സ്വന്തം വാർത്താ​ വെബ്​സൈറ്റ് ആസ്ട്രേലിയയിൽ​ ലോഞ്ച്​ ചെയ്യാനൊരുങ്ങി ഗൂഗിൾ

 സ്വന്തം വാർത്താ​ വെബ്​സൈറ്റ്  ആസ്ട്രേലിയയിൽ​ ലോഞ്ച്​ ചെയ്യാനൊരുങ്ങി ഗൂഗിൾ. ഈ  സംഭവം ഗൂഗി​ളിന് വാർത്തകളും ലേഖനങ്ങളും നൽകുന്നതിന്​ കരാർ ഒപ്പിട്ട പ്രാദേശിക മാദ്ധ്യമം തന്നെയാണ്​​ റിപ്പോർട്ട് ചെയ്തത്​​.  ആസ്​ട്രേലിയയിൽ നിയമ പോരാട്ടം ഉള്ളടക്കത്തിന്​ പണം നൽകുന്നതുമായി ബന്ധപ്പെട്ട്​ തുടരുന്ന സാഹചര്യത്തിലാണ്​​ ഗൂഗിൾ സ്വന്തം ന്യൂസ്​ വെബ്​ സൈറ്റുമായി മുന്നോട്ടുവരുന്നത്. 

 ഗൂഗി​ൾ തന്നെ ഫെബ്രുവരിയിൽ ന്യൂസ്​ ഷോകേസ്​ ഉത്​പന്നം ലോഞ്ച്​ ചെയ്യാനുള്ള ചർച്ചകൾ പുനഃരാരംഭിക്കാൻ സമീപിച്ചതായി' ദ കോൺവർസേഷൻ എന്ന ന്യൂസ്​ സൈറ്റിന്റെ എഡിറ്റർ മിഷ കെച്ചൽ അറിയിച്ചിട്ടുണ്ട്​. ,​ കഴിഞ്ഞ വർഷം ജൂണിൽ തന്നെ ഉള്ളടക്കത്തിനായി ദ കോൺവർസേഷൻ ഉൾപ്പെടെയുള്ള ഏഴ് ചെറിയ പ്രാദേശിക വാർത്ത ഒൗട്ട്​ലെറ്റുകളുമായി കരാർ ഒപ്പിട്ട് സംരംഭം തുടങ്ങാൻ ഗൂഗിൾ തീരുമാനിച്ചിരുന്നെങ്കിലും നിയന്ത്രണ വ്യവസ്ഥകൾ ചൂണ്ടിക്കാട്ടി ലോഞ്ചിംഗ് ആസ്​ട്രേലിയൻ സർക്കാർ വൈകിപ്പിച്ചു. അതേസമയം,​ ഗൂഗിൾ ആസ്‌ട്രേലിയ ചീഫ് എക്‌സിക്യൂട്ടീവ് മെൽ സിൽവ  പുതിയ നിയമവുമായി സർക്കാർ മുന്നോട്ടുപോയാൽ തങ്ങളുടെ സെർച്ച്​ എഞ്ചിൻ രാജ്യത്ത്​ നിന്ന്​ പിൻവലിക്കുമെന്ന് കഴിഞ്ഞ ആഴ്ച നടന്ന പാർലമെന്ററി ഹിയറിംഗിൽ പറഞ്ഞിരുന്നു.