എന്റെ പേര് അമല .'അമ്മ എന്നെ ചിലപ്പോള്‍,സ്‌നേഹം കൂടുമ്പോള്‍ അത് വല്ലപ്പോളുംഉള്ളു കേട്ടോ ''അമ്മൂട്ടി ''എന്ന് വിളിക്കും . അച്ഛന് എന്നെ എപ്പോളും മോള് എന്നാണ് വിളിക്കുക .അത് കേള്‍ക്കുമ്പോള്‍ അച്ഛനെപ്പോളും ഭയങ്കര സ്‌നേഹം ആണെന്നൊന്നും തെറ്റിദ്ധരിക്കണ്ട . നല്ല ദേഷ്യമൊക്കെ വന്നാലും അച്ഛന് അങ്ങനെ തന്നെയാ വിളിക്കുക .വിളിയുടെ ഈണത്തില്‍ വ്യത്യാസമുണ്ട് എന്ന് മാത്രം ,എന്റെ അച്ഛനുമമ്മയ്ക്കും എപ്പോളും ദേഷ്യമാണ് . അവര് മുഖത്തോടു മുഖം നോക്കിയാല്‍ അപ്പോള്‍ വഴക്കുണ്ടാകും . എന്റെ വീട്ടില്‍ പൊട്ടാത്തതായി സ്റ്റീല്‍ പാത്രങ്ങള്‍ മാത്രമേയുള്ളു . ''അയല്പക്കത്തെ വീട്ടിലെ ആന്റി ' നിന്റെ വീട്ടില്‍ പറക്കുംതളിക ഉണ്ടോ അമ്മുവേ എന്നും പറഞ്ഞു എപ്പോളും കളിയാക്കും. എനിക്കിപ്പോള്‍ പതിനഞ്ചു വയസ്സായി. ഈ കാലയളവ് വരെ അവര് സ്‌നേഹത്തോടെ മിണ്ടുന്നതു ഞാന്‍ കണ്ടിട്ടില്ല .ഇനി ഇങ്ങനെയായിരിക്കും എല്ലാ ഭര്‍ത്താക്കന്മാരും എന്നാണ് ഞാന്‍ വിചാരിച്ചിരുന്നത് .എന്റെ ക്ലാസ്സിലെ നവീനിന്റെ വീട്ടില്‍ ഒരിക്കല്‍ പോയപ്പോളാണ് ആ ധാരണ മാറിക്കിട്ടിയത് .വേണുവേട്ടാ എന്ന് നവീനിന്റെ 'അമ്മ അച്ഛനെ വിളിക്കുന്നത് കേള്‍ക്കാന്‍ തന്നെ എന്ത് സുഖമാണ് .നവീനിന്റെ അച്ഛന് അമ്മയെ ദീപു എന്നാണ് വിളിക്കുക നല്ല സ്‌നേഹം അവരുടെ വീട്ടിലെ ഓരോ മുറിയിലും വെളിച്ചം നിറച്ചു നില്‍ക്കുന്നത് ഞാന്‍ കണ്ടിട്ടുണ്ട് .
അതാവും നവീനും ഇത്ര നല്ല സ്‌നേഹം ഉള്ള കുട്ടിയായത് . അവനോടാണ് ഞാന്‍ എല്ലാം പറയാറ് .എന്റെ സങ്കടങ്ങളും പരാതികളുംസന്തോഷങ്ങളുമെല്ലാം . അവനാണ് ഒരിക്കല്‍ ചോദിച്ചത് ' ഇങ്ങനെ വഴക്കുണ്ടാക്കി ജീവിക്കുന്നതിലും ഭേദം നിന്റെ അമ്മയ്ക്കും അച്ഛനും ഡിവോഴ്‌സ് ചെയ്തു കൂടെ ?'' ആലോചിച്ചപ്പോള്‍ അത് ശരിയാണെന്നെനിക്കും തോന്നി സ്വസ്ഥമായിട്ടു പഠിക്കാന്‍ പറ്റുന്നില്ല ഉറങ്ങാന്‍ പറ്റുന്നില്ല .മടുത്തു .ഓഫീസില്‍ വിട്ടു രണ്ടും കൂടി വന്നാല്‍ അപ്പോള്‍ തുടങ്ങും വഴക്ക് ഒരു ദിവസം ഞാന്‍ അവരോടു ചോദിക്കുക തന്നെ ചെയ്തു ' നിങ്ങള്ക്ക് ഡിവോഴ്‌സ് വാങ്ങിക്കൂടെ? ' അവര് രണ്ടു പേരും ഒരു വിചിത്ര ജന്തുവിനെ നോക്കും പോലെ എന്നെ തുറിച്ചു നോക്കി. പിന്നെ പതിവ് പോലെ രണ്ടിടങ്ങളിലേക്കു പോയി ഇവരെ ഒരു പാഠം പഠിപ്പിക്കാന്‍ എനിക്ക്ള്‍റിയാഞ്ഞിട്ടല്ല .പക്ഷെ അതിനു വേണ്ടി എന്റെ ജീവിതം നശിപ്പിക്കാന്‍ എനിക്ക് മനസ്സില്ല . നവീന്‍ പറയാറുണ്ട് ' നീ ഒരു റെയര്‍കേസ് ആണ് അമ്മു ..ഇത്രയും പ്രശ്‌നങ്ങള്‍ക്കിടയിലും നീ നന്നായി പഠിക്കുന്നു. നീ എപ്പോളും ഫസ്റ്റ് റാങ്ക് വാങ്ങുന്നത് എനിക്ക് അത്ഭുതം ആണ്.എല്ലായിടങ്ങളിലും നീ ഒന്നാമതാണ് ..
