ജൂഹിയും റോവിനും പിരിഞ്ഞോ; ലെച്ചുവിന് ബ്രേക്കപ്പ് ആയെന്ന് സംശയവുമായി ആരാധകര്‍

ടെലിവിഷന്‍ പ്രേക്ഷകര്‍ സ്ഥിരമായി കാണുന്ന പരിപാടികളിലൊന്നാണ് ഉപ്പും മുളകും. ഉപ്പും മുളകിലും ഏറെ ആരാധകരുള്ള താരമായിരുന്നു ലക്ഷ്മി എന്ന ലച്ചു. നടി ജൂഹി രുസ്തഗിയാണ് ലച്ചുവായി എത്തുന്നത്. ലച്ചുവിന്റെ വിശേഷങ്ങള്‍ എല്ലാം പ്രേക്ഷകര്‍ക്ക് ഏറെ ഇഷ്ടമാണ്. രാജസ്ഥാനിയായ രഘുവീര്‍ ശരണ്‍ രസ്‌തോഗിയുടെയും ചോറ്റാനിക്കര സ്വദേശി ഭാഗ്യലക്ഷ്മിയുടെയും മകളാണ് പാതി മലയാളിയായ ജൂഹി രുസ്തഗി. തനിക്ക് ഏറെ പ്രശസ്തി നല്‍കിയ ഉപ്പും മുളകും സീരിയലില്‍ നിന്നും താരം പിന്മാറിയിട്ട് നാളുകളായി. പിന്നാലെ സീരിയലിന് ശനി ദശ തന്നെയായിരുന്നു.റേറ്റിങ്ങിലും സീരിയല്‍ ഏറെ താഴേക്ക് പോയിരുന്നു. ഇതിന് പിന്നാലെ താന്‍ സീരിയലില്‍ നിന്നും പിന്‍മാറിയെന്ന് പറഞ്ഞുള്ള ലച്ചുവിന്റെ വീഡിയോ പുറത്തുവന്നിരുന്നു. ഇതിന് പിന്നാലെ നിരവധി സംശയങ്ങള്‍ ആരാധകര്‍ ഉയര്‍ത്തിയിരുന്നു. റോവിന്‍ ജോര്‍ജ്ജുമായി താരം പ്രണയത്തിലാണെന്ന സൂചനകളും പുറത്തുവന്നു. തനിക്ക് പഠനത്തില്‍ തുടരണം എന്നും യാത്രകള്‍ ചെയ്യണം എന്നുമായിരുന്നു പിന്മാറ്റത്തിന് കാരണമായി ജൂഹി വ്യക്തമാക്കിയിരുന്നത്. ഒപ്പം ഒരു യൂ ട്യൂബ് ചാനലും ഇരുവരും ചേര്‍ന്ന് ആരംഭിക്കുകയും ചെയ്തിരുന്നു.

പെര്‍ഫെക്ട് സ്‌ട്രേഞ്ചേഴ്‌സ് എന്ന് പേരിട്ടുകൊണ്ട് ആരംഭിച്ച യൂ ട്യൂബ് ചാനല്‍ വളരെ പെട്ടെന്നാണ് പ്രേക്ഷകരിലേക്ക് എത്തിയത്. ലച്ചു സീരിയലിലെക്ക് തിരിച്ച വരണമെന്നാണ് പ്രേക്ഷകര്‍ അഭ്യര്‍ത്ഥിച്ചത്.  സ്വന്തം യൂ ട്യൂബ് ചാനലിലൂടെ ഭാവി വരന്‍ എന്ന് ജൂഹി പരിചയപ്പെടുത്തിയ റോവിന് ഒപ്പമുള്ള തിരുനെല്ലി യാത്രയും താരം പുറത്തുവിട്ടു. ഐതിഹ്യങ്ങള്‍ ഉറങ്ങുന്ന തിരുനെല്ലിയുടെ കഥ പറഞ്ഞ വീഡിയോ ലക്ഷക്കണക്കിന് വ്യൂവേഴ്‌സിനെയാണ് ജൂഹിക്ക് നല്‍കിയത്. റോവിനും ജൂഹിയും ഒരുമിച്ചുളള നിരവധി ചിത്രങ്ങളും പുറത്ത് വന്നിരുന്നു. എന്നാല്‍ പിന്നീട് ഇരുവരും അടിച്ചു പിരിഞ്ഞെന്നും വാര്‍ത്തകള്‍ എത്തിയിരുന്നു. എന്നാലിപ്പോള്‍ വീണ്ടും അത്തരത്തിലെ സംശയങ്ങളുിരവധി വ്യൂവേഴ്‌സിനെ സമ്മാനിച്ച ആ വീഡിയോ ഇപ്പോള്‍ ജൂഹിയുടെ യൂ ട്യൂബ് ചാനലില്‍ നിന്നും ഡിലീറ്റ് ചെയ്തതിനു പിന്നാലെയാണ് ആരാധകര്‍ പുതിയ സംശയവുമായി രംഗത്ത് വന്നത്. റോവിനുമായി ബ്രേക്ക് അപ് ആയോ എന്ന സംശയമാണ് ആരാധകര്‍ ഇപ്പോള്‍ ഉയര്‍ത്തുന്നത്. മാത്രവുമല്ല ഇന്‍സ്റ്റയില്‍ ജൂഹിയുടെ പ്രൊഫൈലില്‍ റോവിന് ഒപ്പമുള്ള ചിത്രങ്ങള്‍ കാണാത്തതും ആരാധകരില്‍ സംശയം ഉയര്‍ത്തിയിട്ടുണ്ട്.