എന്നേക്കാളും ശ്രീക്കുട്ടിയാണ് ബിഗ് ബോസ് മെറ്റീരിയലെന്ന് തോന്നുന്നു; ഷോക്ക് മുമ്പ് അടുക്കള ഭാഗത്ത് കാണാറ്റില്ലാത്തയാളെ ഇപ്പോള്‍ ആ ഭാഗത്തൊക്കെ കാണുന്നു; ബിഗ് ബോസ് താരം അഭിലാഷും ഭാര്യ ശ്രീക്കുട്ടിയും പങ്ക് വക്കുന്നത്

മിനിസ്‌ക്രീന്‍ താരവും മുന്‍ ബിഗ് ബോസ് മത്സരാര്‍ത്ഥിയുമായ അഭിലാഷ്, താനല്ല, ഭാര്യ ശ്രീക്കുട്ടിയാണ് 'ബിഗ് ബോസ് മെറ്റീരിയല്‍' എന്ന് അഭിപ്രായപ്പെട്ടു. അഭിശ്രീ എന്ന പേരിലാണ് ഇരുവരും സോഷ്യല്‍ മീഡിയയിലും യൂട്യൂബിലും പ്രശസ്തരായത്. ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിലാണ് അഭിലാഷ് ഇക്കാര്യം പറഞ്ഞത്. 

 അഭിലാഷിനൊപ്പം ബിഗ് ബോസിലെ സഹമത്സരാര്‍ത്ഥിയായിരുന്ന ഒനീല്‍ സാബുവും അഭിമുഖത്തില്‍ പങ്കെടുത്തു. ബിഗ് ബോസിന്റെ അടുത്ത സീസണിലേക്ക് വിളിച്ചാല്‍ പോകുമോ എന്ന ചോദ്യത്തിന്, തീര്‍ച്ചയായും പോകുമെന്ന് ശ്രീക്കുട്ടി മറുപടി നല്‍കി. 

ബിഗ് ബോസിന് ശേഷം അഭിലാഷിന് വന്ന മാറ്റങ്ങളെക്കുറിച്ചും ശ്രീക്കുട്ടി സംസാരിച്ചു. മുമ്പ് അടുക്കളയുടെ ഭാഗത്തേക്ക് പോലും വരാത്ത അഭിലാഷ് ഇപ്പോള്‍ അവിടെ വരാന്‍ തുടങ്ങിയതായി ശ്രീക്കുട്ടി സന്തോഷത്തോടെ പറഞ്ഞു. ഇത് ആരുടെ സ്വാധീനം കൊണ്ടാണെന്ന് ആലോചിക്കണമെന്നും ഒനീല്‍ തമാശയായി കൂട്ടിച്ചേര്‍ത്തു. 

നീണ്ട പ്രണയത്തിനൊടുവില്‍ വീട്ടുകാരുടെ എതിര്‍പ്പുകളെ മറികടന്നാണ് അഭിലാഷും ശ്രീക്കുട്ടിയും വിവാഹിതരായത്. ടിക് ടോക്കിലൂടെ ശ്രദ്ധ നേടി യൂട്യൂബില്‍ നിരവധി സബ്സ്‌ക്രൈബേഴ്സിനെ നേടിയ അഭിലാഷ്, ഡി ഫോര്‍ ഡാന്‍സ് എന്ന റിയാലിറ്റി ഷോയിലൂടെയാണ് കൂടുതല്‍ പ്രശസ്തനായത്. ശാരീരിക വെല്ലുവിളികള്‍ വകവയ്ക്കാതെ മികച്ച നൃത്തം അവതരിപ്പിച്ച് കൈയടി നേടിയ അദ്ദേഹം രണ്ട് സീരിയലുകളിലും അഭിനയിച്ചിട്ടുണ്ട്.