75ാമത് കാന്‍ ഫെസ്റ്റിവലില്‍ പതിവ് പോലെ ഇത്തവണയും തിളങ്ങിയിരിക്കുകയാണ് ഇന്ത്യന്‍ താരസുന്ദരികള്‍. റെഡ്കാര്‍പറ്റില്‍ പതിവുപോലെ ഐശ്വര്യ റായ് തന്നെയായിരുന്നു ശ്രദ്ധാ കേന്ദ്രം. ഓരോ വര്‍ഷവും താരം ആരാധകരുടെ ഹൃദയം കവരുന്ന ലുക്കിലാണ് എത്തുന്നത്. ഈ വര്‍ഷവും അവര്‍ പതിവ് തെറ്റിച്ചില്ല. കറുത്ത ഗൗണില്‍ പൂക്കള്‍ ഡിസൈന്‍ ചെയ്ത ലുക്കിലാണ് ഐശ്വര്യ റെഡ് കാര്‍പ്പെറ്റിലെത്തിയത്.
ത്രിഡി ഫ്‌ലോറല്‍ മോട്ടിഫ് വര്‍ക്കായിരുന്നു ഗൗണിന്റെ പ്രധാന ആകര്‍ഷണം. ഡോള്‍സ് ആന്‍ഡ് ഗബ്ബാനയുടെ ഗൗണാണ് ഐശ്വര്യ അണിഞ്ഞത്. വലതുകൈയിലും ഗൗണിന്റെ ഇടതുഭാഗത്തുമാണ് പൂക്കള്‍ തുന്നിച്ചേര്‍ത്തിട്ടുള്ശത്.കമ്മല്‍ മാത്രമാണ് ആകെ ധരിച്ച ആഭരണം. മുടിയിലും ഇത്തവണ വലിയ പരീക്ഷണങ്ങള്‍ നടത്താന്‍ താരം മുതിര്‍ന്നില്ല. മേക്കപ്പും മിനിമല്‍ ലുക്കിലാണ്. പിങ്ക് നിറത്തിലുള്ള ലിപ്സ്റ്റിക്കാണ് ഹൈലൈറ്റ് ചെയ്തിരിക്കുന്നത്.
കുടുംബസമേതമാണ് ഐശ്വര്യ ഇത്തവണ കാനില്‍ പങ്കെടുക്കാന്‍ ഫ്രാന്‍സില്‍ എത്തിയത്. ഭര്‍ത്താവ് അഭിഷേക് ബച്ചനും മകള്‍ ആരാധ്യയ്ക്കും ഒപ്പമുള്ള ഐശ്വര്യയുടെ ചിത്രങ്ങളും ശ്രദ്ധിക്കപ്പെട്ടിരുന്നു. 2002ല്‍ സഞ്ജയ് ലീല ബന്‍സാലി ഒരുക്കിയ ദേവ്ദാസ് എന്ന സിനിമയുടെ പ്രദര്‍ശനത്തിന്റെ ഭാഗമായാണ് ഐശ്യര്യ റായ് ആദ്യമായി കാന്‍ ഫെസ്റ്റിവലില്‍ പങ്കെടുക്കാനെത്തിയത്. പിന്നീടുള്ള മേളകളിലെ സ്ഥിര സാന്നിദ്ധ്യമാണ് താരം.
കോസ്മറ്റിക്‌സ് കമ്പനി ലൊറിയാലിനെ പ്രതിനിധീകരിച്ചാണ് ബ്രാന്‍ഡ് അംബാസഡറായ ഐശ്വര്യ കാന്‍ ചലച്ചിത്ര മേളയ്ക്ക് ഇത്തവണ എത്തിയത്. ഇതോടെ
ഏറ്റവും കൂടുതല്‍ തവണ കാനിന് എത്തിയ ബോളിവുഡ് സുന്ദരിയും ഐശ്വര്യയായി.
കമല്‍ഹാസന്‍, എ.ആര്‍. റഹ്‌മാന്‍, മാധവന്‍, പാ. രഞ്ജിത്ത്, നവാസുദ്ദീന്‍ സിദ്ദീഖി, അഭിഷേക് ബച്ചന്‍, ദീപിക പദുക്കോണ്‍, ഹിനഖാന്‍, അദിതി റാവു ഹൈദരി, നയന്‍താര എന്നിവരടക്കം നിരവധി ഇന്ത്യന്‍ താരങ്ങളാണ് ഇന്ത്യയെ പ്രതിനിധീകരിച്ച് ഫ്രാന്‍സില്‍ എത്തുന്നത്.
Premium Lifestyle and Entertainment website
സുംബ ഡാന്‍സറായ ഭാര്യ; പെണ്‍മക്കള്‍ രണ്ടും മോഡലിങുമായി സജീവം; വില്ലന്‍ വേഷങ്ങളിലൂടെ സീരയലില്‍ നിറ സാന്നിധ്യമായ നടന്‍ വിഷ്ണു പ്രസാദിന്റെ കുടുംബവിശേഷങ്ങളിങ്ങനെ
ഫ്‌ളവേഴ്‌സ് ടിവിയിലെ സ്റ്റാര്‍ മാജിക് സംഘം ഇനി സീ കേരളത്തില്‍; ഡയറക്ടര്‍ അനൂപിനൊപ്പം ലക്ഷ്മി നക്ഷത്രയും അനുവും പുതിയ ഷോയിലേക്ക്; ചിരി വിരുന്നിന്റെ ആഘോഷങ്ങള്‍ക്ക് തുടക്കം കുറിച്ചെത്തുന്ന സൂപ്പര്‍ ഷോയില്‍ അതിഥികളായി ദിലീപും സുരാജ് വെഞ്ഞാറമൂടും, ധ്യാന്‍ ശ്രീനിവാസനും