ശരീര ഭാരം വർധിപ്പിക്കുന്നത് മുതൽ കാന്‍സറിനും വൃക്കരോഗത്തിനും വരെ; അമിത പ്രോട്ടീന്‍ ആപത്ത്‌

കഴിക്കുന്ന ഭക്ഷണത്തിലെ ഒരു പ്രധാന ഭാഗമാണ് പ്രോട്ടീന്‍. ഇവ പേശികളുടെ വളർച്ചയ്ക്കും എല്ലാം സഹായിക്കുന്ന നിര്‍മാണ ബ്ലോക്കാണ്. ദിവസവും വലിയ അളവില്‍ തന്നെ മിക്ക ഫിറ്റ്‌നസ് പ്രേമികളും പ്രോട്ടീന്‍ ഉപയോഗിക്കുന്നു.  ഇത്തരക്കാര്‍ ശരീരവും കൃത്യമായ വ്യായാമവും ശീലമാക്കുന്നതിലൂടെ സൂക്ഷിക്കുകയും ചെയ്യുന്നു. എന്നാൽ ഇവ അമിതമായാലും ശരീരത്തിന് ദോഷമാകും വരുത്തുക. എന്നാൽ ഏതൊക്കെ ആരോഗ്യ അപകടങ്ങള്‍ ആണ് അമിതമായി പ്രോട്ടീന്‍ കഴിക്കുന്നതിലൂടെ ശരീരത്തിന് സംഭവിക്കുന്ന എന്ന് നോക്കാം.

പ്രോട്ടീന്‍ അമിതമായി  ശരീരത്തിലെത്തുന്നതിലൂടെ  നിങ്ങളുടെ ശരീരഭാരം ക്രമാതീതമായി വർദ്ധിക്കാൻ ഇടയാകുന്നു.  ഇതൊരു നല്ല കാര്യമായി എന്നാല്‍ മെലിഞ്ഞിരിക്കുന്നവര്‍ കരുതേണ്ട.  ഇവയെന്നത് ഉപയോഗശൂന്യമായ പൊണ്ണത്തടിയും കൊഴുപ്പുമായിരിക്കും മാത്രം. കൊഴുപ്പായിതന്നെയാണ് അമിതമായി ഉപയോഗിക്കുന്ന പ്രോട്ടീന്‍  സൂക്ഷിക്കുന്നത്. കാലക്രമേണ ശരീരഭാരം വര്‍ദ്ധിപ്പിക്കുന്നതിന്  ഇത് കാരണമാകും.

 ദഹന പ്രശ്‌നങ്ങള്‍ ഉണ്ടാകുന്നതിന് വളരെയധികം പ്രോട്ടീന്‍ കഴിക്കുന്നത് കാരണമാകും. ചില സാഹചര്യങ്ങളിൽ മലബന്ധം അനുഭവപ്പെടാം അല്ലെങ്കില്‍ വയര്‍ വീര്‍ക്കുന്നതായി തോന്നാം. മാംസം, മത്സ്യം, കോഴി എന്നിവ പോലുള്ള ഹൈ പ്രോട്ടീന്‍ ഭക്ഷണങ്ങള്‍ കഴിക്കുന്ന വേളയിലാണ് ദഹന പ്രശ്നങ്ങൾ കൂടുതൽ ഉണ്ടാകുക. നിങ്ങള്‍ പരിമിതമായ അളവില്‍ മാത്രമായിരിക്കണം ഏതെങ്കിലും തരത്തിലുള്ള ദഹന പ്രശ്‌നങ്ങള്‍ ഒഴിവാക്കാൻ  പ്രോട്ടീന്‍ കഴിക്കേണ്ടത്.

 പ്രോട്ടീന്‍  അമിതമായി കഴിക്കുന്നതിലൂടെ  ശരീരത്തിലെ ജലാംശം കുറയാൻ സാധ്യത ഏറെയാണ്.  നിങ്ങളുടെ ശരീരത്തെ കൂടുതല്‍ പ്രോട്ടീന്‍ കഴിക്കുന്നത് നിര്‍ജ്ജലീകരണത്തിലേക്ക് നയിക്കും.  അതോടൊപ്പം അമിതമായ ദാഹം  അനുഭവപ്പെടാം. ദിവസവും ധാരാളം വെള്ളം കുടിക്കുന്നത്  കടുത്ത നിര്‍ജ്ജലീകരണം ഒഴിവാക്കാന്‍ പ്രോട്ടീന്‍ ഉപഭോഗം പരിഗണിക്കാതെ എല്ലായ്‌പ്പോഴും പ്രധാനമാണ്.

വളരെയധികം പ്രോട്ടീന്‍ ശരീരത്തിൽ എത്തുന്നതിലൂടെ വൃക്കയെയും ബാധിക്കാൻ ആരംഭിക്കുന്നു.   അമിതമായ നൈട്രജനും മറ്റ് മാലിന്യങ്ങളും നീക്കം ചെയ്യുന്നതിന് വൃക്ക കൂടുതലായി  പ്രവർത്തിക്കേണ്ടി വരുന്നു.  ഇതിനകം തന്നെ  വൃക്കരോഗങ്ങളാല്‍ കൂടുതൽ  ബുദ്ധിമുട്ടുന്നവരാണെങ്കില്‍ പ്രോട്ടീന്‍ അമിതമായി ഉപയോഗിക്കുന്നത് പരമാവധി ഒഴിവാക്കണം.

കാന്‍സര്‍ ഉള്‍പ്പെടെയുള്ള വിവിധ ആരോഗ്യപ്രശ്‌നങ്ങളുടെ അപകടസാധ്യതയുമായി  ചുവന്ന മാംസം പോലുള്ള പ്രോട്ടീന്‍ കൂടുതലുള്ള ചില ഉയര്‍ന്ന പ്രോട്ടീന്‍ ഭക്ഷണങ്ങള്‍ ബന്ധപ്പെട്ടിരിക്കുന്നു എന്ന് പറയപ്പെടുന്നുണ്ട്. കൊളോറെക്ടല്‍, ബ്രെസ്റ്റ്, പ്രോസ്റ്റേറ്റ് കാന്‍സര്‍ എന്നിവയ്ക്ക് കൂടുതല്‍ മാംസം കഴിക്കുന്നത്  കാരണമാകുന്നു.  ഇതിന് ഹോര്‍മോണുകള്‍, അര്‍ബുദ സംയുക്തങ്ങള്‍, മാംസത്തില്‍ കാണപ്പെടുന്ന കൊഴുപ്പുകള്‍ എന്നിവ കാരണമാകാനും ഇടയുണ്ട്.

വളരെയധികം പ്രോട്ടീന്‍ ശരീരത്തിൽ എത്തുന്നതോടെ എല്ലിന്റെ ആരോഗ്യത്തെയും ബാധിക്കുന്നു. 
 അസ്ഥികളുമായി ബന്ധപ്പെട്ട ഓസ്റ്റിയോപൊറോസിസ് അല്ലെങ്കില്‍ അസ്ഥി ആരോഗ്യം എന്നിവയുമായി ബന്ധപ്പെട്ടതാണ് കാല്‍സ്യം.  പ്രോട്ടീന്‍ അടങ്ങിയ ഭക്ഷണക്രമം ശരീരത്തില്‍ കാല്‍സ്യം നഷ്ടപ്പെടാന്‍ കാരണമാകുകയും ചെയ്യുന്നു.