ബാലതാരമായി വന്ന് ബിഗ് സ്ക്രീനില് തിളങ്ങിയ കുട്ടിത്താരങ്ങള് വളര്ന്നു വലുതാകുമ്പോള് അവരെ വീണ്ടും കാണാന് സിനിമാ പ്രേമികള്ക്ക് എപ്പോഴും പ്രത്യേക താല്പര്യമാണ്. സോഷ്യല് മീഡിയയില് ഇപ്പോള് സിനിമയിലെ ഈ കുട്ടിത്താരങ്ങളെ കേന്ദ്രീകരിച്ച് വന് തോതില് വൈറലാകുന്നത് അത്തരമൊരു ട്രെന്ഡാണ്. 'ജസ്റ്റ് ഒന്ന് വളര്ന്നു' എന്ന പേരിലാണ് ഈ പുതിയ ട്രാന്സ്ഫോര്മേഷന് റീല്സ് തരംഗം ഇന്സ്റ്റാഗ്രാമിലും ഫേസ്ബുക്കിലും ഉള്പ്പെടെ അതിവേഗം പടരുന്നത്. ബാലതാരങ്ങളായി മലയാളികളുടെ മനസ്സില് ഇടംപിടിച്ചവര് ഇന്ന് മുതിര്ന്നതിന് ശേഷമുള്ള തങ്ങളുടെ അമ്പരപ്പിക്കുന്ന രൂപമാറ്റം ആരാധകരുമായി പങ്കുവെക്കുന്നതാണ് ഈ ട്രെന്ഡിന്റെ പ്രധാന ആകര്ഷണം.
മതപരമായ ഉള്ക്കാഴ്ച അഭിമുഖങ്ങളുടെ ശേഖരം കേരള സംസ്ഥാന അവാര്ഡും പിന്നീട് 'കുഞ്ഞു ദൈവം' എന്ന ചിത്രത്തിലൂടെ മികച്ച ബാലതാരത്തിനുള്ള ദേശീയ അവാര്ഡും നേടി മലയാള സിനിമയില് തിളങ്ങിയ ആദിഷ് പ്രവീണ് ആണ് ഈ വേറിട്ട ട്രെന്ഡിന് തുടക്കം കുറിച്ചത്. ഒട്ടനവധി സിനിമകളില് ശ്രദ്ധേയ വേഷങ്ങള് ചെയ്ത ആദിഷ്, തന്റെ കുട്ടിക്കാലത്തെ പഴയൊരു അഭിമുഖ വീഡിയോയും ഇപ്പോഴത്തെ പുതിയ ചിത്രങ്ങളും കോര്ത്തിണക്കിയാണ് ഇന്സ്റ്റാഗ്രാമില് റീല് പങ്കുവെച്ചത്. 'ചേയ്ഞ്ച് വേണമത്രേ ചെയ്ഞ്ച്' എന്ന രസകരമായ കുറിപ്പോടെ പോസ്റ്റ് ചെയ്ത ഈ വീഡിയോ നിമിഷങ്ങള്ക്കകം വൈറലായി. ആദിഷിന്റെ ഈ രൂപമാറ്റം കണ്ട് അത്ഭുതപ്പെട്ട ആരാധകര് സ്നേഹവും കൗതുകവും നിറഞ്ഞ കമന്റുകളുമായി പോസ്റ്റ് ഏറ്റെടുത്തു.
