മദ്യം നിരോധിക്കും, ഉദ്യോഗസ്ഥരുടെ ശമ്പളം വെട്ടിക്കുറയ്ക്കും, ജയിലില്‍ നോണ്‍ വെജ് ഔട്ട്; മലപ്പുറം ജില്ല വിഭജിക്കും; മുഖ്യമന്ത്രിയായാല്‍ നടപ്പിലാക്കാന്‍ ആഗ്രഹിക്കുന്ന 33 ഇന കര്‍മ്മപദ്ധതി; വൈറലായി സന്തോഷ് പണ്ഡിറ്റിന്റെ കുറിപ്പ് 

കേരളത്തിന്റെ മുഖ്യമന്ത്രിയായാല്‍ താന്‍ നടപ്പിലാക്കാന്‍ ആഗ്രഹിക്കുന്ന വിപ്ലവകരമായ മാറ്റങ്ങള്‍ അക്കമിട്ടു നിരത്തി താരം സന്തോഷ് പണ്ഡിറ്റ്. മദ്യനിരോധനം, ജയില്‍ പരിഷ്‌കരണം, സദാചാര പോലീസ് വിരുദ്ധത തുടങ്ങി 33 ഇനങ്ങളടങ്ങിയ 'പണ്ഡിറ്റ് ഭരണരേഖ' ഇപ്പോള്‍ ചര്‍ച്ചയാവുകയാണ്. സോഷ്യല്‍ മീഡിയയിലൂടെയായിരുന്നു സന്തോഷിന്റെ പ്രതികരണം. ഫെയ്‌സ്ബുക്ക് കുറിപ്പിന്റെ പൂര്‍ണ രൂപം: 

സന്തോഷ് പണ്ഡിറ്റ് കേരള മുഖ്യമന്ത്രി ആയാല്‍.. 1) ഉടനെ മദ്യം നിരോധിക്കും.. ലോട്ടറി തുടരും..സ്‌കൂളിലും, കോളേജിലും രാഷ്ട്രീയം അവസാനിപ്പിക്കും.
 2) 1,50,000 ത്തില്‍ കൂടുതല്‍ ശമ്പളം വാങ്ങുന്ന സര്‍ക്കാര്‍ ഉദ്യോഗസ്ഥന്‍ മാരുടെ ശമ്പളം ഒന്നര ലക്ഷമായി നിജപെടുത്തും 
3)ജയിലില്‍ ചിക്കന്‍, മട്ടണ്‍, beef, മീന്‍ അടക്കം നോണ്‍ വെജി അവസാനിപ്പിക്കും.. വെജി ഭക്ഷണം മാത്രം കൊടുക്കും. ഇപ്പോള്‍ ജയിലില്‍ ജോലി ചെയ്യുന്നവര്‍ക്ക് കൊടുക്കുന്ന 640 രൂപ, 500 രൂപ കൂലിയൊക്കെ അവസാനിപ്പിക്കും. ആരെങ്കിലും കുറ്റം ചെയ്ത് ജയിലില്‍ കിടന്നാല്‍ അവരുടെ ഭക്ഷണ ചിലവ് അവരുടെ വീട്ടുകാര്‍ സര്‍ക്കാരിന് ഓരോ മാസവും തരണം എന്നു നിയമം കൊണ്ട് വരും. അല്ലെങ്കില്‍ കുറ്റവാളികളുടെ ബാങ്കില്‍ നിന്നും എടുക്കും. 

