പൃഥ്വിരാജിന്റെ വീഡിയോ എടുക്കാനെത്തിയവര്‍ക്ക് നേരെയുണ്ടായ സെക്യൂരിറ്റി ഗാര്‍ഡുകളുടെ പെരുമാറ്റത്തില്‍ വിമര്‍ശനവുമായി സോഷ്യല്‍ മീഡിയ. വീഡിയോ എടുക്കാനെത്തിയവര്‍ക്ക് നേരെയാണ് ജീവനക്കാര്‍ ടോര്‍ച്ചടിച്ചത്.
ഇതോടെ ദൃശ്യങ്ങള്‍ പകര്‍ത്താനാവാതെ ഇവര്‍ നിരാശരായി. പൃഥ്വിരാജിന്റെ ജീവനക്കാര്‍ ചെയ്തത് ശരിയാണോ എന്നാണ് സോഷ്യല്‍ മീഡിയയുടെ ചര്‍ച്ചയാക്കുന്നത്.വിഷയത്തില്‍ താരത്തെ അനുകൂലിച്ചും പ്രതികൂലിച്ചും അഭിപ്രായങ്ങളുണ്ട്. ഹോളിവുഡില്‍ പോലും ഇല്ലാത്തത്ര സെക്യൂരിറ്റി സെറ്റപ്പ് എന്തിനാണെന്ന തരത്തിലും പ്രേക്ഷകര്‍ ചോദ്യം ഉന്നയിക്കുന്നുണ്ട്. പബ്ലിക് പ്രോഗ്രാമുകളില്‍ വരുമ്പോള്‍ ഇത്തരം പ്രവണത വച്ചുപൊറുപ്പിക്കാനാവില്ലെന്നും അഭിപ്രായമുയരുന്നുണ്ട്.
സിനിമ കണ്ട് ആസ്വദിച്ചാല്‍ പോരേ, എന്തിനാണ് ഇവരുടെയൊക്കെ പിറകെ പോകുന്നത് എന്ന അഭിപ്രായങ്ങളും എത്തുന്നുണ്ട്. എന്നാല്‍ ക്രിസ്റ്റ്യാനോ റോണാള്‍ഡോ അടക്കമുള്ള പ്രമുഖ താരങ്ങളുടെ സുരക്ഷാ ഉദ്യോഗസ്ഥരും ഇങ്ങനെ ചെയ്യാറുണ്ട്.
അതേസമയം, എമ്പുരാന്‍ എന്ന സിനിമയുടെ തിരക്കിലാണ് പൃഥ്വിരാജ് ഇപ്പോള്‍. അടുത്ത വര്‍ഷം മാര്‍ച്ച് 25ന് ആണ് ചിത്രം തിയേറ്ററുകളിലേക്ക് എത്തുക. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം എത്തും. കൗതുകമുണര്‍ത്തുന്ന ഒരു പോസ്റ്ററിനൊപ്പമാണ് റിലീസ് തീയതി പ്രഖ്യാപിച്ചിരിക്കുന്നത്.
Premium Lifestyle and Entertainment website
മോഹന്‍ലാലിനെ ക്യാമറയുടെ മുന്നില്‍ നിര്‍ത്തി കൊതി തീര്‍ന്നിട്ടില്ല; ഇനിയും രസകരമായ സിനിമകള്‍ ചെയ്യാന്‍ പറ്റുമെന്ന വിശ്വാസം ഉണ്ട്; ലാലിനെവെച്ച് അത്ഭുതങ്ങള്‍ സൃഷ്ടിക്കാന്‍ സാധിക്കും; ഹൃദയപൂര്‍വ്വം അണിയറയില്‍ ഒരുങ്ങുമ്പോള്‍ സത്യന്‍ അന്തിക്കാട് പങ്ക് വച്ചത്