കസ്തൂരിമാന്‍ സീരിയലിലെ കാവ്യയുടെ അനുജത്തി കല്ലുമോളായി അഭിനയിക്കുന്ന താരമാണ് കൃഷ്ണപ്രിയ. സീരിയലിലെ കാലുവയ്യാത്ത കുട്ടിയുടെ കഥാപാത്രമായി താരം പ്രേക്ഷക മനസ്സില്‍ ഇടം നേടിയിരുന്നു. എന്നാല്‍ കുറച്ചു എപിസോഡുകളിലായി കൃഷ്ണപ്രിയയെ കാണാന്‍ ഇല്ലായിരുന്നു. അതേസമയം സീ തമിഴില്‍ ഒരു സീരിയലില്‍ നായികയായി താരം എത്തുന്നുവെന്ന് വാര്‍ത്ത പ്രേക്ഷകരെ അമ്പരപ്പിച്ചിരിക്കയാണ്. ഇനി കസ്തൂരിമാനിലേക്ക് കൃഷ്ണപ്രിയ എത്തില്ലേ എന്ന ആകാംഷയാണ് ഇപ്പോള്‍ പ്രേക്ഷകര്‍ക്ക്.
കസ്തൂരിമാനില്‍ നായികയായ കാവ്യ സീ കേരളത്തിലേക്ക് പോകുന്നു എന്ന വാര്‍ത്ത കഴിഞ്ഞ ദിവസം എത്തിയത് പ്രേക്ഷകരെ ഞെട്ടിച്ചിരുന്നു. ഇതിന് പിന്നാലെ കല്ലുവും സീ തമിഴിലേക്ക് പോയതോടെ അമ്പരപ്പിലാണ് സീരിയല്‍ ആരാധകര്‍. കസ്തൂരിമാനിലെ എല്ലാവരുടെയും പ്രിയങ്കരിയായ കല്ലുമോള്‍ ഇപ്പോള്‍ തമിഴകത്തേക്ക് ചേക്കേറിയിരിക്കയാണ്. കൃഷ്ണപ്രിയ തന്നെയാണ് ഇക്കാര്യം വീഡിയോയിലൂടെ പ്രേക്ഷകരെ അറിയിച്ചത്. സീ തമിഴിലെ കണ്ടുകൊണ്ടേന്‍ കണ്ടുകൊണ്ടേന്‍ എന്ന സീരിയലിലെ നായികയായിട്ടാണ് കൃഷ്ണപ്രിയ എത്തുന്നത്. സീരിയലിന്റെ മനോഹരമായ പ്രൊമോയാണ് താരം പങ്കുവച്ചത്. വളരെ റോമാന്റിക് ആയി കൃഷ്ണപ്രിയ പ്രമോയില്‍ എത്തിയതും ആരാധകരെ അമ്പരപ്പിച്ചു. സീ തമിഴില്‍ ഏപ്രില്‍ ഒന്നുമുതലാണ് സീരിയല്‍ ആരംഭിച്ചത്. വൈകുന്നേരം 7 30 നാണ് സീരിയല്‍ സംപ്രേക്ഷണം ചെയ്യുന്നത്.
കഴിഞ്ഞ ദിവസം സീരിയലിലെ കാവ്യ എന്ന കഥാപാത്രത്തെ അവതരിപ്പിക്കുന്ന റബേക്ക സീ കേരളയില്‍ പുതുതായി തുടങ്ങുന്ന സംഗീത റിയാലിറ്റി ഷോയില്‍ അവതാരകയായി എത്തുന്ന എന്ന വാര്‍ത്തള്‍ പുറത്തുവന്നിരുന്നു. ഇതിന് പിന്നാലെയാണ് ഇപ്പോള്‍ സീ തമിഴിലേക്ക് കൃഷ്ണപ്രിയ ചേക്കേറി എന്ന വാര്‍ത്ത എത്തിയത്. ഇതോടെ കസ്തൂരിമാന്‍ ആരാധകര്‍ അമ്പരപ്പിലാണ്. റബേക്ക പോകുന്നതിനു പിന്നാലെ അനിയത്തിയായി വേഷമിടുന്ന കൃഷ്ണപ്രിയയും തമിഴകത്തേക്ക് പോയതോടെ സീരിയല്‍ അവസാനിക്കാറായോ എന്നാണ് ആരാധകരുടെ സംശയം. അതേസമയം റബേക്കയും കൃഷ്ണപ്രിയയും വീണ്ടും കസ്തൂരിമാനിലെ റോളുകളില്‍ എത്തുമെന്നാണ് ആരാധകര്‍ പ്രതീക്ഷിക്കുന്നത്.