4) പുതിയ സംരംഭകര്‍ക്കു അധികം നിയമ നൂലാമാല ഇല്ലാതെ പുതിയ ബിസിനസ് സ്ഥാപനം തുടങ്ങുവാന്‍ സഹായിക്കും. ഇത് സംബന്ധിച്ച് ഒരു നൂറു ഓഫീസുകളില്‍ നിന്നും NOC വാങ്ങുന്ന പരിപാടി അവസാനിപ്പിക്കും. ഇതോടെ കേരളം ബിസിനസ് ഫ്രണ്ട്ലി ആകും. അങ്ങനെ കേരളത്തിന് ഒരു ഇമേജ് വന്നാല്‍ പരമാവധി വിദേശ രാജ്യങ്ങളില്‍ പോയി സര്‍ക്കാര്‍ ഫണ്ട് നശിപ്പിക്കാതെ തന്നെ വിദേശ നിക്ഷേപം കേരളത്തില്‍ എത്തിക്കുവാന്‍ സാധിക്കും.. 
 5) മലപ്പുറം ജില്ല വിഭജിക്കും.. തിരൂര്‍, മഞ്ചേരി എന്നീ പേരുകളില്‍ പുതിയ ജില്ലകളാവും.. പുതിയൊരു ജില്ലാ പഞ്ചായത്ത് വരുന്നതോടെ 300 കോടിയുടെ അധിക വികസനം അവിടെ നടക്കും.
 6) തെരുവ് നായ ശല്യം ശാശ്വതമായി പരിഹരിക്കുവാന്‍ അവയെ വന്ദ്യം കരണം ചെയ്ത് പ്രതേക ഷെല്‍ട്ടറില്‍ മാറ്റുന്ന പ്രവര്‍ത്തനങ്ങള്‍ ചെയ്യും. അതോടെ കേരളത്തില്‍ തെരുവ് നായ ശല്യം ഇല്ലാതാകും. പഞ്ചായത്ത്, മുനിസിപ്പാലിറ്റി, കോര്പറേഷന്‍ പ്രതേക ഫണ്ട് ഇതിനായി കൊടുക്കും. 7)ഭിക്ഷാടനം നിരോധിക്കും. ഭിക്ഷക്കാര്‍ക്ക് ഭക്ഷണം മാത്രമേ നല്‍കാവു എന്നും നിയമം കൊണ്ട് വരും.. ചാരിറ്റി സഹായത്തിനായി ലൈവ് ഇട്ടു അക്കൗണ്ട് നമ്പര്‍ കൊടുക്കുന്നവര്‍ അതിന്റെ വിശ്വാസ്യത നിലനിര്‍ത്തുവാന്‍ ആ വീഡിയോയില്‍ SP റാങ്കില്‍ ഉള്ള പോലീസുകാരില്‍ നിന്നോ, സര്‍ക്കാര്‍ മെഡിക്കല്‍ ഓഫീസര്‍ വഴിയോ മാത്രം വീഡിയോ ചെയ്യേണ്ടി വരും. ഇതിനു വ്യക്തികളുടെ അക്കൗണ്ട് നമ്പര്‍ അനുവദിക്കില്ല. SBI യുമായി ചേര്‍ന്ന് പ്രതേക ചാരിറ്റി special അക്കൗണ്ട് തുടങ്ങും. ഇതോടെ കിട്ടുന്നതിന്റെ 50:50 അടിച്ചു മാറ്റുന്ന 'നന്മ മരങ്ങള്‍ ' ജോലി അവസാനിപ്പിക്കും എന്നു കരുതാം. 

