പൊങ്കല്‍ റിലീസ് ആയി എത്തിയ അജിത് നയന്‍താര ചിത്രം വിശ്വാസത്തിന്റെ മേക്കിങ് വീഡിയോ ഏറ്റെടുത്തു ആരാധകര്‍ 

പൊങ്കല്‍ റിലീസ് ആയി എത്തി ആരാധകരുടെ മനം കവര്‍ന്ന അജിത്-നയന്‍താര ചിത്രം വിശ്വാസത്തിന്റെ മേക്കിങ് വീഡിയോ റിലീസ് ചെയ്തു.എട്ട് മിനിറ്റിലേറെ ദൈര്‍ഘ്യമുള്ള് വീഡിയോയില്‍ ഷൂട്ടിങ് സമയത്ത് വിശേഷങ്ങളാണ് ഉള്‍പ്പെടുത്തിയിട്ടുള്ളത്. തട്ടുപൊളിപ്പന്‍ ഗാനത്തിന്റെ അകമ്പടിയോടെ എത്തിയ വീഡീയോ അണിയറയിലെ കാണാകാഴ്ച്ചകള്‍ ആണ് നിറയുന്നത്.

വീരം, വേതാളം, വിവേകം എന്നിവയ്ക്ക് പിന്നാലെ സിരുത്തൈ ശിവ അജിത്തിനെ നായകനാക്കി സംവിധാനം ചെയ്ത ചിത്രമാണ് വിശ്വാസം. അജിത്തിനൊപ്പം അഞ്ച് വര്‍ഷത്തിന് ശേഷം നയന്‍താര ഒരുമിച്ചെത്തുന്ന ചിത്രം കൂടിയായിരുന്നു ഇത്.

അജിത്തിന്റെ 'വിശ്വാസ'മാണ് പൊങ്കലിന് ഒപ്പം റിലീസ് ചെയ്ത രജനീകാന്ത് ചിത്രം 'പേട്ട'യേക്കാള്‍ കളക്ഷന്‍ തമിഴ്നാട്ടില്‍ നേടിയത്. പേട്ട ഒരു മാസം കൊണ്ട് തമിഴ്നാട്ടില്‍ നിന്നുമാത്രം 109.5 കോടി നേടിയപ്പോള്‍ വിശ്വാസത്തിന്റെ കളക്ഷന്‍ 125.5 കോടിയാണ്.