ബഡായി ബംഗ്ലാവ് ആര്യയുടെ സീനിയറായി പടിച്ചത് മലയാളി പ്രേക്ഷകരുടെ ഇഷ്ടതാരം പേളി മാണി; സ്‌കൂള്‍കാലത്തെ ചിത്രം പങ്കുവച്ച് ആര്യ

ഏഷ്യാനെറ്റിലെ ബഡായി ബംഗ്ലാവ് എന്ന പരിപാടിയിലൂടെ പ്രേക്ഷകര്‍ക്ക് സുപരിചിതയായ താരമാണ് ആര്യ. ബഡായി ബംഗ്ലാവിലെ പിഷാരടിയുടെ ഭാര്യയായാണ് ആര്യയെ പ്രേക്ഷകര്‍ കാണുന്നത്. സോഷ്യല്‍ മീഡിയയല്‍ സജീവയായ താരം തന്റെ വിശേഷങ്ങളും ചിത്രങ്ങളുമെല്ലാം ആരാധകരുമായി പങ്കുവയ്ക്കാറുണ്ട്. സ്‌കൂളില്‍ പഠിക്കുമ്പോഴുളള ഒരു ചിത്രം താരം പങ്കുവച്ചതാണ് ഇപ്പോള്‍ ആരാധകര്‍ ചര്‍ച്ചയാകുന്നത്. ചിത്രത്തിലുളള മറ്റൊരു സെലിബ്രേറ്റിയെ കണ്ടാണ് ഇപ്പോള്‍ പ്രേക്ഷകര്‍ അമ്പരക്കുന്നത്. 

മിനിസ്‌ക്രീനിലൂടെയും സിനിമയിലൂടെയും ആരാധകരുടെ പ്രിയതാരമായി മാറിയ താരമാണ് ആര്യ. ഏഷ്യാനെറ്റിലെ ബഡായി ബംഗ്ലാവ് എന്ന പരിപാടിയിലൂടെയാണ് ആര്യ പ്രേക്ഷകര്‍ക്ക് സുപരിചിതയായത്. തന്റെ സിനിമാ വിശേഷങ്ങളും, ജീവിതത്തിലെ പ്രധാന സംഭവങ്ങളെല്ലാം വ്യക്തമാക്കിക്കൊണ്ട് താരം സോഷ്യല്‍ മീഡിയയില്‍ സജീവമാണ്. അഭിനയത്തിനു പുറമേ അറോയ എന്ന ബോട്ടീക്കിലൂടെ ഫാഷന്‍ രംഗത്തും ആര്യ സജീവമാണ്. 

സോഷ്യല്‍ മീഡിയയലില്‍ സജീവമായ താരം  മകള്‍ക്കും സുഹൃത്തുക്കള്‍ക്കും ഒപ്പമുളള ചിത്രങ്ങളൊക്കെ ആരാധകര്‍ക്കായി പങ്കുവയ്ക്കാറുണ്ട്. ഇപ്പോള്‍ തന്റെ സ്‌കൂള്‍ പഠന കാലത്തെ ഒരു ചിത്രമാണ് താരം പങ്കുവച്ചിരിക്കുന്നത്. ഡാന്‍സ് കോസ്റ്റ്യുമിലുളള ഒരു ചിത്രമാണ് താരം പങ്കുവച്ചത്. സാരിയൊക്കെ ഉടുത്ത് ഡാന്‍സിന്റെ മേക്കപ്പില്‍ നില്‍ക്കുന്ന താരത്തിന്റെ ചിത്രം പങ്കുവച്ച് തന്നെ കണ്ടെത്താനും ഒപ്പം ആരാധകരുടെ പ്രിയപ്പെട്ട മറ്റൊരു സെലിബ്രിറ്റി ചിത്രത്തിലുണ്ട് അവരെ കണ്ടെത്താനും ആര്യ പറയുന്നുണ്ട്. ഒപ്പമുളള സെലിബ്രിറ്റി സ്‌കൂളില്‍ തന്റെ സീനിയറായിരുന്നുവെന്നും ആര്യ കുറിച്ചിട്ടുണ്ട്. എന്നാല്‍ വട്ടപ്പൊട്ടും ചുവന്ന സാരിയുമുടുത്ത് നില്‍ക്കുന്ന പേളിയെ വേഗം തന്നെ ആരാധകര്‍ കണ്ടു പിടിച്ചു. ഇരുവരും ഒരേ കോസ്റ്റിയൂമിലാണ് ചിത്രത്തിലുളളത്. മുത്തുമാലയും പൊട്ടുമണിഞ്ഞ് സാരിയുടുത്ത് നില്‍ക്കുന്ന ഇരുവര്‍ക്കും ഇപ്പോഴും വലിയ മാറ്റങ്ങളൊന്നും ഇല്ലെന്നാണ് ആരാധകര്‍ പറയുന്നത്. ചിത്രം പങ്കുവച്ചതോടെ ആഹ് പേളി എന്ന്  ശ്രീനിഷും ചിത്രത്തിന് കമന്റ് ചെയ്തിട്ടുണ്ട്. പേളി ആര്യയുടെ സീനിയറാണെന്ന് ഇപ്പോഴും ആരാധകര്‍ക്ക് വിശ്വസിക്കാന്‍ ആയിട്ടില്ല. ഹോളി ഏയ്ഞല്‍സ്സിലാണ് ആര്യയുടെ സീനിയറായി പേളി പഠിച്ചത്. ഹൗസ് കോംപറ്റീഷനന്റെ ഭാഗമായി ഇരുവരും ഒന്നിച്ച ഡാന്‍സ് മത്സര്തതിന്റെ ചിത്രമാണ് ആര്യ പങ്കുവച്ചത്.