 KSRTC അടക്കം എല്ലാ വാഹനങ്ങളിലും CCTV നിര്‍ബന്ധം ആക്കും... 1500 square ഫീറ്റിന് മുകളില്‍ ഉള്ള എല്ലാ വീട്, commercial കെട്ടിടങ്ങള്‍ക്ക് നാല് ഭാഗവും CCTV നിര്‍ബന്ധം ആക്കും. 
9) ഇതുവരെ വിമാനം, കപ്പല്‍, ട്രെയിന്‍ യാത്രകള്‍ നടത്താത്ത ആളുകള്‍ക്ക് അതിനുള്ള സൗകര്യം ഒരുക്കും. കേരളത്തിലെ എല്ലാവരെയും ഹാപ്പി ആക്കുന്നത് ലക്ഷ്യം 
10) പിന്നീട് നമ്മള്‍ ശ്രദ്ധിക്കേണ്ടത് നമ്മുടെ ടൂറിസത്തിലാണ് ടൂറിസത്തില്‍ ലോകത്ത് തന്നെ വലിയ സാധ്യതയുള്ള ഒരു സംസ്ഥാനമാണ് കേരളം... Tourist hub ആക്കും.. പോസിറ്റീവ് എനര്‍ജി കിട്ടുന്ന നല്ല കാര്യങ്ങള്‍ കൂടി ടൂറിസ്റ്റ് സ്ഥലങ്ങളില്‍ ഉണ്ടാകും. ലോഡ്ജിങ് കൂടുതല്‍ എളുപ്പം ആക്കും. 

11) കഞ്ചാവ് മാഫിയ (MDMA), അവയവ മാഫിയ ഒക്കെ പൂട്ടുവാന്‍ പോലീസിന് ഫുള്‍ ഫ്രീഡം കൊടുക്കും.. 
12) ആഴ്ചയിലെ ഒരു ദിവസം ഉച്ചക്ക് ശേഷം ജനങ്ങളുമായി ഓണ്‍ലൈന്‍ ആയി സംവദിക്കും. പരാതി നല്‍കുവാന്‍ ഒരു ആപ്പ് ഉണ്ടാക്കും ട്ടോ. അതില്‍ മേല്‍ നടത്തിയ നടപടികളും അറിയിക്കും. 
13) school may 2 ന് തുറക്കും. എന്നിട്ട് മഴക്കാലം തുടങ്ങിയാല്‍ ജൂണ്‍, july, ഓഗസ്റ്റ് മാസങ്ങളില്‍ രണ്ട് തവണയായി 15 ദിവസം വീതം അവധി കൊടുക്കും. 14) സര്‍ക്കാര്‍ ഓഫീസുകള്‍ ശനിയാഴ്ച്ച അവധി ആക്കും. പകരം 10 മുതല്‍ 5 ന് പകരം 9:15 am to 5:30 pm ആക്കും.. അവര്‍ക്കു എല്ലാ വര്‍ഷവും മറ്റു സംസ്ഥാനങ്ങളില്‍ എവിടെയെങ്കിലും ടൂര്‍ പോകുന്നത് നിര്‍ബന്ധം ആക്കും. ഇതിനായി 5 ലീവും, യാത്ര കൂലിയും സര്‍ക്കാര്‍ വഹിക്കും. 
15) പുതിയ road നിര്‍മാണം പെട്ടെന്ന് ഏറ്റെടുക്കില്ല.. ആദ്യം നിലവില്‍ പോറ്റി പൊളിഞ്ഞു കിടക്കുന്ന പ്രധാന റോഡുകളും, കട്ട് റോഡുകളും, പഞ്ചായത്ത് റോഡുകളും റിപ്പയര്‍ ചെയ്യിക്കും. അതിനു ശേഷം മാത്രം ഇനി പുതിയ road. 16) എല്ലാ മലയാളികളും രാവിലെ എഴുന്നേറ്റ് അല്‍പ സമയം വ്യായാമം ചെയ്യുന്നത് നിര്‍ബന്ധം ആക്കും. ഇതിനായി കുടുംബശ്രീ യെ പദ്ധതി തയ്യാറാക്കുവാന്‍ ഏല്പിക്കും. ഇതിലൂടെ ജീവിത ശൈലീ രോഗങ്ങള്‍ കുറയും. 17) എല്ലാ പഞ്ചായത്ത്, കോര്പറേഷന്‍, മുനിസിപ്പാലിറ്റി യിലും സര്‍ക്കാര്‍ sponsored ഹോട്ടലുകള്‍ തുടങ്ങും. അവിടെ 25 രൂപയ്ക്കു ഉച്ചക്ക് ഭക്ഷണം, 15 രൂപയ്ക്കു breakfast, 15 രൂപയ്ക്കു രാത്രിയില്‍ ചപ്പാത്തിയും വെജി കറിയും കൊടുക്കും. 
 18) 18 വയസ്സ് പൂര്‍ത്തിയായ, അവിവാഹിതര്‍ ആയ എല്ലാ പെണ്‍കുട്ടികള്‍ക്കും 3,000 രൂപ വെച്ചു മാസം കൊടുക്കും. പിന്നീട് ഭര്‍ത്താവ് മരണപ്പെട്ടവരെയും, സീരിയസ് അസുഖം കാരണം തീര്‍ത്തും കിടപ്പിലായവരെയും പരിഗണിക്കും. 19) KSRTC യില്‍ ലാഭം ആകുന്നത് വരെ പുതിയ നിയമനം നടത്തില്ല. നിലവില്‍ ഓടുന്ന മുഴുവന്‍ റൂട്ടുകളും പുനപരിശോധിച്ചു കുറേ ബസ്ടുകള്‍ മറ്റു റൂട്ടുകളില്‍ ഓടിക്കും. KSRTC ടൂര്‍ പാക്കേജ് കൂടുതല്‍ ബഡ്ജറ്റ് ഫ്രണ്ട്ലി ആക്കും.. ശബരിമല സീസണില്‍ തീര്‍ത്താടകരില്‍ നിന്നും വാങ്ങുന്ന അധിക പൈസ ഒഴിവാക്കി സാധാരണ fare മാത്രം വാങ്ങും. ജോലി എടുക്കാതെ ശമ്പളം വാങ്ങുവാന്‍ ആരെയും അനുവദിക്കില്ല. 

