ഓട്‌സ് തോരന്‍

ചേരുവകള്‍

2 ടേബിള്‍സ്പൂണ്‍ വെളിച്ചെണ്ണ

2 ചുവന്ന മുളക്

1 പച്ചമുളക്

100 ഗ്രാം ബീന്‍സ്

100 ഗ്രാം കാരറ്റ്

2 ടീസ്പൂണ്‍ ജീരകം

ആവശ്യത്തിന് ഉപ്പ്

1 ടീസ്പൂണ്‍ കടുക്

1/2 കപ്പ് തേങ്ങ ചിരകിയത്

3 ടേബിള്‍സ്പൂണ്‍ ഓട്‌സ്

തയാറാക്കുന്നവിധം

ഒരു പാനില്‍ വെളിച്ചെണ്ണ ചൂടാക്കി കടുക് ചേര്‍ക്കുക. ശേഷം ചുവന്ന മുളകും, കറിവേപ്പിലയും, പച്ചമുളകും ചേര്‍ക്കുക. അരിഞ്ഞ കാരറ്റ്, ബീന്‍സ് എന്നിവ പാനില്‍ ചേര്‍ത്ത് നന്നായി വഴറ്റാം. ഒപ്പം അരച്ച തേങ്ങയും ജീരകവും ഓട്‌സുമായി യോജിപ്പിച്ച് ചേര്‍ത്ത് നന്നായി ഇളക്കിയെടുക്കാം. ആവിയില്‍ തന്നെ വേവിച്ചെടുക്കാം. വേണമെങ്കില്‍ ഇത്തിരി വെള്ളം തളിച്ച് അടച്ച് വച്ച് ചെറിയ തീയില്‍ വേവിക്കാം. ശേഷം കറിവേപ്പിലയും ഇത്തിരി വെളിച്ചെണ്ണയും ചേര്‍ക്കണം. ചൂടോടെ ചോറിന് കഴിക്കാം.