മഞ്ഞളില്‍ കുളിച്ച് സീമ വിനീത്; വൈറലായി ഹാല്‍ദി ചടങ്ങിന്റെ ചിത്രങ്ങള്‍

സമൂഹത്തിന്റെ കാഴ്ചപ്പാടുകളെ മാറ്റിക്കൊണ്ട് നിരവധി ട്രാന്‍സ്‌ഡെന്‍ഡേഴ്‌സാണ് വിവാഹിതരാകുന്നതും ഉയര്‍ന്ന സ്റ്റാറ്റസ്സില്‍ ജീവിക്കുന്നതും. സെലിബ്രിറ്റി ലോകത്ത് പ്രശസ്തരായ സെലിബ്രിറ്റി മേക്കപ്പ് ആര്‍ട്ടിസ്റ്റുകളൊക്കെ ടാര്ന്‍സ് ജെന്‍ഡേഴ്‌സ ആണ്. പ്രശസ്തയായ സെലിബ്രിറ്റി മേക്കപ്പ് ആര്‍ട്ടിസ്റ്റ് ആണ് സീമ വിനീത്. സമൂഹത്തില്‍ നിരവധി അവഗണനകള്‍ നേരിടുന്ന വിഭാഗമാണ് ട്രാന്‍സ്‌ജെന്‍ഡേഴ്‌സ്. എന്നാല്‍ ഇന്ന് തങ്ങളുടെ അവകാശങ്ങള്‍ നേടിയെടുക്കാനും സമൂഹത്തില്‍ മുന്നോട്ടു വരാനും ഇവര്‍ക്ക് സാധിക്കുന്നുണ്ട്. ഇന്ന് ഫാഷന്റെയും മേക്കപ്പിന്റെയും ലോകത്ത് നിറഞ്ഞു നില്‍ക്കുന്ന സെലിബ്രിറ്റി മേക്കപ്പ് ആര്‍ട്ടിസ്റ്റുകളില്‍ പലരും ട്രാന്‍സ് വ്യക്തിത്വങ്ങളാണ്. 

പുരുഷനായി ജനിച്ചെങ്കിലും തന്റെ വ്യക്തിത്വം സ്ത്രിയുടേതാണെന്ന് തിരിച്ചറിഞ്ഞ് സ്ത്രിയായി മാറിയ വ്യക്തിയാണ് സീമ വിനീത്. താരം പങ്ക് വച്ച വര്‍ഷപൂജയുടെ ചിത്രങ്ങള്‍ എല്ലാം കുറച്ചുനാളുകള്‍ക്ക് മുന്‍പ് സോഷ്യല്‍ മീഡിയയില്‍ വൈറല്‍ ആയിരുന്നു. ഒരു വര്‍ഷം മുന്‍പാണ് സീമയുടെ ശസ്ത്രക്രിയ കഴിഞ്ഞത്. ശസ്ത്രക്രിയ കഴിഞ്ഞ് ഒരു വര്‍ഷം തികഞ്ഞപ്പോഴാണ് വര്‍ഷപൂജ നടത്തി താന്‍ പൂര്‍ണ്ണമായി സ്ത്രീയായി മാറിക്കഴിഞ്ഞെന്ന് ലോകത്തോട് സീമ വിളിച്ചു പറയുന്നത്. ഇപ്പോള്‍ രണ്ടാം വര്‍ഷ പൂജയില്‍ സീമ പങ്കിട്ട ചിത്രങ്ങള്‍ ആണ് ആരാധകര്‍ ഏറ്റെടുത്തിരിക്കുന്നത്. രണ്ടാം വര്‍ഷപൂജയിലേക്ക് കടക്കുന്ന സന്തോഷമാണ് താരം സോഷ്യല്‍ മീഡിയ വഴി പങ്ക് വച്ചത്. ഹാല്‍ദി സെറിമണി വിത്ത് മൈ ബോയ്സ് എന്ന ക്യാപ്ഷ്യനോടെയാണ് സീമ ഹല്‍ദി ചിത്രങ്ങള്‍ വീണ്ടും പങ്ക് വച്ചത്.പുതിയ ചിത്രങ്ങള്‍ കണ്ട ആരാധകര്‍ ചോദിക്കുന്നത് വിവാഹം ആയോ എന്നാണ്.