നീ ഒരു പാട് ഇന്റലിജന്റ് ആണ് അമ്മു. നിനക്ക് നല്ല ഒരു ഫ്യൂച്ചര്‍ ഉണ്ട്'' അവനറിയില്ലല്ലോ ഇത്രയും വിഷമങ്ങള്‍ക്കിടയിലും അവനാണ് മോട്ടിവേഷന്‍ എന്ന് . അവന്‍ തരുന്ന നല്ല വാക്കുകളാണ് എന്റെ പ്രചോദനം എന്ന് .ഒരു നല്ല സുഹൃത്ത് തരുന്ന ഊര്‍ജ്ജത്തോളം വരില്ല ഈ ലോകത്തു മറ്റൊന്നും . എന്തായാലും ഡിവോഴ്‌സ് ചെയ്യാന്‍ ഒടുക്കം അവര് തീരുമാനിച്ചു സത്യത്തില്‍ എനിക്ക് ആശ്വാസം ആണ് തോന്നിയത് ഇതിങ്ങനെ തുടര്‍ന്നിരുന്നെങ്കില്‍ രണ്ടിലൊരാള്‍ ആയുസ്സെത്താതെ മരിച്ചേനെ . കേസ് ഫയല്‍ ചെയ്തപ്പോള്‍ തന്നെ അച്ഛന് ഫ്‌ലാറ്റിലേക്ക് മാറി . ഞാന്‍ അഞ്ചു ദിവസം അമ്മയ്ക്കൊപ്പം. വാരാന്ത്യങ്ങളില്‍ അച്ഛനൊപ്പം വീട്ടിലെ ബഹളങ്ങളൊക്കെ അവസാനിച്ചു .എനിക്ക് പഠിക്കാന്‍ ധാരാളം സമയം കിട്ടി .'അമ്മ ഓഫീസില്‍ വിട്ടു വരുമ്പോളേക്കും ചായ ഇട്ടു വെയ്ക്കാനൊക്കെ ഞാന്‍ ശീലിച്ചു .ഹോം വര്‍ക്ക് ചെയുമ്പോള്‍ 'അമ്മ എന്റെ ഒപ്പം വന്നിരിക്കും .അമ്മയ്ക്ക് ഇംഗ്ലീഷ് സാഹിത്യത്തില്‍ അപാരമായ ജ്ഞാനം ഉളളത് എന്നെ അത്ഭുതപ്പെടുത്തി .'അമ്മ ഇടക്കൊക്കെ നല്ല കവിതകളൊക്കെ എഴുതി എന്നെ കാണിച്ചു തുടങ്ങി പക്ഷെ ഇടയ്‌ക്കൊക്കെ 'അമ്മ വിഷാദത്തോടെ തനിച്ചു ഇരിക്കുന്ന്തും കാണാം അവധി കഴിഞ്ഞു അച്ഛനരികില്‍ നിന്ന് വരുമ്പോള്‍ 'അമ്മ ചോദിക്കും ' അച്ഛന് എന്താ നിനക്ക് കഴിക്കാന്‍ ഉണ്ടാക്കി തന്നത് ?'
