ചീര പച്ചടി തയ്യാറാക്കാം

ചോറിനൊപ്പം തൊട്ടുകൂട്ടാൻ ഉപയോഗിക്കുന്ന ഒരു വിഭവമാണ് പച്ചടി. പലതരം പച്ചടികൾ നാം ഉപയോഗിക്കാറുണ്ട്. എന്നാൽ ചീര കൊണ്ട് സ്വാദിഷ്ട്മായ ഒരു പച്ചടി എന്നെ തയ്യാറാക്കാം എന്ന് നോക്കാം.

അവശ്യസാധനങ്ങൾ 

ചുവന്ന ചീര – ഒരു കപ്പ്‌ ,പൊടിയായി അരിഞ്ഞെടുത്തത്

പച്ചമുളക് – 2 ,വട്ടത്തില്‍ അരിഞ്ഞെടുത്തത്

കട്ട തൈര് – രണ്ട് കപ്പ്‌

ഉപ്പ് – പാകത്തിന്

കുഞ്ഞുള്ളി – 10 എണ്ണം , വട്ടത്തില്‍ അരിഞ്ഞെടുത്തത്

എണ്ണ – ഒരു ടേബിള്‍ സ്പൂണ്‍

കടുക് – ഒരു ടി സ്പൂണ്‍

വറ്റല്‍ മുളക് – 2

തയ്യാറാക്കുന്ന വിധം

ഒരു ചീന ചട്ടിയില്‍ ചീര അരിഞ്ഞത് ഇട്ട്  അടച്ച് വെച്ച് ആവിയില്‍ വേവിക്കുക . ചീര വാടി വരുമ്പോൾ .മറ്റൊരു പാനില്‍ എണ്ണ ചൂടാക്കി കടുക് പൊട്ടിച്ച് വറ്റല്‍ മുളകും കുഞ്ഞുള്ളിയും പച്ചമുളകും ചേർത്ത്  വഴറ്റുക. ശേഷം ആവി കയറ്റിയ ചീരയും ചേര്‍ക്കുക. തീ അണച്ച ശേഷം  ഉടച്ച തൈര് ചേര്‍ത്ത് നന്നായി ഇളക്കി ചേര്‍ക്കുക . ആവശ്യത്തിനു ഉപ്പും അതോടൊപ്പം  ചേര്‍ക്കുക.  സ്വാദിഷ്‌ടമായ ചീര പച്ചടി തയ്യാർ.