ആദിഷിന്റെ റീല് വലിയ ഹിറ്റായതിന് തൊട്ടുപിന്നാലെ ഈ ട്രെന്ഡിലേക്ക് എത്തിയത് സൂപ്പര്ഹിറ്റ് ചിത്രം 'പുലിമുരുകനില്' മോഹന്ലാലിന്റെ മകളായി അഭിനയിച്ച ചക്കിയാണ്. ദുര്ഗ്ഗ പ്രേമിത്ത് എന്നാണ് ചക്കിയായി തിളങ്ങിയ ഈ മിടുക്കിയുടെ യഥാര്ത്ഥ പേര്. 'ജസ്റ്റ് ഒന്ന് വളര്ന്നു' എന്ന കൃത്യമായ അടിക്കുറിപ്പോടെ തന്നെയാണ് ദുര്ഗ്ഗയും തന്റെ കുട്ടിക്കാലത്തെയും ഇപ്പോഴത്തെയും ചിത്രങ്ങള് ചേര്ത്തുവെച്ചുള്ള ട്രാന്സ്ഫോര്മേഷന് വീഡിയോ ഇന്സ്റ്റാഗ്രാമില് പോസ്റ്റ് ചെയ്തത്. പുലിമുരുകനിലെ കൊച്ചു മിടുക്കി ഇത്രയും പെട്ടെന്ന് വളര്ന്നു വലുതായോ എന്ന അത്ഭുതത്തോടെയാണ് സോഷ്യല് മീഡിയയിലെ വലിയൊരു വിഭാഗം ആളുകളും ഈ വീഡിയോ കണ്ടത്. ആദിഷ് പ്രവീണും ദുര്ഗ്ഗയുടെ വീഡിയോയ്ക്ക് താഴെ സൗഹൃദത്തോടെ കമന്റുമായി എത്തിയിട്ടുണ്ട്.
ഈ രണ്ടു യുവതാരങ്ങളുടെയും വീഡിയോകള് വൈറലായതോടെ സൈബര് ഇടങ്ങളില് വലിയ ചര്ച്ചകള്ക്കാണ് വഴിതുറന്നിരിക്കുന്നത്. പ്രത്യേകിച്ചും പുലിമുരുകന് സിനിമയില് കുഞ്ഞായി കണ്ട ദുര്ഗ്ഗയുടെ വലിയ മാറ്റം കണ്ട് പ്രേക്ഷകര്ക്ക് തങ്ങളുടെ പ്രായത്തെക്കുറിച്ചാണ് ആധി. 'പുലിമുരുകന് ഇറങ്ങിയിട്ട് ഇത്രയൊക്കെ വര്ഷമായോ... കാലം പോയ പോക്കേ!', 'ഇതിപ്പോ നമ്മള്ക്ക് ചെറുപ്പമാവുകയാണോ അതോ പ്രായം കൂടുകയാണോ?', 'സിനിമയില് കുഞ്ഞായി കണ്ട പിള്ളേരൊക്കെ വല്ലാണ്ട് വളര്ന്നു വലുതായല്ലോ', 'ഇതില് നിന്ന് എന്ത് മനസ്സിലായി... അവര് വലുതായത് മാത്രമല്ല, നമുക്കും വല്ലാണ്ട് അങ്ങ് പ്രായമായി എന്നാണ് അര്ത്ഥം', എന്നിങ്ങനെ പോകുന്നു ആരാധകരുടെ രസകരമായ കമന്റുകള്.
പുലിമുരുകന് തിയേറ്ററുകളില് റിലീസ് ചെയ്തിട്ട് വര്ഷങ്ങള് പിന്നിട്ടു എന്ന യാഥാര്ത്ഥ്യം വിശ്വസിക്കാന് കഴിയുന്നില്ലെന്നാണ് ഭൂരിഭാഗം പേരുടെയും പ്രതികരണം. മലയാളി പ്രേക്ഷകര് നെഞ്ചിലേറ്റിയ മറ്റ് ബാലതാരങ്ങളുടെ ട്രാന്സ്ഫോര്മേഷന് വീഡിയോകള് കൂടി ഈ ട്രെന്ഡിന്റെ ഭാഗമായി കാണാന് കാത്തിരിക്കുകയാണ് ഇപ്പോള് സിനിമാ പ്രേമികള്.
Premium Lifestyle and Entertainment website
വിഷുക്കൈനീട്ടമെന്ന് പറഞ്ഞ് ആരാധകരെ കുടുക്കി; ഇന്ത്യയില് വിലാസം പോലുമില്ലാത്ത വ്യാജ ആപ്പ് പ്രമോട്ട് ചെയ്ത നടി ശ്രീവിദ്യ മുല്ലച്ചേരിക്ക് എതിരെ അറസ്റ്റ് വാറന്റ്! ഒന്നര ലക്ഷം രൂപ പരാതിക്കാരന് നല്കാന് കോടതി വിധിച്ചിട്ടും ഗൗനിച്ചില്ല; നാല് തവണ അറസ്റ്റ് വാറന്റ് വന്നിട്ടും പണം നല്കാതെ താരം