അച്ഛന് പാചകം ഒന്നും അറിയില്ല എന്ന് അമ്മയ്ക്ക് നന്നായി അറിയാം .ഞാന്‍ വരുമ്പോള്‍ അച്ഛന് ഹോട്ടലില്‍ നിന്ന് വാങ്ങി തരിക ആണ് പതിവ് .അച്ഛന് ബ്രെഡും പഴങ്ങളുമൊക്കെയാണ് മിക്കവാറും കഴിക്കുക എന്ന് ഞാന്‍ അടുക്കളയിലെ പാത്രങ്ങളില്‍ നിന്ന് മനസിലാക്കിയിട്ടുണ്ട് അത് പറയുമ്പോള്‍ 'അമ്മ പറയും ' ഇതിപ്പോ ഹോട്ടല്‍ ഭക്ഷണം കഴിച്ചു ആശുപത്രിയില്‍ കിടക്കട്ടെ ആ മനുഷ്യന്‍ ആരാ നോക്കുന്നതെന്ന് കാണാമല്ലോ അഹങ്കാരം !'' അങ്ങനെ പറയുമ്പോളും അമ്മയുടെ കണ്‍കോണിലൊരു കണ്ണീര്‍തുള്ളി തിളങ്ങുന്നുണ്ടാകും ' നിന്റെ 'അമ്മ എന്ത് പറയുന്നു ?ഹാപ്പി അല്ലെ '? അച്ഛന് ചോദിക്കും ' 'അമ്മ ഹാപ്പിയൊന്നുമല്ല...എപ്പോളും സങ്കടം ആണ് ' ഞാന്‍ മറുപടി പറയും ' അവള് പാവമാണ് മുന്‍കോപം ഉണ്ടെന്നേയുള്ളു ..മോള് അവളെ ഹാപ്പി ആയി നോക്കണം കേട്ടോ ''ആ ശബ്ദം ചിലപ്പോള്‍ ഇടറിയ പോലെ തോന്നിക്കും. ഞാന്‍ ആകെ കണ്‍ഫ്യൂഷന്‍ ആയി ' ഇതാണോ സ്‌നേഹം? അവര് വഴക്കിലൂടെയായിരുന്നോ സ്‌നേഹിച്ചിരുന്നത്?'' ഞാന്‍ നവീനിനോടായി ചോദിച്ചു ' ചിലപ്പോള്‍ ആയിരിക്കും .നമ്മള്‍ കുട്ടികളല്ലേ ?വലിയവരുടെ സ്‌നേഹം വേറെയായിരിക്കും ' അവന്‍ മറുപടി പറഞ്ഞു ശരിയാവും മുതിരുമ്പോള്‍ സ്‌നേഹത്തിന്റെ ഭാഷ മാറുമായിരിക്കും ഒന്നിച്ചാവുമ്പോള്‍ സ്വാതന്ത്ര്യകൂടുതല്‍ കൊണ്ട് വഴക്കിലൂടെയായിരിക്കും ചിലര്‍ക്ക് സ്‌നേഹം വരിക ഞാന്‍ നവീനിനെ ഒന്ന് നോക്കി ' നീ എന്നെ എങ്ങനെയാ സ്‌നേഹിക്കണേ?''
അവന്റെ മുഖം പെട്ടെന്ന് ചുവന്നു അവനെന്നെ ഒന്ന് നുള്ളി ' പോടീ പോയി പ്രൊജക്റ്റ് ചെയ്യ് ' അവനെന്നെ ഉന്തി തള്ളി ലൈബ്രറിയില്‍ പറഞ്ഞു വിട്ടു. '''അമ്മ ബസില്‍ നിന്നിറങ്ങുമ്പോള്‍ ഒന്ന് വീണു .കാല്‍ ഉളുക്കി ''അച്ഛന് വിളിച്ചപ്പോള്‍ ഞാന്‍ പറഞ്ഞു ഞാന്‍ അന്ന് സ്‌കൂളില്‍ പോയില്ല. പതിനഞ്ചു മിനിറ്റിനകം അച്ഛന്റെ കാര്‍ മുറ്റത്തെത്തി .എനിക്ക് സത്യത്തില്‍ ആ വെപ്രാളം കണ്ടപ്പോള്‍ ചിരിയാണ് വന്നെ . അമ്മയുടെ മുറിയില്‍ നിന്ന് ഉറക്കെ ശബ്ദം കേള്‍ക്കാം ' നീ സൂക്ഷിക്കാഞ്ഞിട്ടല്ലേ ?നിനക്ക് അങ്ങനെ തന്നെ വേണെമെടി ' അച്ഛന് ' നിങ്ങളെ ആരെങ്കിലും ക്ഷണിച്ചോ? എന്തിനാ വന്നത് ?'' അമ്മ എനിക്ക് സത്യതില്‍ പൊട്ടിച്ചിരിക്കാന്‍ തോന്നി .ഞാനാണോ കുട്ടി? അതോ അവരോ ?അല്പം കഴിഞ്ഞു കലഹങ്ങളെല്ലാം ശമിച്ചു നിശബ്ദമായപ്പോള്‍ ഞാന്‍ ആ മുറിയുടെ വാതില്‍ക്കലേക്കു ചെന്നു.
