത്താന്‍ ആഗ്രഹിക്കുന്നു.' വികാസ് കൂട്ടിച്ചേര്‍ത്തു.ഈ സിനിമയുടെ ലോഞ്ചിംഗില്‍ സന്തോഷവും ആഹ്ലാദവുമുണ്ട്. സാക്ഷിയുടെ ആശയം രമേശിന്റെ ഒരു എന്റര്‍ടെയ്നിംഗ് സ്‌ക്രിപ്റ്റാക്കി മാറ്റിയതും നേരിട്ട് കണ്ട താന്‍ ചിത്രം ബിഗ് സ്‌ക്രീനില്‍ കാണുവാനായി ആകാംക്ഷയടക്കാതെ കാത്തിരിക്കുകയാണെന്ന് ധോണി എന്റര്‍ടൈന്‍മെന്റ് ക്രിയേറ്റീവ് ഹെഡ് പ്രിയാന്‍ഷു ചോപ്ര പറഞ്ഞു.
വിശ്വജിത്ത് ഛായാഗ്രഹണം നിര്‍വഹിക്കുന്ന ചിത്രത്തിന് സംവിധായകന്‍ രമേഷ് തമിഴ്മണിയാണ് സംഗീതം . മുഖ്യധാരാ ചലച്ചിത്രനിര്‍മ്മാണത്തിലേക്കുള്ള ധോണി എന്റര്‍ടെയ്ന്‍മെന്റിന്റെ ചുവടുവയ്പ്പിനെ അടയാളപ്പെടുത്തുന്ന ചിത്രം ഫാമിലി എന്റര്‍ടെയ്നര്‍ ആയിരിക്കും.പി.ആര്‍.ഒ : ശബരി
Premium Lifestyle and Entertainment website
നൃത്ത പരിപാടിക്കായി പോകവെ കാര്‍ നിയന്ത്രണം വിട്ട് ഉണ്ടായ അപകടത്തില്‍ മരിച്ചത് റിയാലിറ്റി ഷോ താരം കൂടിയായ നൃത്താദ്ധ്യാപിക; മൈസൂരില്‍ വച്ചുണ്ടായ അപകടത്തില്‍ മരിച്ച അലീഷ ടിവി ചാനലുകളിലെയും സ്റ്റേജ് പരിപാടികളിലും സജീവ സാന്നിധ്യം
കൗമാര മനസ്സുകളുടെ പ്രണയം ആവിഷ്‌കരിച്ച് 'ഒരു വയനാടന്‍ പ്രണയകഥ''; ആദ്യ ഗാനത്തിന്റെ ലിറിക്കല്‍ വീഡിയോ പുറത്തിറങ്ങി