വിഖ്യാതഗായിക ആശ ഭോസ്ലെയുടെ 91ാം ജന്മദിനത്തില്‍ ആശംസകള്‍ നേര്‍ന്ന് കൊച്ചുമകളും ഗായികയുമായ സനായി ഭോസ്ലെ സമൂഹമാധ്യമങ്ങളില്‍ പങ്കുവച്ച ചിത്രങ്ങളും കുറിപ്പും ആരാധകശ്രദ്ധ നേടുന്നു. '91ലും മിടുമിടുക്കി. പിറന്നാള്‍ പെണ്‍കുട്ടി' എന്ന് മുത്തശ്ശിക്കൊപ്പമുള്ള ഹൃദ്യമായ ചിത്രങ്ങള്‍ക്കൊപ്പം സനായി കുറിച്ചു.
ആശ ഭോസ്ലെയുടെ മകന്‍ ആനന്ദ് ഭോസ്ലെയുടെയും അനുജയുടെയും മകളാണ് സനായി. സമൂഹമാധ്യമങ്ങളില്‍ ഏറെ സജീവമായ സനായി, മുത്തശ്ശിക്കൊപ്പം നിരവധി ഔദ്യോഗിക പരിപാടികളില്‍ പങ്കെടുക്കാനെത്തിയിട്ടുണ്ട്. ആശ പലതവണ സനായിക്കൊപ്പമുള്ള ചിത്രങ്ങള്‍ പങ്കുവച്ചിട്ടുമുണ്ട്. സംഗീതരംഗത്ത് ഏറെ സജീവമാണ് സനായി ഭോസ്ലെ.
ഇപ്പോള്‍ മുത്തശ്ശിക്കൊപ്പം പങ്കുവച്ച ചിത്രങ്ങളും ശ്രദ്ധേയമായിക്കഴിഞ്ഞു. നിരവധി പേരാണ് ആശ ഭോസ്ലെക്കു പിറന്നാള്‍ ആശംസകള്‍ നേര്‍ന്നു രംഗത്തെത്തുന്നത്. ലോകത്തില്‍ ഏറ്റവും അധികം ഗാനങ്ങള്‍ പാടി റെക്കോര്‍ഡ് ചെയ്യപ്പെട്ടിട്ടുള്ള ഗായകരിലൊരാളാണ് ആശ. ആലാപന സൗകുമാര്യം കൊണ്ട് ഇന്ത്യന്‍ സിനിമാ ലോകം കീഴടക്കിയ ഗായിക. പോപ്പും ഗസലും ഭജനകളും ക്ലാസിക്കല്‍ സംഗീതവും നാടന്‍ പാട്ടുകളും ഖവാലിയുമെല്ലാം അനായാസം കൈകാര്യം ചെയ്ത് ദശലക്ഷക്കണക്കിന് ഹൃദയങ്ങളില്‍ ഇടം പിടിച്ച ഗായിക, ഇന്നും സംഗീതലോകത്ത് പകരക്കാരില്ലാത്ത സ്വരമായി നിലനില്‍ക്കുന്നു.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