പൂര്‍ണ്ണമായി സ്ത്രീയായി മാറിയ സീമ തന്റെ വിവാഹസങ്കല്‍പ്പങ്ങളെ പറ്റി പങ്കുവച്ചും എത്തിയിരുന്നു. സ്വന്തം യൂ ട്യൂബ് ചാനല്‍ വഴിയാണ് സീമ തന്റെ വിവാഹ സങ്കല്‍പ്പങ്ങളെ പറ്റി തുറന്ന് പറഞ്ഞത്. മേക്കപ്പ് ആര്‍ട്ടിസ്റ്റ് കൂടിയായ സീമ ഒരു മേക്കപ്പ് സ്റ്റുഡിയോയും യൂ ട്യൂബ് ചാനലിനൊപ്പം നടത്തുന്നുണ്ട്. താരത്തിന്റെ മിക്ക വീഡിയോകളും സോഷ്യല്‍ മീഡിയയില്‍ വൈറലാണ്. തന്റെ ലൈഫ് പാര്‍ട്ണറിനെ പറ്റിയുള്ള കാര്യങ്ങള്‍ നിരവധി ആളുകള്‍ ചോദിച്ചിട്ടുണ്ടായിരുന്നുവെന്നും അതിനുള്ള മറുപടിയാണിത് എന്ന് പറഞ്ഞു കൊണ്ടാണ് സീമ വീഡിയോ ആരംഭിക്കുന്നത്. തികച്ചും മാനുഷിക പരിഗണന നല്‍കുന്ന തന്നെയും തന്റെ കമ്മ്യൂണിറ്റിയെയും മനസിലാക്കുന്ന, സ്വീകരിക്കാന്‍ മനസ്സുള്ള ഒരു വ്യക്തി ആയിരിക്കണം തന്റെ ഭാവി ഭര്‍ത്താവ് എന്നാണ് സീമ പറഞ്ഞത്.  

മാത്രമല്ല നാലാളിന്റെ മുന്‍പില്‍ അഭിമാനപൂര്‍വ്വം തന്റെ കൈപിടിച്ചു നടക്കുന്ന ഒരു വ്യക്തി. ആ വ്യക്തിക്ക് സെല്ഫ് കോണ്‍ഫിഡന്‍സ് തീര്‍ച്ചയായും ഉണ്ടായിരിക്കണം. ഭാവി വരന് സ്വന്തമായി വരുമാനം ഉണ്ടായിരിക്കണം. അല്ലാതെ തന്റെ പേഴ്‌സിന്റെ വലിപ്പം കണ്ട് വരുന്ന വ്യക്തി ആകരുത് തന്റെ ഭര്‍ത്താവ്. ഞാന്‍ വിവാഹം കഴിക്കുന്ന ആള്‍ എന്റെ ജീവിതാവസാനം വരെ തന്റെ ഒപ്പം ഉണ്ടാകണമെന്നും സീമ പറയുന്നു. എന്റെ അമ്മയെ സ്‌നേഹിക്കണം. വിവാഹം ഒരു ഉടമ്പടി ആയി കാണുന്ന വ്യക്തിയും, അല്ലാതെ നമ്മുടെ കുറവുകളെ മനസ്സിലാക്കി മാത്രം ജീവിതത്തില്‍ വന്നു പോകുന്ന ആള്‍ ആയിരിക്കരുതെന്നും സീമ പറയുന്നു. ഒപ്പം വസ്ത്രം മാറുന്നപോലെ വിവാഹത്തെ കണക്കാക്കുന്ന ഒരു വ്യക്തി ആകരുത് എന്നെ വിവാഹം ചയ്യാന്‍ പോകുന്ന ആളെന്നും സീമ കൂട്ടിച്ചേര്‍ത്തു.