20) അത്യാവശ്യം വിദ്യാഭ്യാസം ഉള്ളവരെ മാത്രം വിദ്യാഭ്യാസ മന്ത്രി ആക്കി സര്‍ക്കാര്‍ school, കോളേജ് കൂടുതല്‍ പ്രൊഫഷണല്‍ കോഴ്‌സുകള്‍ കൊണ്ട് വന്നു കിടുവാക്കും. സംസ്ഥാനം വിട്ടു പോയ, രാജ്യം വിട്ടു പോകുവാന്‍ താല്പര്യം കാണിക്കുന്ന കുട്ടികളുമായി സംവദിച്ചു അവരുടെ പ്രശ്‌നം അനുഭാവപൂര്‍വം പരിഗണിക്കും. 

21) സദാചാര പോലീസ് കളിക്കുവാന്‍ ആരെയും സമ്മതിക്കില്ല. പ്രായപൂര്‍ത്തി ആയ ഒരു പുരുഷനും, പ്രായ പൂര്‍ത്തിയായ ഒരു പെണ്‍കുട്ടിയും പഞ്ചാര അടിക്കുന്നത് നിയമ പ്രകാരം ഒരു തെറ്റല്ല എന്നു സദാചാര 'ആങ്ങള ' മാരെ പറഞ്ഞു മനസ്സില്‍ ആക്കിപ്പിക്കും. ഇതിനായി കുറച്ചു പബ്ലിക് വീഡിയോസ് ഇടും. ലോഡ്ജിലും മുറി എടുക്കുമ്പോള്‍ കൂടുതല്‍ ഇന്റര്‍വ്യൂ നടത്തേണ്ട എന്നു നിര്‍ദേശം കൊടുക്കും. 

22) ഹെല്‍മെറ്റ് വേട്ട അധികം സ്ട്രിക്റ്റ് ആയി ചെയ്യേണ്ട എന്നു പോലീസിന് നിര്‍ദേശം കൊടുക്കും. സ്വന്തം ജീവനില്‍ താല്പര്യം ഉള്ളവര്‍ വേണമെങ്കില്‍ ഹെല്‍മെറ്റ് വെക്കട്ടെ. ഇനി അപകടം പറ്റിയാല്‍ തലയ്ക്കു പരിക്ക് പറ്റിയാല്‍ ഇന്‍ഷുറന്‍സ് കൊടുക്കേണ്ട എന്നു തീരുമാനിക്കും.. അത്രതന്നെ.. 

