മൗനരാഗത്തിലെ വില്ലത്തി സരയു അമ്മയാകാനൊരുങ്ങുന്നു; നിറവയറിലെ ചിത്രം പങ്കുവച്ച് സീരിയല്‍ താരം ദര്‍ശനയു അമ്മയാകാനൊരുങ്ങുന്നു; നിറവയറിലെ ചിത്രം പങ്കുവച്ച് സീരിയല്‍ താരം ദര്‍ശന

കറുത്ത മുത്തിലെ ഗായത്രിയായി പ്രേക്ഷകര്‍ക്ക് സുപരിചിതയായ താരമാണ് ദര്‍ശന ദാസ്. പാലക്കാട് കല്ലടിക്കോട് സ്വദേശിനിയാണ് ദര്‍ശന. ജനിച്ചതും വളര്‍ന്നതുമൊക്കെ പാലക്കാടാണ്. അച്ഛന്‍ അമ്മ രണ്ടു ചേച്ചിമാര്‍ എന്നിവരടങ്ങുന്ന കുടുംബമാണ് ദര്‍ശനയുടേത്. കറുത്തമുത്തിലെ കഥാപാത്രവും ശ്രദ്ധിക്കപ്പെട്ടതോടെയാണ് സീ കേരളത്തില്‍ സുമംഗലീഭവ എന്ന സീരിയലില്‍ നായികയായി ദര്‍ശന എത്തുന്നത്. വളരെ മികച്ച കഥാപാത്രമായിരുന്നു ഇതില്‍ ദേവു എന്നത്. എന്നാല്‍ സീരിയലില്‍ നിന്നും പെട്ടെന്ന് ദര്‍ശനയെ കാണാതായി. പിന്നെ പ്രേക്ഷകര്‍ കണ്ടത് സോനു സതീഷ് എന്ന നടി ദേവു എന്ന കഥാപാത്രമായി എത്തിയതാണ്.

 ഇതോടെ നടി വിവാഹിതയാകാന്‍ ഒരുങ്ങുന്നതിനാലാണ് സീരിയലുകളില്‍ നിന്നും പിന്‍മാറിയെതെന്ന് അഭ്യൂഹങ്ങളെത്തി. പിന്നീട് താന്‍ വിവാഹിതയായി എന്ന് താരം തന്നെ തുറന്നു പറയുകയും ചെയ്തു. പ്രണയവിവാഹമായിരുന്നു താരത്തിന്റേത്. വിവാഹം നടത്തിത്തരാന്‍ ബുദ്ധിമുട്ടാണ് നിങ്ങള്‍ക്ക് ഇഷ്ടമാണെങ്കില്‍ ഒരുമിച്ച് ജീവിച്ചോളു എന്ന് വീട്ടകാര്‍ പറഞ്ഞതനുസരിച്ചാണ് വീട്ടില്‍ നിന്നും ഇറങ്ങിയത്. ഇപ്പോഴും വീട്ടുകാര്‍ സന്തോഷത്തോടെ ഇരിക്കുകയാണെന്നും ദര്‍ശന പറഞ്ഞിരുന്നു. തന്റെ വീട്ടുകാരെ അറിയിക്കാതെ ഇപ്പോഴും ഒന്നും ചെയ്യുന്നില്ലെന്നും തങ്ങള്‍ എന്തു ചെയ്യുന്നതും വീട്ടുകാര്‍ അറിയുന്നുണ്ടെന്നും ദര്‍ശന പറയുന്നു. ഇപ്പോള്‍ ഭര്‍ത്താവ് അനൂപിന്റെ വീട്ടിലാണ് ദര്‍ശന.സുമംഗലീഭവ സീരിയലിന്റെ അസിസ്റ്റന്റ് ഡയറക്ടര്‍ ആയിരുന്ന അനൂപ് കൃഷ്ണനാണ് ദര്‍ശനയുടെ ഭര്‍ത്താവ്.

കുറെ വര്‍ഷങ്ങളായി ഇരുവരും സൗഹൃദത്തില്‍ ആയിരുന്നു. സൗഹൃദം പ്രണയമായി മാറുകയും അത് പിന്നീട് പ്രണയമായി വിവാഹത്തിലെത്തുകയുമായിരുന്നു. ഇപ്പോള്‍ മൗനരാഗം എന്ന സീരിയലില്‍ വില്ലത്തി  വേഷത്തിലാണ് താരം എത്തുന്നത്. എന്നാല്‍ ഇപ്പോള്‍ മറ്റൊരു വിശേഷമാണ് ദര്‍ശന ആരാധകരോട് പങ്കുവയ്ക്കുന്നത്. താന്‍ അമ്മയാകാന്‍ ഒരുങ്ങുന്നുവെന്നാണ് അത്. കഴിഞ്ഞ മാസം ഒരു കുഞ്ഞിന്റെ കൈകളുടെ ചിത്രം പങ്കുവച്ച് താരം ഇക്കാര്യം സൂചിപ്പിച്ചിരുന്നു. അന്ന് ചോദ്യങ്ങളുമായി ആരാധരകര്‍ എത്തിയിരുന്നു. ഇപ്പോള്‍ നിറവയറിലെ തന്റെ ചിത്രം പങ്കുവച്ച് എത്തിയിരിക്കയാണ് ദര്‍ശന. വയറൊക്കെ വലുതായ കാരണം ഇനി സരയുവായി ദര്‍ശന എത്തില്ലേ എന്നും ആരാധകര്‍ ചോദിക്കുന്നുണ്ട്.