കസ്തൂരിമാനിലൂടെ പ്രേക്ഷകരുടെ പ്രിയങ്കരിയായി മാറിയ കഥാപാത്രമാണ് കല്ലുമോള്‍. തൃശൂര്‍ സ്വദേശിയായ കൃഷ്ണ പ്രിയ ഏഷ്യനെറ്റിലെ റിയാലിറ്റി ഷോയിലൂടെയാണ് മിനിസ്‌ക്രിനിലെത്തുന്നത്. സീരിയലില്‍ ഏറ്റവും ചെറിയ കുട്ടിയായിട്ടാണ് വേഷമിടുന്നതെങ്കിലും തന്റെ ചേച്ചി കാവ്യയെക്കാള്‍ പ്രായത്തില്‍ മൂത്തത് കൃഷ്ണപ്രിയയാണ്. ഡിഗ്രിയും സോഫ്‌റ്റ്വെയറില്‍ ഡിപ്ലോമയും കഴിഞ്ഞാണ് കസ്തൂരിമാനിലേക്ക് താരം എത്തിയത്.അച്ഛനും അമ്മയും ചേട്ടനുമാണ് കൃഷ്ണപ്രിയുടെ കുടുംബം. സിനിമയാണ് കൃഷ്ണപ്രിയയുടെ ലക്ഷ്യം. ഇപ്പോള്‍ തമിഴില്‍ നായികയാകാനുള്ള റോള്‍ കൂടിയെത്തിയതോടെ തന്റെ ലക്ഷ്യത്തിനടുത്തേക്ക് കൃഷ്ണപ്രിയ എത്തുകയാണെന്നും ആരാധകര്‍ പറയുന്നു.
Premium Lifestyle and Entertainment website
റേപ്പ്, തട്ടിപ്പ്, ഗ്രൂപ്പ് സെക്‌സ്, ഡൊമെസ്റ്റിക് വയലന്‍സ്, ചാരിറ്റി തട്ടിപ്പ്; ആരോപണങ്ങളുടെ പിന്നില്‍ ഒരാളല്ല; ഗ്രൂപ്പ് ഹെഡ് ആരാണെന്ന് എല്ലാവര്‍ക്കും അറിയാം; ആരും അറിയാത്ത ഞെട്ടിപ്പോകുന്ന സത്യങ്ങളുണ്ട്; കസ്തൂരി ആരെന്ന് അറിയില്ല; എലിസബത്തിന് മറുപടിയുമായി ബാല 
എന്റെ വിവാഹം ലവ് ജിഹാദ് ആണെന്ന് വരെ ചിലര്‍ പറഞ്ഞു; ഞങ്ങള്‍ക്ക് കുട്ടികള്‍ ഉണ്ടാകുമ്പോള്‍ അവര്‍ ഇസ്ലാമിക് സ്റ്റേറ്റില്‍ ചേരുമെന്ന് വരെ പറഞ്ഞവരുണ്ട്; എന്തിനാണ് രണ്ട് മതത്തിലുള്ളവര്‍ തമ്മിലുള്ള വിവാഹം മോശമായി കാണുന്നത്; പ്രിയാമണി 
ധ്യാനിനെ കള്ളപ്പണം 'വെളുപ്പിക്കല്‍ സ്റ്റാര്‍' എന്ന പേരിട്ടു വിളിക്കുന്നുവെന്ന് ചോദ്യം; സിനിമയെ എങ്ങനെ കാണണമെന്ന് നീ ആണോ പഠിപ്പിക്കുക?', എന്ത് പ്രൂഫ് ഉണ്ട് പറയുന്നതിന് എന്ന് പൊട്ടിത്തെറിച്ച് ധ്യാന്‍ ശ്രീനിവാസന്‍
നീ നിന്റെ അളിയനുമായി തര്‍ക്കിക്കുദിവസമാണ് ഇന്ന്; ഫഹദ് എന്നോട് ദേഷ്യപ്പെട്ടപ്പോള്‍ ഞാനും തിരിച്ച് ചെയ്തു; ആ വഴക്കടിക്കുന്ന രംഗം ചിത്രീകരിച്ച ദിവസം സെറ്റില്‍ ആരും എന്നോട് സംസാരിച്ചില്ല; അന്ന ബെന്‍ 
ഞാന്‍ പോയശേഷം രണ്ടുപെണ്‍കുട്ടികള്‍ വന്നു; കല്യാണംകഴിക്കണമെന്ന് വാശിപിടിച്ചപ്പോള്‍ ഇറക്കിവിട്ടു.ഭക്ഷണം കഴിക്കാന്‍ ഇല്ലാതെ ടാപ്പിലെ വെള്ളം കുടിച്ച് ജീവന്‍ നിലനിര്‍ത്തിയിട്ടുണ്ട്; എന്റെ ജീവിതത്തില്‍ എന്തെങ്കിലും സംഭവിച്ചാല്‍, ഇതൊക്കെയാകും തെളിവായി അവശേഷിക്കും; ബാലയ്ക്കെതിരെ വീണ്ടും ആരോപണവുമായി എലിസബത്ത് 
ഇത് തന്റെ ജീവിതം; തന്റെ ബോധ്യങ്ങളേയും ശരികളേയുമാണ് താന്‍ പിന്തുടരുന്നത്; എന്റെ യാത്ര എന്റേത് മാത്രം;മറ്റ് നടിമാരും ഇതുപോലെ തന്നെയാണ് വസ്ത്രം ധരിക്കുന്നത്, പിന്നെ എന്നെ മാത്രം എന്തിന് ലക്ഷ്യമിടുന്നു; കുറിപ്പുമായി ആരാധ്യ ദേവി