മലയാള സിനിമാ ആസ്വാദകരുടെ പ്രിയപ്പെട്ട നിവിന്‍ പോളി-അജു വര്‍?ഗീസ് കോമ്പോയുടെ പത്താം ചിത്രമായ സര്‍വ്വം മായ'യുടെ സെക്കന്‍ഡ് ലുക്ക് പോസ്റ്റര്‍ പുറത്ത്. 'പാച്ചുവും അത്ഭുത വിളക്കും' എന്ന ചിത്രത്തിന് ശേഷം അഖില്‍ സത്യന്‍ കഥയെഴുതി സംവിധാനം ചെയ്യുന്ന ചിത്രത്തിനായി വലിയ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ഇതുവരെ കാണാത്ത വേഷപ്പകര്‍ച്ചയിലാണ് ചിത്രത്തില്‍ ഇരുവരും എത്തുന്നതെന്നാണ് പോസ്റ്റര്‍ നല്‍കുന്ന സൂചന. ഫാന്റസി കോമഡി ജോണറിലാണ് ചിത്രം ഒരുക്കിയിരിക്കുന്നത്.
സെക്കന്‍ഡ് ലുക്ക് മനസ്സ് നിറഞ്ഞ് ചിരിക്കുന്ന നിവിനേയും അജുവിനേയും പോസ്റ്ററില്‍ കാണാം. ഗ്രാമത്തിന്റെ കഥയാവും ചിത്രം പറയുന്നതെന്നാണ് പോസ്റ്റര്‍ നല്‍കുന്ന സൂചന. അഖില്‍ സത്യനോടൊപ്പം നിവിന്‍ പോളിയും അജു വര്‍ഗ്ഗീസും ആദ്യമായി ഒന്നിക്കുന്നു എന്നൊരു പ്രത്യേകത കൂടി ഈ ചിത്രത്തിനുണ്ട്. ഇരുവരേയും കൂടാതെ ജനാര്‍ദ്ദനന്‍, രഘുനാഥ് പലേരി, മധു വാര്യര്‍, അല്‍ത്താഫ് സലീം, പ്രീതി മുകുന്ദന്‍ തുടങ്ങി വലിയൊരു താരനിര തന്നെ ചിത്രത്തില്‍ ഒരുമിക്കുന്നുണ്ട്. ഫയര്‍ ഫ്‌ലൈ ഫിലിംസിന്റെ ബാനറില്‍ അജയ്യ കുമാര്‍, രാജീവ് മേനോന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ശരണ്‍ വേലായുധന്‍ ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റര്‍ അഖില്‍ സത്യനാണ്. സംഗീതം ജസ്റ്റിന്‍ പ്രഭാകരന്‍. സിങ്ക് സൗണ്ട് അനില്‍ രാധാകൃഷ്ണന്‍, എക്‌സി.പ്രൊഡ്യൂസര്‍ ബിജു തോമസ്, പ്രൊഡക്ഷന്‍ ഡിസൈന്‍ രാജീവന്‍, കലാസംവിധാനം അജി കുറ്റിയാണി, കോസ്റ്റ്യൂം സമീറ സനീഷ്, മേക്കപ്പ് സജീവ് സജി, സ്റ്റില്‍സ് രോഹിത് കെ.എസ്, ലൈന്‍ പ്രൊഡ്യൂസര്‍ വിനോദ് ശേഖര്‍, സഹ സംവിധാനം ആരണ്‍ മാത്യു, അസോസിയേറ്റ് ഡയറക്ടര്‍ വന്ദന സൂര്യ, ഡിസൈന്‍സ്: ഏസ്തറ്റിക് കുഞ്ഞമ്മ, മാര്‍ക്കറ്റിംഗ് സ്‌നേക്ക്പ്ലാന്റ് എല്‍.എല്‍.പി, പി.ആര്‍.ഓ ഹെയിന്‍സ്.
Premium Lifestyle and Entertainment website
വേഫെറര്‍ ഫിലിംസിന്റെ 'സൂപ്പർ ഹീറോ ചിത്രം ‘ലോക – ചാപ്റ്റർ വൺ: ചന്ദ്ര; ടീസര്‍ ജൂലൈ 28 നു റിലീസ് 
കോമഡി ഷോയിലൂടെ തുടക്കം; ചന്ദനമഴയിലെ അമൃതയായി എത്തി മിനി സ്‌ക്രീന്‍ പ്രേക്ഷകരുടെ പ്രിയങ്കരിയായി; തമിഴിലും തെലുങ്കിലും സീരിയലുകളില്‍ സാന്നിധ്യമായി; നിശ്ചയിച്ചുറപ്പിച്ച പ്രണയ വിവാഹം മുടങ്ങിതോടെ അവിവാഹിതയായി ജീവിതം; നടി വിന്ദുജാ വിക്രമന്റെ ജീവിതം