23)ഗ്രാമസഭ എല്ലാ വാര്‍ഡിലും strong ആക്കും. അവര്‍ക്കു ഫണ്ടും കൊടുക്കും. എല്ലാ വാര്‍ഡിലും 45 + പ്രായവും നിയമത്തില്‍ വിവരവുമുള്ള ഒരു സ്ത്രീ ആയ വാര്‍ടനും, ഒരു പുരുഷനായ retired പോലീസ് or മിലിറ്ററി or LLB കഴിഞ്ഞ warden ശമ്പളം കൊടുത്തു വെക്കുന്നു. ഇതിലൂടെ ഓരോ വാര്‍ഡിലും വീട്ടിലെ ആര്‍ക്കെങ്കിലും അസുഖം ബാധിച്ചു ആശുപത്രിയില്‍ ആയാല്‍ ആ വീട്ടിലെ കുട്ടികള്‍ക്ക് ഭക്ഷണം free ആയി എത്തിച്ചു കൊടുക്കും. 

വിവാഹം, മരണം, മറ്റു വിശേഷങ്ങള്‍ വരുമ്പോള്‍ ഇവര്‍ സഹായിക്കും. എല്ലാ വീട്ടിലെയും താമസിക്കുന്നവരുടെ ഫുള്‍ details ഇവര്‍ സൂക്ഷിക്കണം. ബംഗാളികള്‍ വാടകക്ക് വാര്‍ഡില്‍ എവിടെ എങ്കിലും താമസിച്ചാല്‍ അവരുടെ ആധാര്‍ കാര്‍ഡ്, election ID അടക്കം ഇവര്‍ സൂക്ഷിക്കണം. 

24) കേരളത്തില്‍ വന്നു സ്ഥിരം ജോലി ചെയ്യുന്ന സര്‍ക്കാര്‍ ഉദ്യോഗസ്ഥര്‍ അല്ലാത്ത എല്ലാ അന്യ സംസ്ഥാന തൊഴിലാളികളും നിര്‍ബന്ധമായും ഒരു പുതിയ ആപ്പില്‍ രജിസ്റ്റര്‍ ചെയ്യേണ്ടത് നിര്‍ബന്ധം ആക്കും. നിര്‍മാണ മേഖലയിലെ ഓണര്‍ ഇവരെല്ലാം രജിസ്റ്റര്‍ ചെയ്തവര്‍ അല്ലേ എന്നു പരിശോധിച്ചിട്ടേ ജോലി കൊടുക്കാവൂ. അല്ലെങ്കില്‍ ഹെവി ഫൈന്‍ ഈടാക്കും. 

25) ജനങ്ങളുടെ സന്തോഷം വര്‍ധിക്കുന്നുണ്ടോ എന്നതാകും ഭരണ നേട്ടമായി നോക്കുന്നത്. അതിനായി ഓരോ വോട്ടര്മാറ്ക്കും ഓരോ ID നല്‍കി എല്ലാ വര്‍ഷവും ഓണ്‍ലൈന്‍ ആയി അത് അളക്കും. 

26) സര്‍ക്കാര്‍ വക കാര്യങ്ങള്‍ അറിയിക്കുവാന്‍ ഒരു പുതിയ youtube chaannal, ഫേസ്ബുക്, instagram രാഷ്ട്രീയം കലര്‍ത്താതെ തുടങ്ങും. 27)മദ്യവും, ലോട്ടറിയും, ഹെല്‍മെറ്റ് etc പെറ്റി, ഭൂനികുതികള്‍, മറ്റ് അല്ലറ ചില്ലറ സേവന നിരക്കുകള്‍, ഫീസുകള്‍, ജി എസ് ടി .... കൂടെ കേന്ദ്രത്തില്‍ നിന്നുള്ള കടം വാങ്ങി ജീവിക്കുക എന്ന കേരള രീതി അവസാനിപ്പിക്കും.. പുതിയ നികുതി സാധ്യത പരിശോധിക്കണം.. 

