വ്യത്യസ്തമായ ശബ്ദത്തിലൂടെ മലയാളസിനിമാഗാനലോകത്തിൽ ഇടംകണ്ടെത്തിയ വൈക്കം വിജയലക്ഷ്മിയും പാലാ പുലിയന്നൂർ കൊച്ചൊഴുകയിൽ അനൂപുമായുള്ള വിവാഹ നിശ്ചയം ഇന്നലെ നടന്നു. വൈക്കം ഉദയനാപുരത്തുള്ള വിജയലക്ഷ്മിയുടെ വസതിയായ ഉഷാ നിവാസിൽ നടന്ന ചടങ്ങുകൾക്ക് ഇരുവരുടെയും അടുത്ത ബന്ധുക്കൾ മാത്രമാണ് സാക്ഷ്യം വഹിച്ചത്.
ഒക്ടോബർ 22-ന് വൈക്കം മഹാദേവ ക്ഷേത്ര സന്നിധിയിലാണ് മിന്നുകെട്ട്. ഉഷാ നിവാസിൽ മുരളീധരന്റേയും വിമലയുടെയും ഏക മകളാണ് വിജയലക്ഷ്മി. പാലാ പുലിയന്നൂർ കൊച്ചൊഴുകയിൽ നാരായണൻ നായർ - ലൈലാ കുമാരി ദമ്പതികളുടെ മകനാണ് അനൂപ്.
പാല പുലിയൂർ സ്വദേശിയായ അനൂപ് രണ്ട് വർഷം മുൻപാണ് വിവാഹാലോചനയുമായി വിജയലക്ഷ്മിയുടെ വീട്ടിലെത്തുന്നത്. വിജയലക്ഷ്മിയും വിവാഹത്തിന് സമ്മതിച്ചതോടെ വിവാഹത്തിലേക്കെത്തുകയായിരുന്നു. മിമിക്രി കലാകാരൻ കൂടിയായ അനൂപ് ഇന്റീരിയർ ഡിസൈനിങ് രംഗത്ത് പ്രവർത്തിക്കുന്നു
ഒക്ടോബർ 22-ന് നടക്കുന്ന വിവാഹ ചടങ്ങുകളിൽ സിനിമാ-സംഗീത കലാരംഗത്തെ ഒട്ടേറെ പ്രമുഖർ പങ്കെടുക്കും.സെല്ലുലോയിഡ് എന്ന ചിത്രത്തിലൂടെ മലയാളസിനിമ രംഗത്തെത്തിയ വിജയലക്ഷ്മി ഇതിനകം എല്ലാ ദക്ഷിണേന്ത്യൻ ഭാഷകളിലും പാടി. മികച്ച ഗായികക്കുള്ള സംസ്ഥാന സർക്കാരിന്റെ പുരസ്‌കാരവും കരസ്ഥമാക്കി..
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം