കുഞ്ഞുങ്ങൾക്ക് ഡയപ്പർ സ്ഥിരമായി ഉപയോഗിക്കാറുണ്ടോ; ഇക്കാര്യങ്ങൾ ശ്രദ്ധിക്കാം

കുട്ടികൾക്ക് ഏറെ ഉപയോഗിക്കുന്ന ഒന്നാണ് ഡയപ്പറുകൾ. എന്നാൽ ഇത് കുട്ടികൾക്ക് അത്ര ഗുണകരമായ കാര്യമല്ല. ഇത് സ്ഥിരമായി ഉപയോഗിക്കുന്നതിലൂടെ കുഞ്ഞുങ്ങളില്‍ ചൊറിച്ചിലും മറ്റ് അസ്വസ്ഥതകളും  ഉണ്ടാകാൻ സാധ്യത ഏറെയാണ്.  പലതരത്തിലുള്ള അസുഖങ്ങള്‍ ഡയപ്പര്‍ സ്ഥിരമായി ഉപയോ​ഗിക്കുന്നതിലൂടെ കുഞ്ഞുങ്ങളില്‍ പിടിപ്പെടാം. കുഞ്ഞുങ്ങളില്‍ ഡയപ്പര്‍ ധരിപ്പിക്കുന്നത് വായുസഞ്ചാരം തടസപ്പെടുത്തും വിധം ഇറുകിയ വിധത്തിലാണ്. പൊള്ളലേറ്റ പോലുള്ള പാടുകളും , ജനനേന്ദ്രിയത്തിന്‍റെ ഭാഗത്ത് ചുവപ്പ് നിറവും ഡയപ്പര്‍ ഉപയോ​ഗിക്കുമ്ബോള്‍  ഉണ്ടാകാറുണ്ട്.

ഡയപ്പര്‍ മൂലം ഉണ്ടാകാറുള്ള ചൊറിച്ചില്‍ മാറ്റാന്‍ മികച്ച ഒരു മാർഗ്ഗമാണ്  കടുകെണ്ണ.  ചൊറിച്ചിലുള്ള ഭാ​ഗത്ത് കടുകെണ്ണ ചെറുതായി ചൂടാക്കിയ ശേഷം പുരട്ടുക. ആഴ്ച്ചയില്‍ രണ്ട് തവണയെങ്കിലും പുരട്ടാന്‍ ശ്രമിക്കുക.  ഒരു നുള്ള് ബേക്കിം​​ഗ് സോഡ കുളിപ്പിക്കുന്ന വെള്ളത്തില്‍ ഇടുന്നത് അണുക്കള്‍ ഇല്ലാതാക്കാന്‍ സഹായിക്കും. കുഞ്ഞുങ്ങളിലെ ശരീരത്തിലെ ചുവന്നപ്പാടുകള്‍ മാറ്റാന്‍ മുട്ടയുടെ വെള്ള  സഹായിക്കും. കുഞ്ഞുങ്ങളിലെ ചര്‍മ്മം കൂടുതല്‍ ലോലമാകാന്‍ മുട്ടയുടെ വെള്ള ഉത്തമമാണ്.

കുഞ്ഞുങ്ങള്‍ക്ക് വെളിച്ചെണ്ണ സ്ഥിരമായി ഉപയോ​ഗിക്കുന്നത് ഏറെ നല്ലതാണ്.  ഇത്  വരണ്ട ചര്‍മ്മം ഇല്ലാതാകാന്‍ സഹായിക്കും.  വെളിച്ചെണ്ണ കുഞ്ഞുങ്ങളെ കുളിപ്പിക്കുന്നതിന് അരമണിക്കൂര്‍ മുമ്ബേ ശരീരത്തില്‍  പുരട്ടാന്‍ ശ്രമിക്കുക. ഡയപ്പര്‍ ഉപയോ​ഗിച്ച്‌ ചൊറിച്ചിലുള്ള ഭാ​ഗത്ത് വെളിച്ചെണ്ണ സ്ഥിരമായി പുരട്ടാം.  കുഞ്ഞുങ്ങള്‍ക്ക് പ്ലാസ്റ്റിക്ക് കൊണ്ടുള്ള ഡയപ്പറുകള്‍ ഉപയോ​ഗിക്കാതിരിക്കാന്‍ ശ്രമിക്കുക. എപ്പോഴും വായു കിട്ടുന്ന രീതിയിലാകണം കുഞ്ഞുങ്ങളില്‍ ഡയപ്പറുകള്‍ ധരിപ്പിക്കേണ്ടത്.