28) കുറഞ്ഞ ചെലവില്‍ മികച്ച ആരോഗ്യം എന്ന ആശയമാണ് നടപ്പില്‍ ആക്കുക.. 

ഒരു വ്യവസായം അടച്ചു പൂട്ടാന്‍ നാലുപേരുള്ള ഒരു ഈര്‍ക്കിലി പാര്‍ട്ടി വിചാരിച്ചാലും നടക്കും. ഒരു സംരംഭവും, ഫാക്ടറിയും, ആശുപത്രിയും അടച്ചു പൂട്ടുന്ന പ്രവണത ഇനി ഉണ്ടാക്കില്ല.. സമരക്കാരുമായി സര്‍ക്കാര്‍ ചര്‍ച്ച നടത്തും.

 29) പകര്‍ച്ച വ്യാധികള്‍ക്ക് എതിരെ ശക്തമായ നടപടി എടുക്കും.. പുഴ മലിനമാക്കാതെ നോക്കും.. 
30) പുതിയ എല്ലാ കടകള്‍ക്കും തറ നിരപ്പില്‍ നിന്നും ഒരു നില താഴേക്കു വാഹന പാര്‍ക്കിങ്ങിനു നിര്‍ബന്ധം ആക്കും. 

31) രാത്രിയില്‍ ഒറ്റയ്ക്ക് സഞ്ചരിക്കുന്ന സ്ത്രീകള്‍ക്ക് വനിതാ പോലീസിന്റെ സഹായത്തോടെ bus സ്റ്റാന്‍ഡ്, railway, എയര്‍പോര്‍ട്ട് എത്തുവാനും തിരിച്ചു വീട്ടില്‍ എത്തുവാനും സഹായിക്കുന്നു..ഇതിനായി ഒരു വനിതാ ആപ്പ് കൊണ്ട് വരും. 
32) മെഡിക്കല്‍ സയന്‍സില്‍ മിനിമം വിവരമുള്ളവരെ മാത്രം ആരോഗ്യ മന്ത്രി ആക്കും. മുഖ്യമന്ത്രി അടക്കം അസുഖം വന്നാല്‍, ജീവഭയം ഇല്ലാതെ കേരളത്തില്‍ തന്നെ ചികിത്സ നേടാവുന്നതേ ഉള്ളു എന്നാ രീതിയില്‍ തകര്‍ന്നു കിടക്കുന്ന ആരോഗ്യ മേഖല മെച്ചപ്പെടുത്തും..
 33) സ്‌കൂള്‍, കോളേജ് special class ഒക്കെ ഓണ്‍ലൈന്‍ മാത്രമാക്കും.. ഫെസ്റ്റിവല്‍, കോളേജ് day , ടൂര്‍ ഒക്കെ ഹോളിഡേയ്സ് മാത്രമാക്കും. ഇവയില്‍ ഏതെല്ലാം പോയ്ന്റ്‌സ് നിങ്ങള്‍ യോജിക്കുന്നു. Pl comment (വാല്‍ കഷ്ണം.... ഞാന്‍ മുഖ്യമന്ത്രി പോയിട്ട് ഒരു വാര്‍ഡ് മെമ്പര്‍ പോലും ആകുവാന്‍ സാധ്യത ഇല്ലെന്നു അറിയാം. എങ്കിലും ഒരു സ്വപ്നം എഴുതിയതാ.. ഒരു രസത്തിനു ) By സന്തോഷ് പണ്ഡിറ്റ് (പണ്ഡിറ്റിനെ പോലെ ആരുമില്ല )