ലോകകപ്പ് ഫുട്ബോള് ചരിത്രത്തിലെ ഏറ്റവും വീറും വാശിയും നിറഞ്ഞൊരു പോരാട്ടത്തിന് സാക്ഷിയായി അറ്റ്ലാന്റ സ്റ്റേഡിയം നില്ക്കുമ്പോള്, ഗാലറിയില് അര്ജന്റീനയെ നെഞ്ചിലേറ്റി മലയാളികളുടെ സ്വന്തം ലാലേട്ടനും. സെമി ഫൈനലില് ഇംഗ്ലണ്ടിനെ തകര്ത്തെറിഞ്ഞ് ലയണല് മെസ്സിയും സംഘവും തുടര്ച്ചയായ രണ്ടാം തവണയും ഫൈനല് ടിക്കറ്റെടുത്തപ്പോള്, ആ ചരിത്ര നിമിഷത്തിന് നേരിട്ട് സാക്ഷിയാകാന് മോഹന്ലാല് ഭാര്യയ്ക്കും സുഹൃത്തുക്കള്ക്കും ഒപ്പം സ്റ്റേഡിയത്തില് ഉണ്ടായിരുന്നു.
ഇരു ടീമുകളുടെയും അവിസ്മരണീയമായ പോരാട്ടവീര്യം കണ്ടുനിന്നതിന്റെ ആവേശം മോഹന്ലാല് പങ്കുവെച്ചു. 'കഴിവ്, ആവേശം, അതിജീവിക്കാനുള്ള കരുത്ത്!': 'അര്ജന്റീനയുടെ ആവേശകരമായ വിജയം കണ്ടുതീര്ത്തതേയുള്ളൂ. എന്തൊരു കളിയായിരുന്നു അത്! കഴിവ്, ആവേശം, അതിജീവിക്കാനുള്ള കരുത്ത്, ധൈര്യം എന്നിങ്ങനെ എല്ലാം ആ മത്സരത്തിലുണ്ടായിരുന്നു. ഇരു ടീമുകളുടെയും പോരാട്ടവീര്യം ഈ പോരാട്ടത്തെ എന്നും ഓര്ത്തുവെക്കുന്ന ഒന്നാക്കി മാറ്റി,' എന്ന് മോഹന്ലാല് പ്രതികരിച്ചു.
ഒരു ഗോളിന് പിന്നില് നിന്ന ശേഷമാണ് 84-ാം മിനിറ്റില് എല് പുല്ഗയുടെയും സംഘത്തിന്റെയും ആ ഐതിഹാസിക തിരിച്ചുവരവ് ഫുട്ബോള് ലോകം കണ്ടത്. 55-ാം മിനിറ്റില് മോര്ഗന് റോജേഴ്സിന്റെ ക്രോസ് വലയിലെത്തിച്ച് ഇംഗ്ലണ്ടിനാണ് ആദ്യം മുന്നിലെത്തിയത്. എന്നാല് തോറ്റുകൊടുക്കാന് തയ്യാറല്ലാത്ത മെസ്സി ആറ് മിനിറ്റിനിടെ രണ്ട് അസിസ്റ്റുകളുമായി കളിയുടെ ഗതി മാറ്റി. 85-ാം മിനിറ്റില് എന്സോ ഫെര്ണാണ്ടസിന്റെ ലോങ് റേഞ്ചറും, പിന്നാലെ ഇഞ്ചുറി ടൈമില് ലൗട്ടാരോ മാര്ട്ടിനസിന്റെ വിജയഗോളും ഇംഗ്ലണ്ടിന്റെ നെഞ്ചകം തകര്ത്തു. ജൂലൈ 20-ന് നടക്കുന്ന ഹൈവോള്ട്ടേജ് ഫൈനലില് യൂറോ ചാമ്പ്യന്മാരായ സ്പെയിനാണ് അര്ജന്റീനയുടെ എതിരാളികള്.
ന്യൂജേഴ്സിയില് നടക്കുന്ന ഈ വമ്പന് പോരാട്ടം കാണാനും ലാലേട്ടന് ഭാര്യയ്ക്കൊപ്പം ഗാലറിയിലുണ്ടാകും. അര്ജന്റീനയുടെ മത്സരങ്ങള് കാണാന് ലാലേട്ടന് സ്റ്റേഡിയത്തില് എത്തിയത് സിനിമാ-കായിക പ്രേമികള് ഒരുപോലെ ആഘോഷമാക്കിയിരുന്നു. നടനും സംവിധായകനുമായ ആര്യന് ഗിരിജ വല്ലഭന് പങ്കുവെച്ച വീഡിയോ സോഷ്യല് മീഡിയയില് ഇതിനോടകം വൈറലായിരുന്നു. സിനിമയിലെ തിരക്കുകള്ക്കിടയിലും ലോകകപ്പ് നേരിട്ട് കാണാന് യുഎസിലെത്തിയ ലാലേട്ടനൊപ്പമുള്ള ചിത്രങ്ങളും വീഡിയോകളും അമേരിക്കന് മലയാളികളും ആഘോഷമാക്കുകയാണിപ്പോള്!
സ്പെയിന് - ഫ്രാന്സ് പോരാട്ടം കാണാനും മോഹന്ലാല് എത്തിയിരുന്നു. പ്രവാസിയായ സില്വര്സറ്റര് സിറിയക്ക് എന്നയാള് ലാലേട്ടന്റെ ചിത്രങ്ങള് പങ്കുവെച്ചിട്ടുണ്ട്. കൊമ്പന്മീശ വെച്ചുള്ള ഗെറ്റപ്പിലാണ് ലാലേട്ടന് ലോകകപ്പ് മത്സരം കാണാന് എത്തിയിരിക്കുന്നത്. സിനിമയിലെ തിരക്കുകള്ക്കിടയിലും താന് ഒരു കടുത്ത കായിക പ്രേമി കൂടിയാണെന്ന് നിരവധി തവണ മോഹന്ലാല് തെളിയിച്ചിട്ടുണ്ട്.
Premium Lifestyle and Entertainment website
വിഷുക്കൈനീട്ടമെന്ന് പറഞ്ഞ് ആരാധകരെ കുടുക്കി; ഇന്ത്യയില് വിലാസം പോലുമില്ലാത്ത വ്യാജ ആപ്പ് പ്രമോട്ട് ചെയ്ത നടി ശ്രീവിദ്യ മുല്ലച്ചേരിക്ക് എതിരെ അറസ്റ്റ് വാറന്റ്! ഒന്നര ലക്ഷം രൂപ പരാതിക്കാരന് നല്കാന് കോടതി വിധിച്ചിട്ടും ഗൗനിച്ചില്ല; നാല് തവണ അറസ്റ്റ് വാറന്റ് വന്നിട്ടും പണം നല്കാതെ താരം