പ്രഷര്‍ കുക്കര്‍ ചിക്കന്‍ ബിരിയാണി വൈകുമ്പോള്‍ ശ്രദ്ധിക്കേണ്ട ചില കാര്യങ്ങള്‍

എളുപ്പത്തില്‍ തയ്യാറാക്കാന്‍ പറ്റുന്ന ബിരിയാണിയാണ് പ്രഷര്‍ കുക്കര്‍ ചിക്കന്‍ ബിരിയാണി. സാധാരണ ബിരിയാണിയുടെ അതെ ടേസ്റ്റ് തന്നെ ഇതിനും കിട്ടും. പക്ഷെ ഉണ്ടാക്കുന്ന നേരം ചില കാര്യങ്ങള്‍ ശ്രദ്ധിക്കണം എന്നു മാത്രം . വെള്ളത്തിന്റെ അളവും വേവിക്കാന്‍ എടുക്കുന്ന സമയം ഒക്കെ . ഒന്ന് ശ്രദ്ധിച്ചാല്‍ അടിപൊളി ചിക്കന്‍ ബിരിയാണി തയ്യാര്‍ . 

ചേരുവകള്‍ 

ചിക്കന്‍ - 400 ഗ്രാം
 മഞ്ഞള്‍ പൊടി -1 ടീസ്പൂണ്‍ 
മുളക് പൊടി - 2 ടീസ്പൂണ്‍ 
കുരുമുളക് പൊടി - 1/2 ടീസ്പൂണ്‍ ഉപ്പ് - അവശ്യത്തിന് ബസുമതി അരി - 1 കപ്പ് 
പച്ച മുളക് - 3 
വെളുത്തുള്ളി - 7 
ഇഞ്ചി - 1 ഇഞ്ചു കഷ്ണം
 സണ്‍ഫ്‌ലവര്‍ ഓയില്‍ - 4 ടീസ്പൂണ്‍
 നെയ്യ് - 3 ടേബിള്‍സ്പൂണ്‍ 
അണ്ടിപ്പരിപ്പ് - 10 
കിസ്മിസ് - 2 ടേബിള്‍സ്പൂണ്‍
 സവാള - 3 
മല്ലി പൊടി - 1 ടീസ്പൂണ്‍ 
വയണ ഇല - 2 
കറുവ പട്ട - 2 
ചെറിയ കഷ്ണം ഗ്രാമ്പു - 4 
ഏലക്ക - 4 
തൈര് - 2 ടേബിള്‍സ്പൂണ്‍ 
പുതിന ഇല - 2 ടീസ്പൂണ്‍ അരിഞ്ഞത് 
മല്ലി ഇല - 1 ടീസ്പൂണ്‍ 
ഗരം മസാല പൊടി - 1/ 2 ടീസ്പൂണ്‍ 
നാരങ്ങ - അര മുറി 
വെള്ളം - 1 1/ 2 കപ്പ് 

തയ്യാറാക്കുന്ന വിധം

ചിക്കനില്‍ മഞ്ഞള്‍ പൊടി,മുളക് പൊടി,കുരുമുളക് പൊടി,ഉപ്പ് ചേര്‍ത്ത് ചെറുതായി വറുത്തെടുക്കുക .അരി 30 മിനുട്ട് വെള്ളത്തില്‍ കുതിരാന്‍ വയ്ക്കുക .നെയ്യ് ചൂടാക്കി അണ്ടിപ്പരിപ്പും കിസ്മിസും വറുത്തെടുക്കുക.ഒരു സവാള ബ്രൗണ്‍ നിറത്തില്‍ വറുത്തെടുക്കുക . പച്ച മുളക്,വെളുത്തുള്ളി ,ഇഞ്ചി എന്നിവ അരച്ചെടുക്കുക .കുക്കറില്‍ നെയ്യ് ചൂടാക്കി അരച്ചെടുത്ത പേസ്റ്റ് മൂപ്പിച്ചെടുക്കുക . സവാള ചേര്‍ത്ത് വഴറ്റി തൈര് ചേര്‍ത്തിളക്കുക.മല്ലി പൊടി, മഞ്ഞള്‍ പൊടി , മുളക് പൊടി ,പുതിന ഇല,മല്ലി ഇല, ചേര്‍ത്ത് ഇളക്കുക . ഉപ്പു ചേര്‍ക്കുക .ആവശ്യത്തിന് വെള്ളം ചേര്‍ത്ത് തിളപ്പിച്ചു അരി ചേര്‍ത്ത് അടച്ചു വച്ച് ഒരു വിസില്‍ വരുമ്പോള്‍ ഓഫ് ചെയ്തു പ്രഷര്‍ പോയ ഉടനെ തുറക്കാം . പത്രത്തിലോട്ടു മാറ്റി അണ്ടിപരിപ്പും കിസ്മിസും വറുത്ത സവാളയും കൊണ്ട് ഗാര്ണിഷ് ചെയ്യാം