രുചികരമായ ചീര തോരൻ

ഏവർക്കും ചോറിനൊപ്പം കഴിക്കാൻ ഇഷ്‌ടപ്പെട്ട ഒരു വിഭവമാണ്  ചീര തോരൻ. വളരെ രുചികരമായ ഇവ എങ്ങനെ തയ്യാറാക്കാം എന്ന് നോക്കാം. 

ആവശ്യമായവ:-

വേലി ചീര
തേങ്ങ ചിരകിയത്- അര മുറി
മഞ്ഞൾപ്പൊടി- കാൽ ടീസ്പൂൺ
വെളുത്തുള്ളി- ഒന്ന്
ജീരകം -അര ടീസ്പൂൺ
ചെറിയ ഉള്ളി -എട്ട് എണ്ണം
ഉപ്പ് -ആവശ്യത്തിന്
എണ്ണ
കടുക്
കറിവേപ്പില

തയ്യാറാക്കുന്ന വിധം:-

1) ചീര ചെറുതായി അരിയുക. തേങ്ങ ചിരകിയത്,  മഞ്ഞൾപ്പൊടി, വെളുത്തുള്ളി, ജീരകം എന്നിവ കല്ലിൽ അരയ്ക്കുക.
2) ചട്ടി അടുപ്പത്ത് വയ്ക്കുക. എണ്ണ ഒഴിച്ച് കടുകു പൊട്ടിക്കുക. ചെറിയ ഉള്ളി അരിഞ്ഞത് ചേർക്കുക.കറിവേപ്പില ഇട്ട് വഴറ്റുക. അരിഞ്ഞു വെച്ച ചീര ചേർത്ത് ഇളക്കുക. ഉപ്പു ചേർക്കുക. തേങ്ങയുടെ അരപ്പ് ചേർത്ത് ഇളക്കി മൂടിവയ്ക്കുക. പാകമാവുമ്പോൾ ചട്ടി ഇറക്കിവയ്ക്കുക.