സ്ത്രീപദം താരം ആലീസ് ക്രിസ്റ്റി വിവാഹിതയാകുന്നോ; ശ്രദ്ധയാകര്‍ഷിച്ച് ബ്രൈഡല്‍ ഫോട്ടോഷൂട്ട് ചിത്രങ്ങള്‍

മഞ്ഞുരുകും കാലം സത്രീപദം തുടങ്ങിയ സീരിയലുകളിലെ ശ്രദ്ധേയമായ കഥാപാത്രങ്ങളിലൂടെ ശ്രദ്ധേയയായ താരമാണ് ആലീസ് ക്രിസ്റ്റി ഗോമസ്.  മഴവില്‍ മനോരമയില്‍ സംപ്രേക്ഷണം ചെയ്ത മഞ്ഞുരുകും കാലം എന്ന പരമ്പരയിലൂടെയാണ് ആലീസ് കൂടുതല്‍ ജനപ്രിയയായി മാറിയത്. മിനിസ്‌ക്രീനില്‍ നിറഞ്ഞു നില്‍ക്കുന്ന താരം സോഷ്യല്‍ മീഡിയയിലെയും നിറസാന്നിധ്യമാണ്. പുത്തന്‍ വിശേഷങ്ങളും ഫോട്ടോഷൂട്ട് വീഡിയോകളും സുന്ദരമായ ചിത്രങ്ങളുമൊക്കെ ആലീസ് പ്രേക്ഷകരുമായി നിരന്തരം പങ്കുവെക്കാറുണ്ട്. എന്നാലിപ്പോള്‍ താരത്തിന്റെതായി പുതിയ ചിത്രങ്ങളും വീഡിയോകളുമാണ് ആരാധകരെ സംശയത്തിലാക്കിയത്.

വിവാഹ വേഷത്തില്‍ അണിഞ്ഞൊരുങ്ങുന്നതിന്റെ വീഡിയോ ആലീസ് പങ്കുവെച്ചതോടെ ആരാധകര്‍ ആശങ്കയിലാവുകയായിരുന്നു. തങ്ങളുടെ പ്രിയതാരം വിവാഹിതയാകാനൊരുങ്ങുകയാണോ എന്നാണ് ആരാധകരിലുണ്ടായ സംശയം. ആരാധകരുടെ സംശയങ്ങള്‍ക്ക് ഉടന്‍ മറുപടിയുമായി ആലീസും എത്തി.തന്റെ വിവാഹമായിട്ടൊന്നുമില്ല എന്നും താന്‍ എന്‍ഗേജ്ഡ് മാത്രമേ ആയിട്ടുള്ളുവെന്നും വ്യക്തമാക്കിയാണ് ആലിസ് രംഗത്തെത്തിയത്. ഈ വീഡിയോകളും ചിത്രങ്ങളും ഒരു ഫോട്ടോഷൂട്ടിന്റെ ഭാഗമായി എടുത്ത ബിഹൈന്‍ഡ് ദ സീനാണെന്നും ആലീസ് വ്യക്തമാക്കി. ഫോട്ടോഷൂട്ടിനായി പകര്‍ത്തിയ ചിത്രങ്ങള്‍ മാത്രമാണിത്. ആലീസ് വ്യക്തമാക്കി.

സുന്ദരിയായ വിവാഹപ്പെണ്ണിന്റെ വേഷത്തിലാണ് ആലീസ് എത്തിയത്. തിരുവാതിര മേക്കോവര്‍ സ്റ്റുഡിയോയിലാണ് ആലിസ് തന്റെ മേക്കോവര്‍ ചെയ്തത്. കമന്റിട്ട ആരാധകര്‍ക്ക് മറുപടി നല്‍കാനും ആലീസ് മറന്നില്ല.മുന്‍പും ആലീസ് വിവാഹ വേഷത്തില്‍ ഫോട്ടോഷൂട്ട് ചിത്രങ്ങള്‍ ആരാധകരുമായി പങ്കുവെച്ചിരുന്നു. ക്രിസ്റ്റ്യന്‍ ബ്രൈഡല്‍ ലുക്കിലാണ് മുന്‍പ് താരം എത്തിയത്. ഇപ്പോള്‍ ഹിന്ദു ബ്രൈഡല്‍ ലുക്കിലെ താരത്തിന്റെ ചിത്രങ്ങളും ആരാധകര്‍ ഏറ്റെടുക്കുകയാണ്.