അച്ഛന്റെ നെഞ്ചില്‍ ചേര്‍ന്നിരിക്കുന്ന അമ്മയെ കണ്ടു ഞാന്‍ ജാള്യതയോടെ പിന്‍വാങ്ങി. ''ഇത്രെയേ ഉള്ളു പിണക്കം ? അയ്യേ ' നവീന്‍ പൊട്ടിച്ചിരിച്ചു ' അതെന്നെ.... അച്ഛന് വീട്ടിലുണ്ട്. ലീവ് എടുത്തു. അതാണ് പിന്നെ ഞാന്‍ ലീവ് എടുക്കാഞ്ഞത് ' ഞാന്‍ പറഞ്ഞു ' അത് നന്നായി നീ ലീവ് എടുക്കാഞ്ഞത് ' ' അതെന്താ ?'' ഞാന്‍ കുസൃതിയില്‍ അവന്റെ മുക്കില്‍ പിടിച്ചു ' വെറുതെ ക്ലാസ് കളയണ്ടല്ലോ ' ' അല്ലതെ നിനക്കെന്നെ മിസ് ചെയ്യില്ല ?'' ' എന്തിന് ?'' അവന്റെ മുഖത്തു നിഷ്‌കളങ്ക ഭാവം ഞാന്‍ എത്ര ചോദിച്ചിട്ടും അവന്‍ അത് സമ്മതിച്ചില്ല. ഞാനും വിട്ടുകൊടുത്തില്ല. ഞങ്ങള്‍ തമ്മില്‍ ആദ്യമായി അന്ന് വഴക്കു കൂടി പിണങ്ങി. വീണ്ടും ഇണങ്ങി. ആ ഇണക്കത്തിലാണ് എനിക്ക് മനസിലായത് സ്വന്തം ആകുമ്പോള്‍ ഇഷ്ടം കൂടും വഴക്കടിക്കും പിണങ്ങും .അപ്പോള്‍ ആണ് അറിയുക തമ്മില്‍ ഒരിക്കലും അകലാനാവില്ല എന്ന് .അപ്പോള്‍ മുന്‌പെത്തേക്കാള്‍ സ്‌നേഹത്തില്‍ വീണ്ടും ഒന്നിച്ചാകും അങ്ങനെയുമുണ്ട് സ്‌നേഹം. ശ്ശോ.. ഈ സ്‌നേഹത്തിനെത്ര ഭാവങ്ങളാണല്ലേ?
Premium Lifestyle and Entertainment website
ഗര്‍ഭിണിയായ സമയത്ത് ഇടയ്ക്ക് ബ്ലീഡിങ്; ഏഴാം മാസത്തില്‍ പ്രസവം; പ്രസവ ശേഷം കുഞ്ഞിനെ എന്‍ ഐസിയുവില്‍; മിയയുടെ ആശുപത്രിവാസത്തിന്റെ വീഡിയോയുമായി സഹോദരി 
മലയാള സിനിമയ്ക്ക് അഭിമാനമാകാന്‍ 'വടക്കന്‍' എത്തുന്നു; കൗതുകവും ആകാംക്ഷയും ജനിപ്പിച്ച് ഫസ്റ്റ് ലുക്ക് പോസ്റ്റര്‍; ചിത്രം മാര്‍ച്ച് 7ന് തിയേറ്ററുകളില്‍
യഥാര്‍ത്ഥ അജേഷേ, നീയെവിടെ? ബേസില്‍ വിളിക്കുന്നു!യഥാര്‍ത്ഥ പി പി അജേഷിനെ തേടി ചിത്രത്തിന്റെ അണിയറക്കാര്‍ ; വമ്പന്‍ സമ്മാനവുമായി പൊന്‍മാനിലെ അജേഷ് 
ആദ്യ ഷോ രാവിലെ 7 മണി മുതല്‍; കേരളത്തിലെ 300 ലധികം സ്‌ക്രീനുകളില്‍ അജിത് ചിത്രം 'വിടാമുയര്‍ച്ചി' നാളെ മുതല്‍
മാര്‍ക്കോ കണ്ട ശേഷം ഉണ്ണി മുകുന്ദനെയും ഹനീഫ് അദാനിയേയും അഭിനന്ദിച്ച് സൂര്യ 
ഇത് വിജയ് സാറിന്റെ അവസാനത്തെ സിനിമയാണ്; വീണ്ടും ഇങ്ങനെയൊരു അവസരം കിട്ടിയെന്ന് വരില്ല; പ്രേക്ഷകരും ഞങ്ങളുടെ കംബാക്കിനായി കാത്തിരിക്കുന്നു'; ജനനായകന്‍ ചെയ്യാനുള്ള കാരണം അതാണ്; പൂജ ഹെഗ്ഡെ പറയുന്നു